ନୂଆଦିଲ୍ଲୀ, ୧୯।୧ : ସମ୍ପ୍ରତି ଗୁଗୁଲ ଏପରି ଏକ ପ୍ଲାଟଫର୍ମରେ ପରିଣତ ହୋଇଛି ଯାହା ଉପରେ ୟୁଜର ଯେ କୌଣସି କାମ ପାଇଁ ନିର୍ଭର କରୁଛନ୍ତି। କିଛିି ସମସ୍ୟାର ସମ୍ମୁଖୀନ ହେଲେ ଏବେ ୟୁଜରଙ୍କ ହାତ ତୁରନ୍ତ ଗୁଗୁଲ ଆଡକୁ ପଳାଉଛି। ଗୁଗୁଲ ମନୋରଞ୍ଜନର ମାଧ୍ୟମଠାରୁ ଆରମ୍ଭ କରି ଦୈନିଦିନ ଜୀବନରେ ବିଭିନ୍ନ ଜଣାଅଜଣା ତଥ୍ୟ ପ୍ରଦାନର ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିଛି। ଏବେ ଗୁଗୁଲ ଏହାର ଏକ ସର୍ଭେର ଫଳାଫଳ ରିପୋର୍ଟ ପ୍ରକାଶ କରିଛି।
ଝିଅମାନେ ଏକୁଟିଆ ଥିବା ସମୟରେ ଗୁଗୁଲର କେଉଁ ସାଇଟ୍ ଅଧିକ ସର୍ଚ୍ଚ କରିଥାନ୍ତି ସେ ସମ୍ପର୍କରେ ରିପୋର୍ଟରେ ଉଲ୍ଲେଖ କରାଯାଇଛି। ଝିଅମାନେ ଗୁଗୁଲରେ କ୍ୟାରିୟର ସମ୍ବନ୍ଧୀୟ ତଥ୍ୟ ଅଧିକ ଖୋଜନ୍ତି। ଯେଉଁଥିରେ ଅନେକ ତଥ୍ୟ ଅନ୍ତର୍ଭୁକ୍ତ ହୋଇଥାଏ। ଯେପରିକି ପାଠ୍ୟକ୍ରମ ବିଷୟରେ କିମ୍ବା ପାଠ୍ୟକ୍ରମର ଦେୟ ବିଷୟରେ। ଏଥିରୁ ସ୍ପଷ୍ଟ ପ୍ରମାଣିତ ହେଉଛି ଯେ ଝିଅମାନେ ସେମାନଙ୍କ ନିଜ କ୍ୟାରିଅର୍ ବିଷୟରେ କେତେ ସଚେତନ।
ସେହିପରି ଝିଅମାନେ ପୋଷାକକୁ ବହୁତ ଭଲ ପାଆନ୍ତି। ତେଣୁ ସେମାନେ ପୋଷାକ କିମ୍ବା ଶପିଂ ସାଇଟ ସହିତ ଜଡିତ ଥିବା ସାଇଟ୍, ବିଭିନ୍ନ ଅଫର୍ ସମ୍ପର୍କରେ ଜାଣିବାକୁ ଆଗ୍ରହ ପ୍ରକାଶ କରିଥାନ୍ତି।
ଏହା ସହିତ, ସୌନ୍ଦର୍ଯ୍ୟ ବୃଦ୍ଧି ପାଇଁ ବିଭିନ୍ନ ପ୍ରକାରର ମେକଅପ ବ୍ରାଣ୍ଡ ମଧ୍ୟ ଝିଅମାନେ ଖୋଜିଥାନ୍ତି। ଏହା ବ୍ୟତୀତ ଅନେକ ପ୍ରକାରର ସୌନ୍ଦର୍ଯ୍ୟ ବୃଦ୍ଧିକାରୀ କୌଶଳ, ଚିକିତ୍ସା ଏବଂ ଘରୋଇ ଉପଚାର ସମ୍ପର୍କରେ ମଧ୍ୟ ସର୍ଚ୍ଚ କରିଥାନ୍ତି।
ସେହିପରି ଝିଅମାନେ ସଙ୍ଗୀତ ପ୍ରତି ରୁଚି ରଖୁଥିବାରୁ ଏଭଳି ସାଇଟ୍ର ମଧ୍ୟ ଅଧିକ ସର୍ଚ୍ଚ କରିଥାନ୍ତି।
ଭାରତରେ ଇଣ୍ଟରନେଟ ବ୍ୟବହାରକାରୀଙ୍କ ସଂଖ୍ୟା ୧୫ କୋଟିରୁ ଅଧିକ। ସେଥିମଧ୍ୟରୁ ୬ କୋଟିରୁ ଅଧିକ ମହିଳା ଅଛନ୍ତି। ସେହିଭଳି ପୁରୁଷ ଇଣ୍ଟରନେଟ ୟୁଜରଙ୍କ ସଂଖ୍ୟା ୯ କୋଟିରୁ ଅଧିକ। ଗୁଗୁଲର ରିପୋର୍ଟ ଅନୁଯାୟୀ, ମହିଳା ୟୁଜରଙ୍କ ମଧ୍ୟରୁ ୭୫ ପ୍ରତିଶତ ୧୫ରୁ ୩୪ ବର୍ଷ ବୟସ୍କ ରହିଛନ୍ତି।
