ବେଙ୍ଗାଲୁରୁ,୬।୧୦: କର୍ନାଟକର ବେଙ୍ଗାଲୁରୁରେ ଜଣେ ମହିଳା ପ୍ରେମ ସମ୍ପର୍କରେ ବିଶ୍ୱାସଘାତକତା ପାଇବା ପରେ ଆତ୍ମହତ୍ୟା କରିଛନ୍ତି। ମୃତକଙ୍କ ଜଣେ ପୁରୁଷ ସହିତ ଅବୈଧ ସମ୍ପର୍କ ଥିଲା। ସେ ତାଙ୍କ ବନ୍ଧୁଙ୍କୁ ତାଙ୍କ ପ୍ରେମିକଙ୍କ ସହ ପରିଚୟ କରାଇ ଦେଇଥିଲେ ଏବଂ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା। ତାଙ୍କ ବନ୍ଧୁ ଏବଂ ପ୍ରେମିକ ଏକ ଓୟୋ ହୋଟେଲରେ ଥିବା ଜାଣିବା ପରେ ମହିଳା ଜଣଙ୍କ ସେଠାରେ ପହଞ୍ଚିଲେ। ସେ ସେମାନଙ୍କୁ ଧରଥିିଲେ ଏବଂ ତା’ପରେ ସେହି ହୋଟେଲରେ ସେ ଆତ୍ମହତ୍ୟା କରିଥିଲେ।
ବେଙ୍ଗାଲୁରୁର ବାସଭେଶ୍ୱର ନଗରର ଓୟୋ ଚାମ୍ପିଅନ କମ୍ଫର୍ଟ ଲଜରେ ଏହି ଆତ୍ମହତ୍ୟା ଘଟିଥିଲା। ଜଣେ ମହିଳା ତାଙ୍କ ପ୍ରେମିକଙ୍କୁ ତାଙ୍କ ବନ୍ଧୁଙ୍କ ସହ ଧରିଲେ। ଝଗଡ଼ା ପରେ, ସେ ସେହି ହୋଟେଲରେ ଏକ ରୁମ ବୁକ କରିଥିଲେ ଏବଂ ତା’ପରେ ସିଲିଂ ଫ୍ୟାନରେ ଫାଶୀ ଦେଇଥିଲେ। ମୃତକଙ୍କ ନାମ ଯଶୋଦା (୩୮) ବୋଲି ଚିହ୍ନଟ କରାଯାଇଛି। ସେ ପୂର୍ବରୁ ବିବାହିତ ଥିଲେ ଏବଂ ତାଙ୍କର ଦୁଇଟି ସନ୍ତାନ ଥିଲେ।
ଦୁଇଟି ସନ୍ତାନ ଥିବା ସତ୍ତ୍ୱେ, ଯଶୋଦାଙ୍କର ବିଶ୍ୱନାଥ ନାମକ ଜଣେ ଅଡିଟରଙ୍କ ସହିତ ଅବୈଧ ସମ୍ପର୍କ ଥିଲା। ସାତ ବର୍ଷ ଧରି ସେମାନେ ସମ୍ପର୍କ ଥିଲା। କିନ୍ତୁ ନିକଟରେ ଯଶୋଦା ତାଙ୍କ ବନ୍ଧୁଙ୍କୁ ତାଙ୍କ ପ୍ରେମିକ ବିଶ୍ୱନାଥଙ୍କ ସହ ପରିଚୟ କରାଇ ଦେଇଥିଲେ। ସାତ ବର୍ଷ ଧରି ଯଶୋଦାଙ୍କ ସହ ସମ୍ପର୍କରେ ଥିବା ଏହି ବ୍ୟକ୍ତି ଗୁପ୍ତ ଭାବରେ ଯଶୋଦାଙ୍କ ବନ୍ଧୁଙ୍କୁ ଭେଟିବା ଆରମ୍ଭ କରିଥିଲେ।
ଯଶୋଦା ଧୀରେ ଧୀରେ ଉଭୟଙ୍କୁ ସନ୍ଦେହ କରିବାକୁ ଲାଗିଥିଲେ। ବିଶ୍ୱନାଥ ଏବଂ ତାଙ୍କ ବନ୍ଧୁଙ୍କ ମଧ୍ୟରେ ପ୍ରେମ ସମ୍ପର୍କ ଥିବା ସେ ଜାଣିବାକୁ ପାଇଥିଲେ। ସମାନେ ବାସଭେଶ୍ୱର ନଗରର କେଏଚବି କଲୋନିରେ ଥିବା ଓୟୋ ଚାମ୍ପିଅନ କମ୍ଫର୍ଟ ଲଜ୍ ବୁକ୍ କରିଥିବା ଯଶୋଦା ଜାଣିବା ପରେ ସେ ଲଜରେ ପହଞ୍ଚିଥିଲେ। ଯଶୋଦା ସେମାନଙ୍କୁ ଏକାଠି ଧରି ପକାଇଥିଲେ। ତିନି ଜଣଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ତା’ପରେ ଯଶୋଦା ସେହି ହୋଟେଲରେ ତାଙ୍କ ପ୍ରେମିକଙ୍କ ପାଖରେ ଏକ ରୁମ ବୁକ କରି ଫାଶି ଦେଇ ଆତ୍ମହତ୍ୟା କରିଥିଲେ। ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଛି। ମାମଲାର ତଦନ୍ତ ମଧ୍ୟ ଆରମ୍ଭ କରିଛନ୍ତି।
