ପ୍ରୟାଗରାଜ,୨୯।୧ : ସଂରକ୍ଷଣ ସମ୍ବନ୍ଧରେ ଜାରି ବିବାଦୀୟ ନିର୍ଦ୍ଦେଶାବଳୀ ଉପରେ ୟୁଜିସି ସ୍ପଷ୍ଟୀକରଣ ଦେଇଛି। ଶିକ୍ଷା କ୍ଷେତ୍ରରେ ସଂରକ୍ଷଣ ରଦ୍ଦକୁ ବିରୋଧ କରାଯିବା ପରେ ବିଶ୍ୱବିଦ୍ୟାଳୟ ଅନୁଦାନ ଆୟୋଗ ନିଜର ଆଭିମୁଖ୍ୟ ବଦଳାଇଛନ୍ତି। ୟୁଜିସି କହିଛି କୌଣସି ସଂରକ୍ଷିତ ବର୍ଗ (ଏସସି, ଏସଟି, ଓବିସି) ସିଟ ସଂରକ୍ଷିତ ବର୍ଗରୁ ପୂରଣ ହେବ ନାହିଁ। ଏହା ପୂର୍ବରୁ କୁହାଯାଇଥିଲା ଯଦି ଉଚ୍ଚଶିକ୍ଷା କ୍ଷେତ୍ରରେ ବିଭାଗରେ ନିଯୁକ୍ତିରେ ସଂରକ୍ଷିତ ବର୍ଗରେ କୌଣସି ଯୋଗ୍ୟ ପ୍ରାର୍ଥୀ ନ ମିଳେ, ତା’ହେଲେ ସଂରକ୍ଷିତ ବର୍ଗର ପ୍ରାର୍ଥୀଙ୍କ ସିଟରୁ ଭରଣା କରାଯିବ।
ୟୁଜିସିର ଡ୍ରାଫ୍ଟ ଗାଇଡଲାଇନରେ କୁହାଯାଇଥିଲା ଯଦି ଉଚ୍ଚଶିକ୍ଷା ପ୍ରତିଷ୍ଠାନରେ ଏସସି, ଏସଟି ଏବଂ ଓବିସିର ପର୍ଯ୍ୟାପ୍ତ ପ୍ରାର୍ଥୀ ନାହାନ୍ତି, ତେବେ ସାଧାରଣ ବର୍ଗ ପାଇଁ ବାକି ସିଟ ଉପଲବ୍ଧ ହେବ । ୨୭ ଡିସେମ୍ବର ୨୦୨୩ ରେ ଏହି ଗାଇଡଲାଇନ ଜାରି କରାଯାଇଥିଲା ଯେଉଁଥିରେ ୨୮ ଜାନୁୟାରୀ ପର୍ଯ୍ୟନ୍ତ ଜନମତ ନିଆଯାଇଥିଲା।
କେନ୍ଦ୍ରୀୟ ଶିକ୍ଷା ପ୍ରତିଷ୍ଠାନ (ସିଇଆଇ) ରେ କେନ୍ଦ୍ରୀୟ ଶିକ୍ଷା ପ୍ରତିଷ୍ଠାନ (ଶିକ୍ଷକ କ୍ୟାଡରରେ ସଂରକ୍ଷଣ) ଅଧିନିୟମ ଅନୁଯାୟୀ ଶିକ୍ଷକ କ୍ୟାଡରରେ ଥିବା ସମସ୍ତ ପ୍ରତ୍ୟକ୍ଷ ନିଯୁକ୍ତି ପଦବୀ ପାଇଁ ସଂରକ୍ଷଣ ଯୋଗାଇ ଦିଆଯାଉଛି ବୋଲି ଶିକ୍ଷା ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ପୋଷ୍ଟରେ କହିଛି। ଏହି ଅଧିନିୟମ କାର୍ଯ୍ୟକାରୀ ହେବା ପରେ, ଏବେ କୌଣସି ସଂରକ୍ଷିତ ପୋଷ୍ଟକୁ ଅଣସଂରକ୍ଷିତ ରହିବ ନାହିଁ। ୨୦୧୯ ଅଧିନିୟମ ଅନୁଯାୟୀ ଖାଲିଥିବା ପଦବୀ ପୂରଣ କରିବାକୁ ଶିକ୍ଷା ମନ୍ତ୍ରଣାଳୟ ସମସ୍ତ ସିଇଆଇମାନଙ୍କୁ ନିର୍ଦ୍ଦେଶ ଦେଇଛି।
