ନୂଆଦିଲ୍ଲୀ,୩୧।୮: ଚଳିତ ଆର୍ଥତ୍କ ବର୍ଷର ପ୍ରଥମ ତ୍ରୈମାସରେ ଦେଶର ମୋଟ୍ ଘରୋଇ ଉତ୍ପାଦ(ଜିଡିପି) ୩୫% ଖସିପାରେ ବୋଲି ବଜାର ବିଶେଷଜ୍ଞ ଆଶଙ୍କା ପ୍ରକଟ କରିଛନ୍ତି। ମାତ୍ର ପରିସଂଖ୍ୟାନ କାର୍ଯ୍ୟାଳୟ ଏହାକୁ ୧୫ରୁ ୧୬% ଦର୍ଶାଇପାରେ। କୋଭିଡ୍ ଯୋଗୁ ଅଣସଙ୍ଗଠିତ କ୍ଷେତ୍ର ଡାଟା ଠିକ୍ ଭାବେ ଉପଲବ୍ଧ ହୋଇ ନ ଥିବା କାରଣରୁ ଏଭଳି ହୋଇପାରେ ବୋଲି କୁହାଯାଉଛି। ଏ କ୍ଷେତ୍ରରେ ପ୍ରକ୍ସି ମଧ୍ୟ ବ୍ୟବହାର କରାଯାଇପାରେ। ଏହା ପୂର୍ବରୁ ଭାରତର ଜିଡିପି ଅଭିବୃଦ୍ଧି ୪ ଦଶନ୍ଧି ନିମ୍ନରେ ରହିଥିଲା। ପୂର୍ବତନ ମୁଖ୍ୟ ପରିସଂଖ୍ୟାନବିତ ପ୍ରଣବ ସେନ୍ କହିଛନ୍ତି ଯେ, ଏହି ସମୟରେ ଜିଡିପି ଅନ୍ତତଃ ପକ୍ଷେ ୨୫% ହ୍ରାସ ହେବା ଆଶଙ୍କା ରହିଛି। ଏହା ୩୫% ପର୍ଯ୍ୟନ୍ତ ମଧ୍ୟ ଯାଇପାରେ। ମାତ୍ର ପରିସଂଖ୍ୟାନ କାର୍ଯ୍ୟାଳୟ ଏହାକୁ କିଭଳି ଦେଖାଉଛି ତାହା ଦେଖିବାକୁ ବାକି ରହିଛି।
