ନୂଆଦିଲ୍ଲୀ,୫।୬: ଆଦାନୀ ଗ୍ରୁପର ଚେୟାରମ୍ୟାନ ଗୌତମ ଆଦାନୀଙ୍କୁ ନେଇ ଏକ ବଡ ଖବର ସାମ୍ନାକୁ ଆସିଛି। ଗୌତମ ଆଦାନୀ ଏବେ ଧନୀ ତାଲିକାରେ କିଛି ପଛକୁ ଆସିଯାଇଛନ୍ତି। ଏବେ ସେ ଏସିଆର ଦ୍ୱିତୀୟ ଧନୀ ବ୍ୟକ୍ତିଙ୍କ ଆଖ୍ୟା ହରାଇଛନ୍ତି। ବ୍ଲୁମବର୍ଗ ବିଲେନିୟର୍ସ ଇଣ୍ଡେକ୍ସରେ ଗୌତମ ଆଦାନୀ ଏବେ ୧୮ତମ ସ୍ଥାନରୁ ୧୯ ତମ ସ୍ଥାନକୁ ଖସି ଯାଇଛନ୍ତି। ଏବେ ଚାଇନାର ଅରବପତି ଝୋଙ୍ଗ ଶେନଶୌନ ତାଙ୍କୁ ପଛରେ ପକାଇ ଦେଇଛନ୍ତି। ଏବେ ୧୯ତମ ସ୍ଥାନକୁ ଖସିବା ପରେ ଗୌତମ ଆଦାନୀ ଟପ ୨୦ ଧନୀ ବ୍ୟକ୍ତିଙ୍କ ତାଲିକାରୁ ବାହାରି ଯିବାର ଭୟ ଉପୁଜିଛି।
ଚାଇନାର ବିଲିୟନେୟାର ଜୋଙ୍ଗ ଶେନଶୌନ ଗତ ସପ୍ତାହରେ ତାଙ୍କ ନାମରେ ୧.୧୮ବିଲିୟନ ଡ଼ଲାର ଯୋଗ କରି ୬୨.୪ ବିଲିୟନ ଡ଼ଲାରର ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ୧୮ ତମ ସ୍ଥାନକୁ ଉନ୍ନୀତ ହୋଇଛନ୍ତି। ଅନ୍ୟପକ୍ଷରେ, ଏହି ସମୟ ମଧ୍ୟରେ ଭାରତୀୟ ବିଲିୟନେୟାର ଗୌତମ ଆଦାନୀଙ୍କ ନେଟ ମୂଲ୍ୟ ୬୬୨ ନିୟୁତ ଡଲାର ହ୍ରାସ ପାଇଛି, ଯେଉଁଥିପାଇଁ ସେ ୧୮ତମ ସ୍ଥାନରୁ ୧୯ ତମ ସ୍ଥାନକୁ ଖସି ଆସିଛନ୍ତି।
