ଯଦି ଆପଣ ଏପର୍ଯ୍ୟନ୍ତ ନିଜର ଏଲ୍ପିଜି (LPG) କନେକ୍ସନର ଇ-କେୱାଇସି (e-KYC) କରିନାହାନ୍ତି, ତେବେ ୧୬ ଅଗଷ୍ଟ ୨୦୨୬ ପୂର୍ବରୁ ଏହି କାମ ନିଶ୍ଚୟ ଶେଷ କରିନିଅନ୍ତୁ। ଅବିରତ ଏଲ୍ପିଜି ସେବା ଜାରି ରଖିବା ପାଇଁ ତୈଳ କମ୍ପାନୀଗୁଡ଼ିକ (OMCs) ଆଧାର-ଆଧାରିତ ଇ-କେୱାଇସି ବାଧ୍ୟତାମୂଳକ କରିଛନ୍ତି।
ବାୟୋମେଟ୍ରିକ୍ ଇ-କେୱାଇସି କାହିଁକି ଜରୁରୀ?
ଇ-କେୱାଇସି ଦ୍ୱାରା ପ୍ରକୃତ ଗ୍ରାହକମାନଙ୍କୁ ଚିହ୍ନଟ କରାଯାଏ ଏବଂ ନକଲି କିମ୍ବା ଡୁପ୍ଲିକେଟ୍ କନେକ୍ସନ୍ ବନ୍ଦ କରାଯାଏ। ଏହାଛଡ଼ା ଉଜ୍ଜ୍ୱଳା ଯୋଜନା (PMUY) ଅଧୀନରେ ମିଳୁଥିବା ସବ୍ସିଡି (DBT) ସୁରକ୍ଷିତ ରହେ ଏବଂ ଗ୍ୟାସ୍ ସିଲିଣ୍ଡରର କଳାବଜାରୀ ଉପରେ ରୋକ୍ ଲାଗିଥାଏ। ସୂଚନାଯୋଗ୍ୟ ଯେ, ଯେଉଁ ଉପଭୋକ୍ତାମାନେ ପୂର୍ବରୁ ଇ-କେୱାଇସି ସାରିଛନ୍ତି, ସେମାନଙ୍କୁ ପୁଣି ଥରେ କରିବାର ଆବଶ୍ୟକତା ନାହିଁ।
ଇଣ୍ଡେନ୍ ଗ୍ୟାସ୍ ଇ-କେୱାଇସି (ଷ୍ଟେପ୍ସ)
ଇଣ୍ଡେନ୍ ଉପଭୋକ୍ତାମାନେ ନିଜ ଫୋନ୍ରେ
IndianOil One ଆପ୍ ଏବଂ AadhaarFaceRD ଆପ୍ ଡାଉନ୍ଲୋଡ୍ କରନ୍ତୁ। ନିଜର ପଞ୍ଜୀକୃତ ମୋବାଇଲ୍ ନମ୍ବର ଦ୍ୱାରା ଲଗଇନ୍ କରନ୍ତୁ ଏବଂ My Profile କୁ ଯାଇ ୧୬ ଡିଜିଟ୍ର LPG ID ଲିଙ୍କ୍ କରନ୍ତୁ ଓ re-KYC ବିକଳ୍ପ ଉପରେ କ୍ଲିକ୍ କରନ୍ତୁ।ଭାରତ ଗ୍ୟାସ୍ ଇ-କେୱାଇସି (ଷ୍ଟେପ୍ସ)
ଭାରତ ଗ୍ୟାସ୍ ଗ୍ରାହକମାନେ ନିଜ ଫୋନ୍ରେ
Hello BPCL ଆପ୍ ଡାଉନ୍ଲୋଡ୍ କରନ୍ତୁ। ମୋବାଇଲ୍ ନମ୍ବର ଦ୍ୱାରା ପଞ୍ଜୀକରଣ କରିବା ପରେ ହୋମ୍ପେଜ୍ରେ ଦିଆଯାଇଥିବା e-KYC ବିକଳ୍ପ ଉପରେ ଟ୍ୟାପ୍ କରନ୍ତୁ। ଆପଣଙ୍କ ନମ୍ବରକୁ ଆସିଥିବା ୬-ଡିଜିଟ୍ର OTP ଦାଖଲ କରନ୍ତୁ ଏବଂ ନିୟମ ଓ ସର୍ତ୍ତାବଳୀ ଗ୍ରହଣ କରି ପ୍ରକ୍ରିୟା ସମ୍ପୂର୍ଣ୍ଣ କରନ୍ତୁ।ଏଚ୍ପି ଗ୍ୟାସ୍ ଇ-କେୱାଇସି: ଫେସ୍ ସ୍କାନ୍ ମାଧ୍ୟମରେ କରନ୍ତୁ
ଏଚ୍ପି ଗ୍ୟାସ୍ ଉପଭୋକ୍ତାମାନେ
HP Pay ଆପ୍ ଡାଉନ୍ଲୋଡ୍ କରନ୍ତୁ ଏବଂ MPIN ସେଟ୍ କରି ଲଗଇନ୍ କରନ୍ତୁ। LPG ସେକ୍ସନ୍କୁ ଯାଇ e-KYC ଉପରେ କ୍ଲିକ୍ କରନ୍ତୁ। ନିୟମ ଓ ସର୍ତ୍ତାବଳୀ ଗ୍ରହଣ କରିବା ପରେ Capture Face ଉପରେ ଟ୍ୟାପ୍ କରନ୍ତୁ ଏବଂ AadhaarFaceRD ଆପ୍ ମାଧ୍ୟମରେ ନିଜ ଚେହେରା ସ୍କାନ୍ କରାଇ କେୱାଇସି ସମ୍ପୂର୍ଣ୍ଣ କରନ୍ତୁ।ଡିଷ୍ଟ୍ରିବ୍ୟୁଟରଙ୍କ ପାଖକୁ ଯାଇ ଏହିପରି ଅଫ୍ଲାଇନ୍ e-KYC କରନ୍ତୁ
ଆପଣ ନିଜର ସ୍ଥାନୀୟ ଗ୍ୟାସ୍ ଏଜେନ୍ସି (Indane, BPCL କିମ୍ବା HPCL) କୁ ଯାଇ ମଧ୍ୟ ଇ-କେୱାଇସି କରାଇପାରିବେ। ଏଥିପାଇଁ ଆପଣଙ୍କୁ ନିଜର ଆଧାର କାର୍ଡ ଏବଂ ଏଲ୍ପିଜି କନେକ୍ସନ୍ କାଗଜପତ୍ର ସାଙ୍ଗରେ ନେବାକୁ ପଡ଼ିବ। ସେଠାରେ ବାୟୋମେଟ୍ରିକ୍ କିମ୍ବା ଫିଙ୍ଗରପ୍ରିଣ୍ଟ ମେସିନ୍ ମାଧ୍ୟମରେ ତୁରନ୍ତ ଯାଞ୍ଚ ପ୍ରକ୍ରିୟା ଶେଷ ହୋଇଯିବ।
ଇ-କେୱାଇସି ନକଲେ କ’ଣ ହେବ?
-
ସବ୍ସିଡି ବନ୍ଦ ହୋଇପାରେ (Loss of Subsidy): ଯଦି ଆପଣ ଉଜ୍ଜ୍ୱଳା ଯୋଜନା (PMUY) କିମ୍ବା ସାଧାରଣ ସରକାରୀ ସବ୍ସିଡିର ଲାଭ ପାଉଛନ୍ତି, ତେବେ ବ୍ୟାଙ୍କ ଆକାଉଣ୍ଟକୁ Direct Benefit Transfer (DBT) ମାଧ୍ୟମରେ ଆସୁଥିବା ସବ୍ସିଡି ଟଙ୍କା ଅଟକିଯିବ।
-
ସିଲିଣ୍ଡର ମହଙ୍ଗା ମିଳିପାରେ: ସବ୍ସିଡି ନମିଳିବା କାରଣରୁ ଆପଣଙ୍କୁ ଗ୍ୟାସ୍ ସିଲିଣ୍ଡର ବଜାରର ସମ୍ପୂର୍ଣ୍ଣ ମୂଲ୍ୟରେ (Non-Subsidized Rate) କିଣିବାକୁ ପଡ଼ିବ।
-
ଗ୍ୟାସ୍ ସିଲିଣ୍ଡର ବୁକିଂ କିମ୍ବା ଡେଲିଭରୀ ଅଟକିପାରେ: ତୈଳ କମ୍ପାନୀଗୁଡ଼ିକ (Indane, HP, Bharat Gas) ବିନା ଇ-କେୱାଇସି ଥିବା କନେକ୍ସନ୍ର ରିଫିଲ୍ ବୁକିଂ କିମ୍ବା ଡେଲିଭରୀ ଅସ୍ଥାୟୀ ଭାବେ ରୋକିପାରନ୍ତି।
-
କନେକ୍ସନ୍ ବ୍ଲକ୍ କିମ୍ବା ସସପେଣ୍ଡ୍ ହେବା: ନକଲି ଏବଂ ଡୁପ୍ଲିକେଟ୍ କନେକ୍ସନ୍ ହଟାଇବା ପାଇଁ ଇ-କେୱାଇସି ବାଧ୍ୟତାମୂଳକ କରାଯାଇଛି। ସମୟ ସୀମା ମଧ୍ୟରେ ଯାଞ୍ଚ ନହେଲେ ଆପଣଙ୍କ କନେକ୍ସନ୍କୁ ଅସ୍ଥାୟୀ ଭାବେ ନିଷ୍କ୍ରିୟ (Inoperative/Blocked) କରାଯାଇପାରେ।
