ପୁରୁଷୋତ୍ତମପୁର,୫।୧୨(ସବିତା ମିଶ୍ର): ଗୋଷ୍ଟିକନ୍ଦଳ ଯୋଗୁଁ ରାଜ୍ୟରେ ଦିନକୁଦିନ କଂଗ୍ରେସର ସ୍ଥିତି ତଳକୁ ତଳକୁ ଖସି ସତ୍ତା ହଜାଇବାକୁ ଯାଉଥିବାବେଳେ ଏପରିକି ଗଞ୍ଜାମ ଜିଲାରେ ମଧ୍ୟ କଂଗ୍ରସ ଦୁଇଭାଗ ହୋଇପଡିଥିବାର ଏକ ନିଛକ ଘଟଣାର ଦୃଶ୍ୟ ଦେଖିବାକୁ ମିଳିଛି। ପରିସ୍ଥିତି ଏପରି ହୋଇଛି ଯେ, ପୁରୁଷୋତ୍ତମପୁର ଏସଡିପିଓ ଅଫିସ ନିକଟସ୍ଥ ତହସିଲ କାଯ୍ୟାଳୟ ସମ୍ମୁଖ ବିଚରାସ୍ତାରେ ଦୁଇ ନିର୍ୱାଚନ ମଣ୍ଡଳୀର ଦୁଇ ବିଧାୟକ ପ୍ରାର୍ଥିଙ୍କ ମଧ୍ୟରେ ହାତାହାତି ହୋଇ ଏକପ୍ରକାରର ଅପ୍ରିତିକର ପରିସ୍ଥିତି ଦେଖାଦେଇଛି। ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରଲ ହେବା ସହ ଏଠାରେ ଚର୍ଚ୍ଚାର ବିଷୟ ହୋଇଛି। ଯାହା ଦଳ ପାଇଁ ଏକ ଲଜ୍ୟାକର ଘଟଣା ପାଲଟିଛି। ଏପରିକି ଏହିଘଟଣାର ଅଭିଯୋଗ ଗଞ୍ଜାମ ଏସପିଙ୍କ ପଯ୍ୟନ୍ତ ଯାଇଥିବାର ଜାଣିବାକୁ ମିଳିଛି।
ଘଟଣାରୁ ଜାଣିବାକୁ ମିଳିଛି ଯେ, ପୁରୁଷୋତ୍ତମପୁର ତହସିଲ ଅନ୍ତର୍ଗତ ଭୀମପୁର ରୁଷିକୁଲ୍ୟା ନଦୀ ବାଲିଘଟକୁ କେନ୍ଦ୍ରକରି ଏଭଳି ଘଟଣା ଘଟିଛି। ଗତ ନିର୍ୱାଚନରେ ଦଳପକ୍ଷରୁ ହିଞ୍ଜିଳି ବିଧାୟକ ପ୍ରାର୍ଥୀ ହୋଇଥିବା ରଜନିକାନ୍ତ ପାଢୀ ଓ ପିସିସି ସଭ୍ୟ ଭୋକାଲି ସେଠୀ ଆସି ଭୀମପୁର ନଦୀଘାଟରୁ ବାଲିଉଠାଣରେ ଅନିୟମିତା ଘଟି ଚାଲିଥିବାର ନେଇ ତହସିଲଦାରଙ୍କୁ ଏକ ସ୍ମାରକପତ୍ର ପ୍ରଦାନକରି ବାହାରକୁ ଆସିଥିଲେ। ଏହିସମୟରେ ଖଲ୍ଲିକୋଟ ବିଧାୟକପ୍ରାର୍ଥୀ ଚିତ୍ରସେନ ବେହେରା ଓ ନଗର କଂଗ୍ରେସ ସଭାପତି ମନୋରଞ୍ଜନ ଦାଶଙ୍କ ସମେତ କିଛିକର୍ମୀ ବାହାରେ ରହିଥିବାବେଳେ କୌଣସି କାରଣକୁନେଇ ଉଭୟପକ୍ଷଙ୍କ ମଧ୍ୟରେ କଥାକଟାକଟି ଓ ବଚ୍ଚସା ହୋଇ କଥା ହାତାହାତି ପଯ୍ୟନ୍ତ ଯାଇଥିଲା। ଯାହାକି କିଛିସମୟ ଧରି ମୁଖ୍ୟରାସ୍ତା ଉପରେ ହାଇଡ୍ରାମା ଚାଲି ଅପ୍ରିତିକର ପରିସ୍ଥିତି ଦେଖାଦେଇଥିଲା।
ଏହାକୁନେଇ ଭୋକାଲି ସେଠୀଙ୍କୁ ପଚାରିବାରେ ସେ କହିଛନ୍ତି ଯେ ବାଲିଘାଟରେ ହେଉଥିବା ଅନିୟମିତତାର ଖବରପାଇ ଆମ୍ଭେ ସାମାଜିକକର୍ମୀ ଭାବରେ ଜିଲ୍ଲାପାଳଙ୍କ ଉଦେଶ୍ୟରେ ତହସିଲଦାରଙ୍କୁ ଏକ ସ୍ମାରକ ପତ୍ର ଦେଇ ଫେରିବା ବେଳେ ଅଫିସ ଆଗରେ ରହିଥିବା ଚିତ୍ରସେନ ବେହେରା, ମନୋରଞ୍ଜନଦାଶ ଓ ଅନ୍ୟ ପାଞ୍ଚଜଣ ବ୍ୟକ୍ତିମିଶି ବାଲିଘାଟ ବିରୋଦ୍ଧରେ କାହିଁକି ଅଭିଯୋଗ କରିଛ କହି ଜାତିଆଣରଆକ୍ଷେପ କରି ଗାଳିଗୁଲଜ କରିବାସହ ରଜନିକାନ୍ତ ପାଢୀଙ୍କୁ ମଧ୍ୟ ବାଳିଗୁଲଜକରି ସାର୍ଟ କଲର ଧରି ଆକ୍ରମଣ କରିବା ସହ ହତ୍ୟାଧମକ ଦେଇଥିଲେ। ଏହାକୁନେଇ ଗଞ୍ଜାମ ଏସପିଙ୍କଠାରେ ଲିଖିତ ଭାବରେ ଅଭିଯୋଗ କରାଯାଇଛି।
ତେବେ ଜଣେ ସାମାଜିକ କର୍ମୀଭାବରେ ସବୁସ୍ଥାନରେ ଅଭିଯୋଗ କରିବାର ଅଧିକାର ରହିଛି ବୋଲି କହି ଏହା କୌଣସି ଦଳିୟ ଘଟଣାନୁହେଁ ବୋଲି କହିଛନ୍ତି । ଅପର ପକ୍ଷରେ ମନୋରଞ୍ଜନ ଦାଶଙ୍କ ସହ ଯୋଗାଯୋଗ କରାଯିବାରେ ସେ କହିଛନ୍ତି ଯେ ବାଲିଘଟରୁ ସେ ବଟି ମାଗିଲେ ନଦେବାରୁ ତହସିଲଦାରଙ୍କଠାରେ ଅଭିଯୋଗ କରିଛନ୍ତି । ସେ ହିଞ୍ଜିଳିର ବିଧାୟକପ୍ରାର୍ଥୀ ଏଣୁ ତାଙ୍କ ଅଞ୍ଚଳର କଥା ସେ ବୁଝନ୍ତୁ ଏହି ଅଞ୍ଚଳର କଥା ଓ ସମସ୍ୟା ଏଠିକା ବିଧାୟକ ପ୍ରାର୍ଥୀ ବୁଝିବେ ବୋଲି କୁହାଯାଇଛି । କୌଣସି ପ୍ରକାରର ଗାଳିଗୁଲଜ, ଧମକଚମକ କି ଆକ୍ରମଣ କରାଯାଇନାହିଁ। ଗତ ନିର୍ୱାଚନରେ ଭୋକାଲି ସେଠୀ ଖଲ୍ଲିକୋଟ ବିଧାୟକପ୍ରାର୍ଥୀଲାଗି ଟିକେଟ ଆଶାୟୀ ରହିଥିଲେ ମାତ୍ର ତାଙ୍କୁ ମିଳିନଥିଲା ଯାହାକି ମୋ ଯୋଗୁଁ ତାଙ୍କୁ ଟିକେଟ ମିଳିନଥିବାର ଭାବି ସେ ବ୍ୟକ୍ତିଗତ ଭାବରେ ଅକ୍ରୋଶ ମନୋଭାବରଖି ଏଭଳି ମଥ୍ୟା ଅଭିଯୋଗ କରିଛନ୍ତି ବୋଲି ମନୋରଞ୍ଜନ କହିଛନ୍ତି। ଏପରିକି ସେମାନଙ୍କ ବିରୋଧରେ ପୁରୁଷୋତ୍ତମପୁର ପୋଲିସରେ ଅଭିଯୋଗ କରାଯିବ ବୋଲି କହିଛନ୍ତି।