କେନ୍ଦୁଝର,୨୫ା୭(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ପୁରୁଣା ସହର ସଠିଘର (ଏନ୍ଏଚ ୨୦) ନିକଟରୁ ଚୋରି ହୋଇଥିବା ୧୨ ଚକିଆ ଟ୍ରକ ଝାଡ଼ଖଣ୍ଡରୁ ଚମ୍ପୁଆ ପୋଲିସ ଜବତ କରିବା ଘଟଣାରେ ଟାଉନ ଥାନା ପୋଲିସ ଟ୍ରକ୍ ଚାଳକଙ୍କୁ ଶୁକ୍ରବାର କୋର୍ଟଚାଲାଣ କରିଛି। ଅଭିଯୁକ୍ତି ଚମ୍ପୁଆ ଅଞ୍ଚଳର ଏମ୍ଡି ୱାସିନ। ଚୋରି ଘଟଣାରେ ଏକ ର଼୍ୟାକେଟ ସକ୍ରିୟ ଥିବା ବେଳେ ପୋଲିସ ଅନ୍ୟ ଦୁଇ ଜଣଙ୍କୁ ଅଟକ ରଖି ପଚରାଉଚରା କରୁଥିବା ଜଣାପଡ଼ିଛି।
ପ୍ରକାଶ ଯେ, ଜୁଲାଇ ୨୪ ତାରିଖ ରାତି କେନ୍ଦୁଝର ପୁରୁଣା ସହର ରାଜଉଆସ ନିକଟ ସଠିଘର ନିକଟରେ ଠିଆ ହୋଇଥିବା ୧୨ ଚକିଆ ଟ୍ରକ୍ (ନଂ ଓଆର୍ ୦୫ ଏଏନ ୦୮୪୯ ଗାଡ଼ିକୁ ଦୁର୍ବୃତ୍ତ ଚୋରି କରି ନେଇଥିଲେ। ଟ୍ରକ୍ ଝାଡ଼ଖଣ୍ଡ ନିଆଯାଉଥିବା ବେଳେ ସୂଚନା ପାଇ ଚମ୍ପୁଆ ପୋଲିସ ପିଛା କରିଥିଲେ। ଝାଡ଼ଖଣ୍ଡ ରାଜ୍ୟର ହାଟଗମ୍ଭାରିଆ ପୋଲିସର ସହାୟତାରେ ଖରସୁଆଁ ଅମଦା ନିକଟରେ ଜବତ କରି ଟାଉନ ଥାନା ପୋଲିସକୁ ହସ୍ତାନ୍ତର କରିଥିଲେ। ଗିରଫ ଡ୍ରାଇଭରଙ୍କୁ ଜେରା ସମୟରେ ଚୋରି ପଛରେ ଏକ ଗ୍ୟାଙ୍ଗ କାମ କରୁଥିବା ପୋଲିସ ସୂଚନା ପାଇଛି। ର଼୍ୟାାକେଟ ବହୁ ଗାଡ଼ି ଚୋରି କରି ବାହାରେ ବିକ୍ରି କରିଥିବା ସନ୍ଦେହ କରାଯାଉଛି। ତାହାର ତଦନ୍ତ ଚାଲିଛି ଏବଂ ଖୁବ୍ଶୀଘ୍ର ଏହାର ପର୍ଦ୍ଦାଫାସ ହେବ ବୋଲି ଟାଉନ ଥାନା ଅଧିକାରୀ ସୁନିଲ କର କହିଛନ୍ତି।
