ଭଞ୍ଜନଗର,୧୨ା୧୨(ବାବୁଲା ପ୍ରଧାନ): କଲେଜ ପଢୁଆ ଛାତ୍ରୀମାନଙ୍କ ମଧ୍ୟରେ ଆତ୍ମ ବିଶ୍ୱାସ ବଢ଼ିବା ଲକ୍ଷ୍ୟ ନେଇ ସରକାର ସେମାନଙ୍କୁ ଆତ୍ମ ସୁରକ୍ଷା ତାଲିମ ପ୍ରଦାନ କରୁଛନ୍ତି। ଏହିଭଳି ସରକାର ଚଳିତ ବର୍ଷ ଦ୍ୱିତୀୟ ପର୍ଯ୍ୟାୟରେ ରାଜ୍ୟର ୧୧ ଟି ଜିଲାର ୧୯୫ ଟି କଲେଜକୁ ୯୮ ଲକ୍ଷ ୪୨ ହଜାର ୫୮୦ ଟଙ୍କା ଅନୁଦାନ ଦେଇଛନ୍ତି। ସେଥିମଧ୍ୟରେ ଗଞ୍ଜାମ ଜିଲାର ୪୧ କଲେଜ ଅନ୍ତର୍ଭୁକ୍ତ। ଖୁବ୍ଶୀଘ୍ର ଅନୁଦାନ ଆସିଥିବା କଲେଜଗୁଡ଼ିକ ଛାତ୍ରୀମାନଙ୍କୁ ତାଲିମ ଦେବା ବ୍ୟବସ୍ଥା କରିବେ। ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟକୁ ୬୫ ହଜାର ୩୪୦ ଟଙ୍କା ଅନୁଦାନ ଅନୁମୋଦନ ହୋଇଥିବା ବେଳେ ଭଞ୍ଜନଗର ସାବିତ୍ରୀ ମହିଳା ମହାବିଦ୍ୟାଳୟକୁ ୧ ଲକ୍ଷ ୨୪ ହଜାର ୪୭୦ ଟଙ୍କା ଅନୁମୋଦନ ହୋଇଛି।
ସେହିଭଳି ବେଲଗୁଣ୍ଠା ବିଜ୍ଞାନ ମହାବିଦ୍ୟାଳୟକୁ ୨୦ ହଜାର ୭୯୦ ଟଙ୍କା, କେନ୍ଦୁପଦର ଏନ୍ବିସି କଲେଜକୁ ୩୫ ହଜାର ୧୦୦ ଟଙ୍କା, ଗାଲେରି ଦଣ୍ଡପାଣି ମହାର୍ଥା କଲେଜକୁ ୧୬୨୦୦ ଟଙ୍କା, କ୍ଷତ୍ରୀୟବରପୁର ୩୨୧୩୦ ଟଙ୍କା, ସୋରଡ଼ା ଋଷିକୂଲ୍ୟା ଡିଗ୍ରୀ କଲେଜକୁ ୪୮୮୭୦ ଟଙ୍କା, ବିଡିପୁର କଲେଜକୁ ୫୨୩୮୦ ଟଙ୍କା, ଆସିକା ନିରଞ୍ଜନ ମହିଳା ମହାବିଦ୍ୟାଳୟକୁ ୧୧୨୫୯୦ ଟଙ୍କା, ଆସିକା ବିଜ୍ଞାନ ମହାବିଦ୍ୟାଳୟକୁ ୬୭୭୭୦ ଟଙ୍କା, ଜଗନ୍ନାଥପ୍ରସାଦ ଡିଗ୍ରୀ କଲେଜକୁ ୧୪୦୪୦ ଟଙ୍କା, ବାଲିପଦର କଲେଜକୁ ୩୦୫୧୦ ଟଙ୍କା, ବୁଗୁଡ଼ା ପିପୁଲ୍ସ କଲେଜକୁ ୭୯୩୮୦ ଟଙ୍କା ଅନୁମୋଦନ ହୋଇଛି।
Dharitri – Odisha’s No.1 Odia Daily
