ନୂଆଦିଲ୍ଲୀ,୧।୩: ଭାରତୀୟ ପୁଞ୍ଜି ବଜାରରେ ଫରେନ ପୋର୍ଟଫୋଲିଓ ନିବେଶକ(ଏଫ୍ପିଆଇ)ଙ୍କ ନିବେଶ ଲଗାତର ଦ୍ୱିତୀୟ ମାସ ଲାଗି ବୃଦ୍ଧି ଘଟିଛି। ଫେବୃୟାରୀରେ ଏହି ନିବେଶକମାନେ ୨୩,୬୬୩ କୋଟି ଟଙ୍କା ନିବେଶ କରିଥିବା ଶେୟାର ବଜାର ପକ୍ଷରୁ ସୂଚନା ଦିଆଯାଇଛି। ଚଳିତ ଆର୍ଥତ୍କ ବର୍ଷ ତୃତୀୟ ତ୍ରୈମାସରେ ଉନ୍ନତ ଲାଭ ଏବଂ ସାଧାରଣ ବଜେଟ ୨୦୨୧-୨୨କୁ ନେଇ ନିବେଶକ ବେଶ ଆଶାବାଦୀ ରହିଛନ୍ତି। ଫଳରେ ଭାରତ ପୁଞ୍ଜି ବଜାରରେ ଏହି ନିବେଶକ ସବୁ ନିବେଶ ବଢାଉଥିବା ଦେଖାଯାଉଛି। ଏଫ୍ପିଆଇ ୨୫,୭୮୭ କୋଟି ଇକ୍ୱିଟିରେ ନିବେଶ କରିଥିବା ବେଳେ ବଣ୍ଡ ମାର୍କେଟରୁ ୨୧୨୪ କୋଟି ଉଠାଇ ନେଇଛନ୍ତି। ଫଳରେ ଏହି ନିବେଶକଙ୍କ ନେଟ୍ ନିବେଶ ୨୩,୬୬୩ କୋଟି ରହିଛି।
