ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଆଉଟ୍ଫିଟ୍ରେ ମୁଖ୍ୟତଃ ଡ୍ରେସ୍ଗୁଡ଼ିକର ହାତ ଡିଜାଇନ୍ କାନ୍ଧ ପାଖରୁ ପାଦ ପର୍ଯ୍ୟନ୍ତ ଓହଳିକି ରହିଲା ଭଳି ଦେଖାଯାଇଥାଏ। ଏହାକୁ ଖାଲିରେ ଦେଖିଲେ ଟିକେ ଅଜବ ଲାଗୁଥିଲେ ହେଁ ପିନ୍ଧିବାକୁ କମ୍ଫଟେବଲ୍ ହେବା ସହ ଯୁବତୀଙ୍କୁ ଆକର୍ଷଣୀୟ ଲୁକ୍ ଦେଇଥାଏ…
ଆଜିକାଲି କାହାକୁ ବା ଟ୍ରେଣ୍ଡି ଆଉ ଫ୍ୟାଶନେବଲ୍ ଦେଖାଯିବାକୁ ଇଚ୍ଛା ନୁହେଁ। ଖାସ୍ କରି ପ୍ରତି ଅକେଜନ୍ରେ ନିଜ ଲୁକ୍ କେମିତି ଆଟ୍ରାକ୍ଟିଭ୍ ଲାଗିବ, ସେ ନେଇ ଯୁବତୀମାନେ ବେଶ୍ ସଚେତନ ରହିଥାନ୍ତି। ଏପରିକି ସେମାନେ ଲାଟେଷ୍ଟ ଫ୍ୟାଶନ ଟ୍ରେଣ୍ଡକୁ ଆପଣେଇବାକୁ ମଧ୍ୟ ପଛଘୁଞ୍ଚା ଦିଅନ୍ତି ନାହିଁ। ତେଣୁ ସେହି ଦୃଷ୍ଟିରୁ ଦେଖିଲେ ବର୍ତ୍ତମାନ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଆଉଟ୍ଫିଟ୍ ହଟେଷ୍ଟ ଟ୍ରେଣ୍ଡରେ ରହିଛି, ଯାହାକୁ ପିନ୍ଧି ଯୁବତୀମାନେ ଷ୍ଟାଇଲିଶ୍ ଲୁକ୍ ପାଇପାରିବେ…
ପ୍ରିଣ୍ଟେଡ୍ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଅନାରକଲି: ଅନାରକଲି ଡ୍ରେସ୍ ବି ଯୁବତୀଙ୍କୁ ଗର୍ଜିୟସ୍ ଲୁକ୍ ଦେଇଥାଏ। ଆଉ ଯଦି ଏହି ଡ୍ରେସ୍ର ସ୍ଲିଭ୍ ଫ୍ଲୋର୍ ଲେଙ୍ଗ୍ଥ ହେବା ସହ ଏଥିରେ ପ୍ରିଣ୍ଟେଡ୍ ଡିଜାଇନ୍ ହୋଇଥାଏ, ତା’ହେଲେ ତ ଏହାର ଆକର୍ଷଣ ଆହୁରି ବଢିଯାଏ। ଏହି ଡ୍ରେସ୍କୁ ଖାସ୍ କରି ପାର୍ଟି, ଫଙ୍କସନ୍ରେ ପିନ୍ଧିଲେ ଲୁକ୍ ବେଶ୍ ଆକର୍ଷଣୀୟ ଲାଗିଥାଏ।
ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଅନାରକଲି ଚୁଡିଦାର୍ ସୁଟ୍: ଅନାରକଲି ଡିଜାଇନ୍ର ଚୁଡିଦାର୍ ସୁଟ୍ ବି ଯୁବତୀଙ୍କୁ ଆକର୍ଷଣୀୟ ଲୁକ୍ ଦେଇଥାଏ। ଆଜିକାଲି ଏହାର ଅନେକ ସୁନ୍ଦର ସୁନ୍ଦର ଡିଜାଇନ୍ ବି ମିଳିଲାଣି। ତେବେ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଡିଜାଇନ୍ର ଅନାରକଲି ଚୁଡିଦାର ସୁଟ୍ ଏବେ ଲାଟେଷ୍ଟ ଟ୍ରେଣ୍ଡରେ ରହିଛି। ଏହା ସୁନ୍ଦର ଦେଖାଯିବା ସହ ପିନ୍ଧିବାକୁ କମ୍ଫଟେବଲ୍ ହେଉଥିବାରୁ ଏହାର ଚାହିଦା ମଧ୍ୟ ଭଲ ରହୁଥିବା ଦେଖିବାକୁ ମିଳୁଛି।
ଫ୍ଲୋର୍ ଲେଙ୍ଗ୍ଥ ନେଟ୍ ସ୍ଲିଭ୍: ଡୁପିଅନ୍ ସିଲ୍କ କପଡ଼ାରେ ତିଆରି ଲେହେଙ୍ଗାରେ ନେଟ୍ ଡିଜାଇନ୍ର ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ପରଫେକ୍ଟ ମ୍ୟାଚ୍ କରିବା ସହ ଲେହେଙ୍ଗାର ଲୁକ୍କୁ ବି ଅଧିକ ଆକର୍ଷଣୀୟ କରିଦେଇଥାଏ। ଯଦି ବାହାଘର କିମ୍ବା ଏନ୍ଗେଜ୍ମେଣ୍ଟ ସେରିମୋନିରେ ଶାଢ଼ି ବଦଳରେ ଲେହେଙ୍ଗା ଟ୍ରାଏ କରିବାକୁ ଚାହୁଁଥାନ୍ତି, ତା’ହେଲେ ଏହି ଡିଜାଇନ୍ର ଲେହେଙ୍ଗା ପିନ୍ଧି ବି ଯୁବତୀମାନେ ଗର୍ଜିୟସ୍ ଲୁକ୍ ପାଇପାରିବେ।
ଫ୍ଲୋର୍ ଲେଙ୍ଗ୍ଥ ଟାସେଲ୍ ସ୍ଲିଭ ଲେହେଙ୍ଗା: ଟାସେଲ୍ ଡିଜାଇନ ହୋଇଥିବା ଏହି ଫ୍ଲୋର୍ ଲେଙ୍ଗ୍ଥ ସ୍ଲିଭ ବାଲା ଲେହେଙ୍ଗା ଦେଖିବାକୁ ଯେମିତି ଆକର୍ଷଣୀୟ ଲାଗିଥାଏ ପିନ୍ଧିଲେ ସେମିତି ଗର୍ଜିୟସ ଲୁକ୍ ଦେଇଥାଏ। ଏହାକୁ ନିର୍ବନ୍ଧ, ବାହାଘର ଆଦି ଫଙ୍କସନ୍ରେ ପିନ୍ଧିଲେ ଲୁକ୍ ଅଧିକ ଆଟ୍ରାକ୍ଟିଭ୍ ଲାଗିଥାଏ। ଆଉ ଯଦି ଏହି ଲେହେଙ୍ଗା ଓ ଏହାର ଫ୍ଲୋର୍ ଲେଙ୍ଗ୍ଥ ସ୍ଲିଭରେ ପର୍ଲ ଅବା ବିଡ୍ସର କିଛି କାମ ହୋଇଥାଏ, ତା’ହେଲେ ତ ଲେହେଙ୍ଗାର ଡିଜାଇନ ଆହୁରି ସୁନ୍ଦର ଦେଖାଯାଇଥାଏ।
ଗୋଲ୍ଡ ଫ୍ଲୋରାଲ୍ ଏମ୍ବ୍ରୋଏଡୋରି ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଲେହେଙ୍ଗା: ସୁନେଲି ରଙ୍ଗର ସୂତାରେ ଫୁଲ ଡିଜାଇନ୍ର ଏମ୍ବ୍ରୋଏଡୋରି କାମ ହୋଇଥିବା ଲେହେଙ୍ଗା ବି ଆକର୍ଷଣୀୟ ଦେଖାଯାଇଥାଏ। ଆଉ ଯଦି ଏହି ଲେହେଙ୍ଗାରେ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ରହିଥାଏ, ତା’ହେଲେ ତ ଏହାର ଆକର୍ଷଣ ଆହୁରି ବଢ଼ିଯାଏ। ଖାସ୍ କରି ଏହି ଡିଜାଇନ୍ ହୋଇଥିବା ପେଷ୍ଟଲ୍ ପିଙ୍କ୍ କଲର୍ର ଲେହେଙ୍ଗା ଯୁବତୀଙ୍କୁ ଗର୍ଜିୟସ୍ ଲୁକ୍ ଦେଇଥାଏ।
ଟ୍ୟୁବ୍ ବ୍ଲାଉଜ୍ ଉଇଥ୍ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଲେହେଙ୍ଗା: ଲେହେଙ୍ଗା ତ ସବୁବେଳେ ଯୁବତୀଙ୍କୁ ଆକର୍ଷଣୀୟ ଲୁକ୍ ଦେଇଥାଏ। ତେବେ ଆଜିକାଲି ଏମିତି କିଛି ଲେହେଙ୍ଗା ବି ଆସିଲାଣି, ଯାହାର ବ୍ଲାଉଜ୍ ଟ୍ୟୁବ୍ ଡିଜାଇନ୍ର ହେବା ସହ ଏଥିରେ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ବି ଲାଗିକି ରହୁଛି। ପାର୍ଟି, ଫଙ୍କସନ୍ରେ ଅଲଟ୍ରାମଡର୍ନ ଲୁକ୍ ଚାହୁଁଥିବା ଯୁବତୀମାନଙ୍କ ପାଇଁ ଏହି ଟାଇପ୍ର ଲେହେଙ୍ଗା ପରଫେକ୍ଟ ହୋଇପାରିବ।
ତେବେ କେବଳ ଏତିକି ନୁହେଁ ଫ୍ଲୋର୍ ଲେଙ୍ଗ୍ଥ ସ୍ଲିଭ୍ ଡିଜାଇନ୍ର ଆହୁରି ଅନେକ ସୁନ୍ଦର ସୁନ୍ଦର ଲେହେଙ୍ଗା ହେଉ ଅବା ଅନାରକଲି ତଥା ଚୁଡିଦାର୍ ସୁଟ୍ ବି ମାର୍କେଟ୍ରେ ମିଳିଲାଣି। କିନ୍ତୁ ଏସବୁକୁ କିଣିବା ପୂର୍ବରୁ ନିଜ ଲୁକ୍କୁ ଏହା କେତେଦୂର ମ୍ୟାଚ୍ କରୁଛି, ତାହାକୁ ଭଲରେ ପରଖି ସାରିବା ପରେ ଯାଇ ଏହି ଡିଜାଇନ୍ର ଡ୍ରେସ୍ କିଣିବା ଦରକାର।