ଟରଣ୍ଟୋ,୨୩।୭ : ପାଞ୍ଚ ଦଶନ୍ଧି ପରେ କାନାଡ଼ାର ନୋଭା ସ୍କୋଟିଆରେ ବନ୍ୟା ଦେଖାଦେଇଛି। ସମଗ୍ର ପ୍ରଦେଶରେ ବିନାଶର ଦୃଶ୍ୟ ଦେଖିବାକୁ ମିଳୁଛି। ବନ୍ୟା ଜଳରେ ଭାସି ଚାରି ଜଣ ନିଖୋଜ ଅଛନ୍ତି
ପାଞ୍ଚ ଦଶନ୍ଧି ମଧ୍ୟରେ ଆଟଲାଣ୍ଟିକ କାନାଡାର ନୋଭା ସ୍କୋଟିଆରେ ସବୁଠାରୁ ଅଧିକ ବର୍ଷା ହୋଇଛି। ଏହି କାରଣରୁ ଏଠାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି ଏବଂ ବହୁ କ୍ଷୟକ୍ଷତି ହୋଇଛି। ଦୁଇ ଶିଶୁଙ୍କ ସମେତ ଚାରି ଜଣ ନିଖୋଜ ଥିବା ଅଧିକାରୀମାନେ କହିଛନ୍ତି।
କାନାଡିଆନ ବ୍ରୋଡକାଷ୍ଟିଂ କର୍ପ ପାଣିପାଗ ବିଜ୍ଞାନୀ ରିଆନ ସ୍ନୋଡନ ଅନୁଯାୟୀ, ଚଳିତ ବର୍ଷର ବୃଷ୍ଟିପାତ ୧୯୭୧ ଝଡ଼ର ରେକର୍ଡ ଭାଙ୍ଗିଛି। ବାସ୍ତବରେ, ଶୁକ୍ରବାର ଦିନ ନୋଭା ସ୍କୋଟିଆରେ ଝଡ ହୋଇଥିଲା ଏବଂ ପ୍ରବଳ ବର୍ଷା ଆରମ୍ଭ ହୋଇ ଯାଇଥିଲା।
ଗୋଟିଏ ଦିନରେ ତିନିମାସ ପରିମାଣର ବର୍ଷା ହୋଇଥିଲା। ୨୪ ଘଣ୍ଟା ମଧ୍ୟରେ ଏଠାରେ କେତେକ ଅଞ୍ଚଳରେ ୨୫ ସେମିରୁ ଅଧିକ ବର୍ଷା ହୋଇଥିଲା। ଗୋଟିଏ ଦିନରେ ଏତେ ପ୍ରବଳ ବର୍ଷା ହୋଇଥିଲା ବନ୍ୟା ପରିସ୍ଥିତି ସୃଷ୍ଟି ହୋଇଥିଲା। ଏହି କାରଣରୁ ରାସ୍ତା ଧୋଇ ହୋଇଯାଇଥିଲା, ସେତୁ ନଷ୍ଟ ହୋଇଯାଇଥିଲା ଏବଂ କୋଠାଗୁଡ଼ିକ ଜଳମଗ୍ନ ହୋଇଯାଇଥିଲା। ସମଗ୍ର ପ୍ରଦେଶରେ ବିନାଶର ଦୃଶ୍ୟ ରହିଛି ।
ନୋଭା ସ୍କୋଟିଆ ପ୍ରିମିୟର ଟିମ ହ୍ୟୁଷ୍ଟନ କହିଛନ୍ତି ଆମ ସାମ୍ନାରେ ଏକ ଭୟାନକ ପରିସ୍ଥିତି ଅଛି । ଅତିକମରେ ସାତଟି ସେତୁର ପୁନର୍ନିର୍ମାଣ କରିବାକୁ ପଡିବ। ପରିସ୍ଥିତିକୁ ସ୍ବାଭାବିକ କରିବା ପାଇଁ ପ୍ରଦେଶଗୁଡ଼ିକ କେନ୍ଦ୍ର ସରକାରଙ୍କ ସହାୟତା ଲୋଡ଼ିବେ। ଅନ୍ୟପକ୍ଷରେ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ମଧ୍ୟ ବନ୍ୟା ପରିସ୍ଥିତିକୁ ନେଇ ଉଦବେଗ ପ୍ରକାଶ କରିଛନ୍ତି। ସମସ୍ତ ସମ୍ଭାବ୍ୟ ସାହାଯ୍ୟ କରିବାକୁ ସେ ପ୍ରତିଶୃତି ଦେଇଛନ୍ତି।
