ଓଡ଼ିଶାରେ ପ୍ରଥମ: ଚିଲିକାରେ ମାଛ ସଂଗ୍ରହାଳୟ

ଭୁବନେଶ୍ୱର,୧୩।୭(ବ୍ୟୁରୋ): ଚିଲିକା ସହ ଯୋଡ଼ିହୋଇଛି ଆଉଏକ ସଫଳତା। ଦୀର୍ଘଦିନର ପ୍ରତୀକ୍ଷା ପରେ ଚିଲିକା ହ୍ରଦ କୂଳରେ ନିର୍ମାଣ ହୋଇଛି ଓଡ଼ିଶାର ପ୍ରଥମ ଫିଶ୍‌ ମ୍ୟୁଜିୟମ୍‌ ବା ମାଛ ସଂଗ୍ରହାଳୟ। ଏସିଆ ମହାଦେଶର ଏହି ସର୍ବବୃହତ୍‌ ଲବଣାକ୍ତ ହ୍ରଦ ଶତାଧିକ ପ୍ରଜାତି ମାଛଙ୍କ ବାସସ୍ଥାନ ହୋଇଥିବାବେଳେ ଏହାକୁ ପର୍ଯ୍ୟଟକ ଓ ବିଶ୍ୱବାସୀଙ୍କ ନଜରକୁ ଆଣିବାକୁ ଏହି ସଂଗ୍ରହାଳୟ ନିର୍ମାଣ କରାଯାଇଛି। ଚିଲିକାରେ ରହୁଥିବା ବିବିଧ ପ୍ରଜାତିର ମାଛଙ୍କୁ ଏହି ମ୍ୟୁଜିୟମ୍‌ ମଧ୍ୟରେ ଲୋକେ ଦେଖିପାରିବେ। ତେବେ ଏହି ମ୍ୟୁଜିୟମ୍‌ ଏବେ ଖୋଲାଯିବ ନାହିଁ। କରୋନା ମହାମାରୀ ପରିସ୍ଥିତିରେ ସୁଧାର ଆସିଲେ ଏହାକୁ ସର୍ବସାଧାରଣଙ୍କ ପାଇଁ ଉନ୍ମୁକ୍ତ କରାଯିବ ବୋଲି ଚିଲିକା ଉନ୍ନୟନ କର୍ତ୍ତୃପକ୍ଷ (ସିଡିଏ)ର ମୁଖ୍ୟ କାର୍ଯ୍ୟନିର୍ବାହୀ ସୁଶାନ୍ତ ନନ୍ଦ ଟୁଇଟ୍‌ ଯୋଗେ ସୂଚନା ଦେଇଛନ୍ତି।
ବର୍ତ୍ତମାନ ଏହି ହ୍ରଦରେ ୩୩୦ ପ୍ରକାରର ମାଛ ଓ ୧୨ ପ୍ରଜାତିର ଚିଙ୍ଗୁଡ଼ି ରହୁଥିବା ଦେଖାଯାଏ। ଏଥିପାଇଁ ଚିଲିକା ଉପରେ ନିର୍ଭର କରି ଆଖପାଖ ୧୩୨ ଗାଁର ୨ଲକ୍ଷରୁ ଊର୍ଦ୍ଧ୍ୱ ମତ୍ସ୍ୟଜୀବୀ ଜୀବିକା ନିର୍ବାହ କରୁଛନ୍ତି। ଓଡ଼ିଶାରୁ ବାହାରକୁ ରପ୍ତାନି ହେଉଥିବା ସାମୁଦ୍ରିକ ଖାଦ୍ୟ ବା ସି’ ଫୁଡ୍‌ର ୨୦% କେବଳ ଚିଲିକାରୁ ମିଳୁଛି, ଯାହାକୁ ଏହି ମ୍ୟୁଜିୟମ୍‌ ମାଧ୍ୟମରେ ପ୍ରଦର୍ଶିତ କରାଯିବ। କନ୍‌ଭେନଶନାଲ ଆର୍‌ସିସି ଷ୍ଟ୍ରକ୍‌ଚରରେ ମାଛ ଆକୃତିରେ ନିର୍ମିତ ଏହି ମ୍ୟୁଜିୟମ୍‌ ଚିଲିକାର ପଶ୍ଚିମ ଦିଗରେ ବଡ଼କୁଳ ନିକଟରେ ରହିଛି। ଏହାର ଆର୍କିଟେକ୍‌ଚର୍‌ ଡିଜାଇନ୍‌ ବିଶେଷ ଆକର୍ଷଣୀୟ ହୋଇଥିବାବେଳେ ଆଗାମୀଦିନରେ ଏହା ଅଧିକରୁ ଅଧିକ ପର୍ଯ୍ୟଟକଙ୍କୁ ଆକୃଷ୍ଟ କରିପାରିବ ବୋଲି କୁହାଯାଉଛି। ବିଶ୍ୱ ଐତିହ୍ୟସ୍ଥଳୀର ସଂକ୍ଷିପ୍ତ ତାଲିକାରେ ସ୍ଥାନ ପାଇଥିବା ଚିଲିକାର ବିକାଶ ଲାଗି ଗତ କିଛିବର୍ଷ ହେଲା ରାଜ୍ୟ ତଥା କେନ୍ଦ୍ର ସରକାରଙ୍କ ପକ୍ଷରୁ ବିଭିନ୍ନ ପ୍ରକଳ୍ପ ହାତକୁ ନିଆଯାଉଛି। ପ୍ରାରମ୍ଭିକ ପର୍ଯ୍ୟାୟରେ ଏଠାରେ ଥିବା ଜୈବ ବିବିଧତାର ସଂରକ୍ଷଣ କରାଯିବା ସହ ସ୍ଥାନୀୟ ଲୋକଙ୍କୁ କିଭଳି ରୋଜଗାର ଓ ଥଇଥାନ କରାଯିବ ସେନେଇ ଆଲୋଚନା ହୋଇଛି। ସିଡିଏ ପକ୍ଷରୁ ଚିଲିକାରେ ଥିବା ବେଆଇନ୍‌ ଚିଙ୍ଗୁଡି ଘେରି ହଟାଇ ଦିଆଯିବା ସହ ପର୍ଯ୍ୟଟନ ବିଭାଗ ପକ୍ଷରୁ ହ୍ରଦ ଚାରିପାର୍ଶ୍ୱରେ ଥିବା ଦ୍ୱୀପକୁ ପ୍ରାକୃତିକ ପର୍ଯ୍ୟଟନସ୍ଥଳୀ କରିବାକୁ ଯୋଜନା ହୋଇଛି। ଗତ ୩ବର୍ଷ ମଧ୍ୟରେ ଚିଲିକା ହ୍ରଦରେ ଥିବା ୧୬୦ ବର୍ଗକିମିରୁ ଅଧିକ ବେଆଇନ ଘେରିକୁ ଉଚ୍ଛେଦ କରାଯାଇଛି। ଏହାର ଅନୁକୂଳ ପ୍ରଭାବ ଏବେ ଚିଲିକାର ପ୍ରାକୃତିକ ପରିବେଶ ଉପରେ ପଡିଛି। ହ୍ରଦରେ ସାମୁଦ୍ରିକ ଘାସ ତଥା ସବୁଜିମା ବୃଦ୍ଧି ପାଇବା ସହ ପୂର୍ବଭଳି ସ୍ପଞ୍ଜ୍‌ ସୃଷ୍ଟିହୋଇଛି। ମୁହାଣରୁ ଘେରି ଓ ଖନ୍ଦା ସଫା ହେବାଦ୍ୱାରା ଚିଲିକା ଓ ସଂଲଗ୍ନ କେନାଲଗୁଡ଼ିକର ଜଳସ୍ତର ବୃଦ୍ଧି ପାଇଛି। ଫଳରେ ଦୀର୍ଘ ଦଶନ୍ଧି ପରେ ଗଞ୍ଜାମ ଜିଲାର ପାଲୁର କେନାଲରେ ଇର୍‌ଓ୍ବାଡ଼ି ଡଲ୍‌ଫିନଙ୍କୁ ଦେଖିବାକୁ ମିଳୁଛି। ଦଳ ଦଳ ଡଲ୍‌ଫିନ୍‌ କେନାଲ ମଧ୍ୟକୁ ଖାଦ୍ୟ ସନ୍ଧାନରେ ଆସୁଥିବାରୁ ଆଗାମୀଦିନରେ ଏହି ବିରଳ ସାମୁଦ୍ରିକ ପ୍ରାଣୀଙ୍କ ବଂଶବୃଦ୍ଧି ହେବ ବୋଲି ଆଶା କରାଯାଉଛି। ଏହାଛଡ଼ା ବିଭିନ୍ନ ପ୍ରକାର ମାଛ ସହ ୩୭ ପ୍ରଜାତିର ସରୀସୃପ ଏବଂ ଉଭୟଚର ପ୍ରାଣୀ ଓ ଶୀତଦିନେ ଚିଲିକା ଆସୁଥିବା ୬୦ରୁ ଊର୍ଦ୍ଧ୍ୱ ପ୍ରଜାତିର ବିଦେଶାଗତ ପକ୍ଷୀଙ୍କ ବାସସ୍ଥାନ ସୁରକ୍ଷିତ ରହିପାରିଛି।


Enter your email to get our daily news in your inbox.

All Right Reserved By Dharitri.Com

ଗାଧୁଆ ଘର ଯୋଜନା ବିଫଳ: ଅବହେଳିତ ହୋଇ ପଡିରହିଛି ଗୃହ

ତେଲକୋଇ, ୨୯।୮(ଡି.ଏନ.ଏ.)-ତେଲକୋଇ ବ୍ଲକ ମୁଖ୍ୟାଳୟ ସମେତ ବିଭିନ୍ନ ପଞ୍ଚାୟତରେ କେନ୍ଦ୍ର ସରକାରଙ୍କ ସହାୟତାରେ ଗାଧୁଆ ଗୃହ ଯୋଜନା କରାଯାଇଛି। ୨୨ଟି ପଞ୍ଚାୟତରେ ଗାଧୁଆ ଶୌଚ ପାଇଁ...

ଅବ୍ୟବସ୍ଥାରେ ଗୋପାଳପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର:ଡାକ୍ତର ନ ଥିବାରୁ ଉତ୍ତେଜନା

ବାହାନଗା, ୬ା୮(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକରେ ଥିବା ଏକମାତ୍ର ଗୋପାଳପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ନାନା ଅବ୍ୟବସ୍ଥା ଦେଇ ଗତି କରୁଛି। ଏଠାରେ ଡାକ୍ତର ନ ଥିବାରୁ...

ପୁରୀ ସମୁଦ୍ରରେ ଡଲ୍‌ଫିନ୍‌

ପୁରୀ ଅଫିସ,୨୭ା୨: ପୁରୀ ସମୁଦ୍ରରେ ବୁଧବାର ସକାଳେ ୩ଟି ଡଲ୍‌ଫିନ ଦେଖାଯାଇଛନ୍ତି। ଉପକୂଳଠାରୁ ମାତ୍ର ୧୦୦ ମିଟର ମଧ୍ୟରେ ଏହି ଡଲଫିନ ଯାଉଥିବାରୁ ପର୍ଯ୍ୟଟକମାନେ ଦେଖି...

ତହସିଲ କାର୍ଯ୍ୟାଳୟ ସମ୍ମୁଖରେ ବିସ୍ଥାପିତଙ୍କ ଆମରଣ ଅନଶନ

ଲଖନପୁର,୪।୧୧(ଡି.ଏନ୍‌.ଏ): ହୀରାକୁଦ ନଦୀବନ୍ଧ ଯୋଜନାରେ ବିସ୍ଥାପିତ ଲୋକଙ୍କୁ ୧୦ ଡିସିମିଲ ଘରଡ଼ିହ ଜମି ଯୋଗାଇ ଦେବା ପାଇଁ ସରକାର ଘୋଷଣା କରିଥିଲେ। ମାତ୍ର ସରକାରଙ୍କ କାଳବିଳମ୍ବ...

ବୁଲ୍‌ବୁଲ୍‌ ପୁନରୁଦ୍ଧାର କାର୍ଯ୍ୟରେ ପ୍ରଶାସନକୁ ସହାୟତା କଲା ବିଜୁ ଯୁବ ବାହିନୀ

ଭୁବନେଶ୍ୱର,୯।୧୧(ବ୍ୟୁରୋ):  ‘ବୁଲ୍‌ବୁଲ୍‌’ ଓଡ଼ିଶା ଉପକୂଳ ଦେଇ ଗତି କରୁଅଛି। ଏହାର ପ୍ରଭାବରେ ଉତ୍ତର ତଥା ଉପକୂଳ ଓଡ଼ିଶା କେତେକ ସ୍ଥାନରେ ପ୍ରବଳ ବର୍ଷା ହେବା ସହ...

ଜି.ଉଦୟଗିରିରେ ସ୍ନାନପୂର୍ଣ୍ଣିମା: ହାତୀବେଶରେ ଦର୍ଶନ ଦେଲେ ମହାପ୍ରଭୁ

ଜି.ଉଦୟଗିରି, ୧୭।୬(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ଜଗନ୍ନାଥ ମନ୍ଦିରଠାରେ ସୋମବାର ଠାକୁରଙ୍କ ସ୍ନାନପୂର୍ଣ୍ଣିମା ନୀତି ଅନୁଷ୍ଠିତ ହେଉଛି। ସକାଳ ଧୂପ ପରେ ଠାକୁରଙ୍କୁ ପହଣ୍ଡି କରାଯାଇ...

ଇସ୍ରୋ ପରିଦର୍ଶନ ପାଇଁ ଅବିନାଶ ମନୋନୀତ

କୋରୁକୋଣ୍ଡା, ୧୬।୧୨(ଡ଼ି.ଏନ.ଏ.)- ମାଲକାନଗିରି ଜିଲା ବାଲିମେଳା ସରସ୍ବତୀ ଶିଶୁ ବିଦ୍ୟାମନ୍ଦିରର ୧୦ମ ଶ୍ରେଣୀର ଛାତ୍ର ଅବିନାଶ ବେହେରା ଇସ୍ରୋ ପରିଦର୍ଶନ ପାଇଁ ମନୋନୀତ ହୋଇଛନ୍ତି। ଓଡ଼ିଶାରୁ...

୩୦ ଲକ୍ଷ ଟଙ୍କାର ଗଞ୍ଜେଇ ଜବତ: ମହିଳା ଗିରଫ, ସ୍ବାମୀ ଫେରାର

କଟକ ଅଫିସ/ଆଠଗଡ,୨୫।୭(ସ୍ବ.ପ୍ର.) କଟକ ଅବକାରୀ ବିଭାଗ ପକ୍ଷରୁ ବୁଧବାର ତିଗିରିଆ ଥାନା ଅନ୍ତର୍ଗତ ଅଚଳକୋଟ ଗ୍ରାମରେ ଚଢାଉ କରାଯାଇ ୬ କୁଇଣ୍ଟାଲ ଗଞ୍ଜେଇ ଜବତ ହୋଇଛି।...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *