ବାଲେଶ୍ୱର,୪ା୪( ବାଞ୍ଛାନିଧି ଦେ): ବାଲେଶ୍ୱର ୧୬ନଂ ଜାତୀୟ ରାଜପଥର ଖନ୍ତାପଡ଼ା ଥାନା ଅନ୍ତର୍ଗତ ଶେରଗଡ଼ ଢ଼ାବା ନିକଟରେ ଜଳିଲା ଟ୍ରକ । ଶନିବାର ଏକ ସି ଫୁଡ ଟ୍ରକରେ ନିଆଁ ଲାଗିଥିଲା । ହେଲେ ଡ୍ରାଇଭର ଏବଂ ହେଲପର ସୌଭାଗ୍ୟବଶତଃ ବର୍ତ୍ତି ଯାଇଛନ୍ତି ।
ଖବର ପାଇ ନୀଳଗିରି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ପୋଲିସ ପହଞ୍ଚି ଘଟଣାର ତଦନ୍ତ ଜାରି ରଖିଛି । ଜାତୀୟ ରାଜପଥ ପାର୍ଶ୍ଵରେ ଡ୍ରାଇଭର ଜଣକ ଟ୍ରକକୁ ଛିଡା କରାଇ ଷ୍ଟୋଭରେ ରୋଷେଇ କରୁଥିଲେ । ଅସାବଧାନତା ବଶତଃ ଷ୍ଟୋଭରୁ ନିଆଁ ଲାଗି ହୁତୁହୁତୁ ହୋଇ ଟ୍ରକଟି ସମ୍ପୂର୍ଣ୍ଣ ଜଳିଯାଇଛି । ହେଲେ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ଡ୍ରାଇଭର ।