ଆବୁଧାବି, ୧୯।୭(ଏପି)- ବ୍ରାଜିଲର ଡେଭିସନ ଫିଗୁରେଡୋ ଅଲ୍ଟିମେଟ ଫାଇଟିଂ ଚାମ୍ପିୟନଶିପ୍(ୟୁଏଫସି) ଫ୍ଲାଇଓ୍ବେଟ ଟାଇଟଲ ହାସଲ କରିଛନ୍ତି। ରବିବାର ଅନୁଷ୍ଠିତ ଲଢ଼େଇର ପ୍ରଥମ ରାଉଣ୍ଡ ଶେଷ ହେବାକୁ ୧୨ ସେକେଣ୍ଡ ଥିବାବେଳେ ସେ ପ୍ରତିଦ୍ୱନ୍ଦ୍ୱୀ ଜୋସେଫ ବେନାଭିଡେଜଙ୍କୁ ରିଅର ନେକେଡ ଚୋକ୍ କରି ଦେଇଥିଲେ। ୟୁଏଫସି ଇତିହାସରେ ଫିଗୁରେଡୋ ହେଉଛନ୍ତି ତୃତୀୟ ୧୨୫-ପାଉଣ୍ଡ ଚାମ୍ପିୟନ। ୫ ମାସ ମଧ୍ୟରେ ବେନାଭିଡେଜଙ୍କ ବିପକ୍ଷରେ ଏହା ତାଙ୍କର ଦ୍ୱିତୀୟ ବିଜୟ। ଫିଗୁରେଡୋ ପଞ୍ଚ୍ ମାଧ୍ୟମରେ ବେନାଭିଡେଜଙ୍କୁ ୩ ଥର ଧରାଶାୟୀ କରିଥିବାବେଳେ ଏକାଧିକଥର ଚୋକ୍ ସୁଯୋଗ ମିସ୍ କରିଥିଲେ। ଶେଷରେ ସେ ସଫଳତାର ସହ ଚୋକ୍ କରି ବେନାଭିଡେଜଙ୍କୁ ଅଣନିଃଶ୍ୱାସୀ କରି ଦେଇଥିଲେ। ଗତ ଫେବୃୟାରୀରେ ହେନରି ସେଜୁଡୋ ଅବସର ନେବାଦ୍ୱାରା ଏହି ଟାଇଟଲ ଫାଙ୍କା ପଡ଼ିଥିଲା। ପୂର୍ବରୁ କେବଳ ଡିମେଟ୍ରିଅସ ଜନସନ ଓ ସେଜୁଡୋ ୧୨୫-ପାଉଣ୍ଡ ଫ୍ଲାଇଓ୍ବେଟ ଟାଇଟଲର ଅଧିକାରୀ ଥିଲେ। ଫିଗୁରେଡୋ ପ୍ରଥମ ଅଣଆମେରିକୀୟ ଫାଇଟରଭାବେ ଏହି କ୍ଲବରେ ସାମିଲ ହୋଇଛନ୍ତି।
