ବୁଗୁଡ଼ା,୨୦ା୫(ଡି.ଏନ୍.ଏ.): ମହାମାରୀ କରୋନାର ଦିତୀୟ ଲହରି ମୃତ୍ୟୁର ତାଣ୍ଡବ ରଚି ଚାଲିଥିବା ବେଳେ ଏହାର ଶିକାର ପାଲଟିଛନ୍ତି ଜଣେ ବ୍ୟାଙ୍କ ଅଧିକାରୀ l ଦୀର୍ଘ ୧୫ ଦିନ କାଳ ସଂଗ୍ରାମ ପରେ ଶେଷରେ ଜୀବନ ଯୁଦ୍ଧରେ ହାରିଯାଇଛନ୍ତି ଆସିକା ସମବାୟ ବ୍ୟାଙ୍କର ଆସ୍କା ଓ ବୁଗୁଡ଼ା ଶାଖାର ପ୍ରଶାସନିକ ଅଞ୍ଚଳ ଅଧିକାରୀ ଲକ୍ଷ୍ମୀ ନୃସିଂହ ବେହେରା(୫୨) l ସେ ଗତ ୨ ତାରିଖରେ କରୋନା ଆକ୍ରାନ୍ତ ଚିହ୍ନଟ ହେବା ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଥିଲେ। ତେବେ ବୁଧବାର ଅପରାହ୍ନରେ ତାଙ୍କର ଦେହାନ୍ତ ହୋଇଯାଇଛି। ଜଣେ କର୍ମଠ,ସଚ୍ଚୋଟ ଏବଂ ସରଳ ଅଧିକାରୀ ଭାବେ ସେ କର୍ମଚାରୀଙ୍କ ମଧ୍ୟରେ ଆଦୃତ। ଲକ୍ଷ୍ମୀ ନୃସିଂହଙ୍କ ଦେହାନ୍ତ ଖବରପାଇ ସେବା ସମବାୟ ସମିତିର ସମସ୍ତ ସମ୍ପାଦକ, ବ୍ୟାଙ୍କ ଓ କ୍ଷେତ୍ର କର୍ମଚାରୀଙ୍କ ସମେତ ଚାଷୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି। ବ୍ରହ୍ମପୁରର ମୂଳ ବାସିନ୍ଦା ଲକ୍ଷ୍ମୀ ନୃସିଂହଙ୍କ ଏକମାତ୍ର ଝିଅ ଓ ସ୍ତ୍ରୀ ଅଛନ୍ତି l ଅଞ୍ଚଳ ଅଧିକାରୀଙ୍କ ବିୟୋଗରେ ଗୁରୁବାର ସମବାୟ ବ୍ୟାଙ୍କ ବୁଗୁଡା ଶାଖା କାର୍ଯ୍ୟାଳୟରେ ଶୋକ ପ୍ରକାଶ କରାଯାଇ
ତାଙ୍କର ଅମର ଆତ୍ମାର ସଦ୍ଗତି ପାଇଁ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା।
