ଲୋଇସିଂହା,୭।୪(ସୁଶାନ୍ତ ବାରିକ): ବଲାଙ୍ଗୀର ଜିଲା ଲୋଇସିଂହା ବ୍ଲକ ବୁଢୀପଦରଠାରେ ନୂତନ ପ୍ରାଥମିକ କୃଷି ସମବାୟ ସମିତି ଲିମିଟେଡର ଭିତ୍ତି ପ୍ରସ୍ତର ସ୍ଥାପନ କାର୍ଯ୍ୟକ୍ରମ ଉତ୍ସାହ ଓ ଆନନ୍ଦର ମଧ୍ୟରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ମୁଖ୍ୟ ଅତିଥି ଭାବେ ସ୍ବାସ୍ଥ୍ୟ ମନ୍ତ୍ରୀ ଡାକ୍ତର ମୁକେଶ ମହାଲିଙ୍ଗ ଯୋଗଦେଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ।
ସମ୍ମାନୀୟ ଅତିଥି ଭାବେ ବୁଢୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ, DRCS ପ୍ରମୋଦ ବରିହା, ସେକ୍ରେଟାରୀ ଘନଶ୍ୟାମ ପୁଟା, ଗୌନ୍ତିଆ ସୁଧାଂସୁ ଶେଖର ସାହୁ ଓ ଅବସରପ୍ରାପ୍ତ ପୋଲିସ ଅଧିକାରୀ ତଥା ସମାଜସେବୀ ଯୁଧିଷ୍ଠିର ପଧାନ ଉପସ୍ଥିତ ଥିଲେ।
ଏହା ସହିତ ରାଜୁ ପଧାନ, କିଶୋର ଦର୍ଜୀ, ଗୌନ୍ତିଆ ପ୍ରସନ୍ନ ନେଗୀ, ସଂକୀର୍ତନ ଧରୁଆ, ଆନନ୍ଦ ମିଶ୍ର, ସୁଶାନ୍ତ ସାହୁ, ଯୋଗେନ୍ଦ୍ର ବିଶି, ସଦାନନ୍ଦ ବୁଦ୍ଧିଆ, ଅକୁର ସାହୁ, ପ୍ରମୋଦ ଚାନ୍ଦ, ଆନନ୍ଦ ମହାପାତ୍ର, ରାଜେଶ୍ୱର କୁଁୱର, ହେମରାଜ ମହାକୁର ଓ ପ୍ରହଲ୍ଲାଦ ପଧାନ ମଧ୍ୟ ଉପସ୍ଥିତ ଥିଲେ।
ଏହି କାର୍ଯ୍ୟକ୍ରମରେ ବୁଢୀପଦର ପଞ୍ଚାୟତର ବହୁ ସଂଖ୍ୟକ ଗ୍ରାମବାସୀ ଓ ଚାଷୀବୃନ୍ଦ ଯୋଗଦେଇଥିଲେ। ନୂତନ ସମିତି ସ୍ଥାପନ ହେଲେ ଅଞ୍ଚଳର ଚାଷୀମାନଙ୍କୁ ଋଣ ସୁବିଧା, ବୀଜ ଓ ସାର ଯୋଗାଣ ସହିତ ବିଭିନ୍ନ କୃଷି ସହାୟତା ମିଳିବ ବୋଲି ଆଶା କରାଯାଉଛି।
