ନୂଆଦିଲ୍ଲୀ, ୯।୧୨: କଂଗ୍ରେସ ସମେତ ଅନ୍ୟ ରାଜନୈତିକ ଦଳମାନେ କୃଷକଙ୍କ ପକ୍ଷରୁ ଡକାଯାଇଥିବା ଭାରତ ବନ୍ଦକୁ ସମର୍ଥନ କରିଥିଲେ। ତେବେ କୃଷକ ସମର୍ଥନରେ କଂଗ୍ରେସ ଲଗାତାର ଭାଜପା ଏବଂ କେନ୍ଦ୍ର ସରକାରଙ୍କୁ ଟାର୍ଗେଟ କରୁଛି। ସେପଟେ କଂଗ୍ରେସ ଏକ ନିଆରା ଢଙ୍ଗରେ ଭାଜପାକୁ ଟାର୍ଗେଟ କରିଛି। କଂଗ୍ରେସ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଆଳୁ ପରଟା, ପାଳଙ୍ଗ ପନିର, ଭେଜ ପଲଉ ଏବଂ ଡାଲ ତଡ୍କା ଭଳି ଖାଦ୍ୟର ରେସିପି ଶେୟାର କରିଛି। କୃଷି ଆଇନ ବିରୋଧରେ କୃଷକମାନଙ୍କ ଦ୍ୱାରା ଆୟୋଜିତ ଆନ୍ଦୋଳନକୁ ସମର୍ଥନ କରୁଥିବା କଂଗ୍ରେସ ମଧ୍ୟ ଏହି ପୋଷ୍ଟ ସହିତ ଭାଜପା ପାଇଁ ଏକ ବାର୍ତ୍ତା ଲେଖିଛି। କଂଗ୍ରେସ ଲେଖିଛି, କୃତଜ୍ଞତା ଏକ ଦୀର୍ଘ ବାଟ ଦେଖାଏ, ଭାଜପା ଏହାକୁ ବ୍ୟବହାର କରିବା ଉଚିତ୍’ ଏହା ପରେ କଂଗ୍ରେସ ହ୍ୟାସଟ୍ୟାଗରେ #RecipesForBJP ଲେଖିଛି। ଏହାର ଅର୍ଥ ହେଉଛି ଭାଜପା ପାଇଁ ଏକ ରେସିପି। କଂଗ୍ରେସ ଏହି ପୋଷ୍ଟରେ କହିବାକୁ ଚାହୁଁଛି ଯେ କେବଳ ଶେୟାର କରାଯାଇଥିବା ବ୍ୟଞ୍ଜନ ପାଇଁ ବ୍ୟବହୃତ ପନିପରିବା କୃଷକମାନେ ଉତ୍ପାଦନ କରନ୍ତି। ସୂଚନାଯୋଗ୍ୟ, କୃଷକ ଆନ୍ଦୋଳନ ପାଇଁ କଂଗ୍ରେସ କ୍ରମାଗତ ଭାବେ ଭାଜପା ଏବଂ କେନ୍ଦ୍ର ସରକାରଙ୍କ ଉପରେ ଆକ୍ରୋଶ ଜାହିର କରୁଛି। କଂଗ୍ରେସ କହିଛି ଯେ କେନ୍ଦ୍ର ସରକାର ତୁରନ୍ତ ତିନୋଟି କୃଷି ଆଇନ ପ୍ରତ୍ୟାହାର କରିବା ସହ କୃଷି ସଂସ୍କାର ଉପରେ ଆଲୋଚନା ପାଇଁ ସଂସଦର ଅଧିବେଶନ ଡାକିବା ଉଚିତ।
View this post on Instagram
