ମୁମ୍ବାଇ,୧୬।୧୨: ମହାରାଷ୍ଟ୍ରରେ ଦେବେନ୍ଦ୍ର ଫଡନଭିସଙ୍କ ସରକାରର କ୍ୟାବିନେଟ ସମ୍ପ୍ରସାରଣ ହୋଇଛି। ଅନେକ ଦିନର ଦଳାଚକଟା ବା ମନ୍ଥନ ପରେ ମନ୍ତ୍ରୀଙ୍କ ନାମ ଅନୁମୋଦନ ହେଲା ଏବଂ ଶୀଘ୍ର ସେମାନଙ୍କୁ ବିଭାଗ ବଣ୍ଟନ କରାଯିବ। ତେବେ, ଫଡନଭିସ ଦଳର ନୂତନ ଭାବେ ନିଯୁକ୍ତ ମନ୍ତ୍ରୀମାନେ ମଧ୍ୟ ଅନେକ ନାମ ଅନ୍ତର୍ଭୁକ୍ତ କରିଛନ୍ତି ଯେଉଁମାନଙ୍କୁ ଦୁର୍ନୀତି ଅଭିଯୋଗରେ ଇଡି ଦ୍ୱାରା ଯାଞ୍ଚ କରାଯାଉଛି।
ରବିବାର ଅନୁଷ୍ଠିତ କ୍ୟାବିନେଟ ସମ୍ପ୍ରସାରଣରେ ୧୯ ଭାଜପା ବିଧାୟକ, ୧୧ ଶିବସେନା ଏବଂ ୯ ଏନସିପି ବିଧାୟକ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଏହି ତିନିଜଣ ନେତାଙ୍କ ବିରୋଧରେ ଦୁର୍ନୀତି ଅଭିଯୋଗ ରହିଛି।
ଟାଇମ୍ସ ଅଫ ଇଣ୍ଡିଆର ରିପୋର୍ଟ ଅନୁଯାୟୀ, ଅନୁସନ୍ଧାନ ଚାଲିଥିବା ଏହି ମନ୍ତ୍ରୀଙ୍କ ନାମ ପ୍ରତାପ ସାରନାକ, ହାସନ ମୁଶ୍ରିଫ ଏବଂ ଧନଞ୍ଜୟ ମୁଣ୍ଡେ। କୌଣସି ନେତାଙ୍କ ନାମରେ ସିଲ ବନ୍ଦ ରିପୋର୍ଟ କୋର୍ଟରେ ଦାଖଲ କରାଯାଇ ନାହିଁ, ଅର୍ଥାତ ସେମାନଙ୍କ ଉପରେ ତଦନ୍ତ ଜାରି ରହିଛି।
ଅନ୍ୟପକ୍ଷରେ ଭାଜପା ମନ୍ତ୍ରୀ ଗିରିଶ ମହାଜନଙ୍କୁ ସିବିଆଇରୁ କ୍ଲିୟରାନ୍ସ ମିଳିଛି। ବର୍ତ୍ତମାନ ସେ ସମସ୍ତ ଅଭିଯୋଗରୁ ନିର୍ଦ୍ଦୋଷରେ ଖଲାସ ହୋଇଛନ୍ତି। ସୂଚନାଯୋଗ୍ୟ, ଏମଭିଏ ସରକାର ସମୟରେ ଗିରିଶଙ୍କ ବିରୋଧରେ ଚୋରା ଚାଲାଣ ଓ ଅପହରଣ ଅଭିଯୋଗ ଆସିଥିଲା। ସେ ସିବିଆଇ ତଦନ୍ତ ପାଇଁ ଦାବି କରିଥିଲେ, ଏହା ପରେ ଶିନ୍ଦେ ସିବିଆଇକୁ ଯାଞ୍ଚ ହସ୍ତାନ୍ତର କରିଥିଲେ। ପରେ ସିବିଆଇ ଗିରିଶଙ୍କୁ କ୍ଲିୟରାନ୍ସ ଦେଇଥିଲା।
