ଭୁବନେଶ୍ୱର,୪।୮: ବର୍ତ୍ତମାନ ସମୟରେ ମୁଖ ଗହ୍ବର ସ୍ବଚ୍ଛତା ଏବଂ ସୁସ୍ଥତା ବଜାୟ ରଖିବା ନେଇ ଶିକ୍ଷା ଓ ଅନୁସନ୍ଧାନ (ସୋଆ) ଦ୍ୱାରା ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ଡେଣ୍ଟାଲ ସାଇନ୍ସେସ୍ (ଆଇଡିଏସ୍) ପକ୍ଷରୁ ନିକଟରେ ମୁଖ ସ୍ବଚ୍ଛତା ଦିବସ ପାଳିତ ହୋଇଯାଇଛି। ପ୍ରତି ବର୍ଷ ୧ ଅଗଷ୍ଟରେ ଇଣ୍ଡିଆନ୍ ସୋସାଇଟି ଅଫ୍ ପେରିଓଡେଣ୍ଟୋଲୋଜିର ପ୍ରତିଷ୍ଠାତା ଡା. ଜି.ବି. ସାଙ୍କୱେଲ୍କରଙ୍କର ଜନ୍ମତିଥିରେ ମୁଖ ସ୍ବଚ୍ଛତା ଦିବସ ପାଳନ କରାଯାଉଥିବାବେଳେ ଆଇଡିଏସ୍ର ପେରିଓଡେଣ୍ଟିିକ୍ସ ବିଭାଗ ପକ୍ଷରୁ ଏହି ଦିବସକୁ ସ୍ବତନ୍ତ୍ର ଭାବେ ପାଳନ କରାଯାଇଥାଏ। ଏହି ଅବସରରେ ପେରିଓଡେଣ୍ଟିକ୍ସ ଆଣ୍ଡ ଓରାଲ୍ ଇମ୍ପ୍ଲାଣ୍ଟୋଲୋଜି ବିଭାଗର ପ୍ରଫେସର ଡା. ଅନୁରାଗ ଶତପଥୀ ଏବଂ ପ୍ରଫେସର ଡା. ରଶ୍ମିତା ନାୟକ ସୋଆ କମ୍ୟୁନିଟି ରେଡିଓ ୯୦.୪ ଏବଂ ପ୍ରମେୟ ନ୍ୟୁଜ୍ ୭ ଟିଭି ଚ୍ୟାନେଲରେ ଉକ୍ତ ଦିବସର ଗୁରୁତ୍ୱ ଏବଂ ମୁଖ ସ୍ବଚ୍ଛତା ଓ ମାଢ଼ି ସମସ୍ୟା ନେଇ ବିସ୍ତୃତ ତଥ୍ୟ ରଖିଥିଲେ। ସେହିପରି ଛାତ୍ରୀଛାତ୍ରମାନଙ୍କ ଦ୍ୱାରା ଏକ ସୁନ୍ଦର ରଙ୍ଗୋଲି ଆଇଡିଏସ୍ରେ ପ୍ରସ୍ତୁତ କରାଯାଇଥିବା ବେଳେ ରୋଗୀମାନେ ମଧ୍ୟ ଏହି ଦିବସର ମହତ୍ତ୍ୱ ସମ୍ପର୍କରେ ପଚାରି ବୁଝିଥିଲେ। ଏହି ପରିପ୍ରେକ୍ଷୀରେ ଏକ ସ୍ବତନ୍ତ୍ର କାର୍ଯ୍ୟକ୍ରମର ମଧ୍ୟ ଆୟୋଜନ କରାଯାଇଥିଲା।
