ନୂଆଦିଲ୍ଲୀ,୫।୧୦: ବିଦେଶ ଗସ୍ତରେ ଯିବେ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର। ବୁଧବାରଠୁ ଆସନ୍ତା ୧୧ ତାରିଖ ଯାଏ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ଯିବେ। ଗୁରୁବାର ନ୍ୟୁଜିଲାଣ୍ଡ ପ୍ରଧାନମନ୍ତ୍ରୀ ଜେସିଣ୍ଡା ଆର୍ଡନଙ୍କ ସହିତ ଏକ କାର୍ଯ୍ୟକ୍ରମରେ ଯୋଗ ଦେବେ ବୋଲି ଜଣାପଡିଛି। ଏହାସହ ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ସହିତ ଦେଶର ଦ୍ବିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବା ନେଇ ଆଲୋଚନା କରିବେ । ନ୍ୟୁଜିଲ୍ୟାଣ୍ଡରେ ଆଜାଦି କା ଅମୃତ ମହୋତ୍ସବକୁ ସ୍ମରଣୀୟ ତଥା ପ୍ରଦର୍ଶନ କରିବା ପାଇଁ ଉଭୟ ନେତା ଭାରତ @ ୭୫ ଡାକ ଷ୍ଟାମ୍ପ ପ୍ରକାଶ କରିବାର କାର୍ଯ୍ୟକ୍ରମ ରହିଛି। ସମ୍ପ୍ରଦାୟ ତଥା ବିବିଧତା ମନ୍ତ୍ରୀ ପ୍ରିୟଙ୍କା ରାଧାକ୍ରିଷ୍ଣନଙ୍କ ସମେତ ଅନେକ ମନ୍ତ୍ରୀଙ୍କ ସହ ମଧ୍ୟ ଯୋଗାଯୋଗ କରିବେ। ଏ ନେଇ ବୈଦେଶିକ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି।
