ରୋଗ ବାଣ୍ଟି ଚିକିତ୍ସାରେ ଶୋଷଣ

ଯାଜପୁର ଅଫିସ,୩।୭:ଯାଜପୁର ଜିଲା କଳିଙ୍ଗନଗରରେ ଶିଳ୍ପ କାରଖାନା ଯୋଗୁ ବିସ୍ଥାପିତ ଓ ପ୍ରଭାବିତ ଲୋକମାନଙ୍କୁ ଉଚ୍ଚତର ସ୍ବାସ୍ଥ୍ୟସେବା ଯୋଗାଇଦେବାକୁ ଡୁବୁରୀ ଛକ ନିକଟରେ ୨୦୧୫ ଅଗଷ୍ଟରେ ଟାଟା ଷ୍ଟିଲ୍‌ ମେଡିକା ହସ୍ପିଟାଲ ପ୍ରତିଷ୍ଠା କରାଯାଇଛି। ବିସ୍ଥାପିତମାନଙ୍କୁ ମାଗଣାରେ ସ୍ବାସ୍ଥ୍ୟସେବା ଯୋଗାଇ ଦିଆଯିବ ବୋଲି ପୂର୍ବରୁ ପ୍ରତିଶ୍ରୁତି ଦିଆଯାଇଥିଲେ ମଧ୍ୟ ଏବେ ତାହା ପାଳନ କରାଯାଉନାହିଁ। ଟାଟା ଷ୍ଟିଲ କାରଖାନାର ପ୍ରଦୂଷଣରେ ପ୍ରଭାବିତ ଓ ବିସ୍ଥାପିତ ବାସିନ୍ଦା କିଡ୍‌ନୀ, ଯକ୍ଷ୍ମା ଆଦି ଧୂଳିଧୂଆଁ ଓ ଜଳବାହିତ ରୋଗରେ ଆକ୍ରାନ୍ତ ହେଉଥିବାବେଳେ ଟାଟା ଷ୍ଟିଲ୍‌ ମେଡିକା ହସ୍ପିଟାଲରେ ପରୀକ୍ଷା ଓ ଚିକିତ୍ସା ବାବଦରେ ଅର୍ଥ ଶୋଷଣ କରାଯାଉଥିବା ଅଭିଯୋଗ ହୋଇଛି। ଏପରି କି ଶିଳ୍ପ ଦ୍ୱାରା ପ୍ରଦୂଷଣଜନିତ ରୋଗ ବାଣ୍ଟି ଚିକିତ୍ସା ନଁାରେ ଅର୍ଥ ହରିଲୁଟ ଟାଟା ଷ୍ଟିଲ୍‌ ହସ୍ପିଟାଲର ନୀତି ହୋଇଛି ବୋଲି ସ୍ଥାନୀୟ ଲୋକେ କହୁଛନ୍ତି।
କଳିଙ୍ଗନଗରରେ ଶିଳ୍ପାୟନ ପରେ ଦୂଷିତ ବାୟୁ, ଜଳ ଓ ଧୂଳିଧୂଆଁ ପ୍ରଭାବରେ କିଡ୍‌ନୀ ଓ ଯକ୍ଷ୍ମା ରୋଗ ବୃଦ୍ଧି ପାଇଛି। ଗତ ୧୫ ବର୍ଷ ମଧ୍ୟରେ କଳିଙ୍ଗନଗରର ଦୁଇଟି ଡାକ୍ତରଖାନାର ଆକଳନରୁ ୩୦ ହଜାରରୁ ଊର୍ଦ୍ଧ୍ୱ ଲୋକ ଧୂଳିଧୂଆଁ, ଜଳ ଓ ବାୟୁ ପ୍ରଦୂଷଣରେ ଆକ୍ରାନ୍ତ ହୋଇସାରିଛନ୍ତି। ଗାଡ଼ପୁର, ଢୋଲପଥର, ଗୋବରଘାଟି, ଚାନ୍ଦିଆ, ବାଲିଗୋଠ, ଟାଟା ବିସ୍ଥାପିତ କଲୋନୀ, ସାରଙ୍ଗପୁର, କୁମୁଡିସାହି, ମାନପୁର-ସୁଆଲୋ ଆଦି ଗ୍ରାମର ୩୦୦ରୁ ଊର୍ଦ୍ଧ୍ୱ ଲୋକଙ୍କ କିଡ୍‌ନୀ ଓ ଯକ୍ଷ୍ମା ରୋଗରେ ମୃତ୍ୟୁ ହୋଇସାରିଛି। ଏଭଳି ସ୍ଥିତିରେ ଟାଟା ଷ୍ଟିଲ୍‌ ମେଡିକା ହସ୍ପିଟାଲ ପ୍ରତିଷ୍ଠା ପରେ ଶିଳ୍ପାୟନ ଦ୍ୱାରା ପ୍ରଭାବିତ ଲୋକଙ୍କ ମଧ୍ୟରେ ଆରୋଗ୍ୟ ହେବାର ଆଶା ସୃଷ୍ଟି କରିଥିଲା। ଏଠାରେ ବିସ୍ଥାପିତ କିଡ୍‌ନୀ ରୋଗୀଙ୍କ ଡାଏଲିସିସ୍‌ କରାଯାଇ ବିସ୍ଥାପିତମାନଙ୍କୁ ମାଗଣାରେ ଚିକିତ୍ସା କରାଯିବ ବୋଲି କର୍ତ୍ତୃପକ୍ଷ ପ୍ରତିଶ୍ରୁତି ଦେଇଥିଲେ। କିନ୍ତୁ ବର୍ତ୍ତମାନ କେବଳ ଡାଏଲିସିସ୍‌ ବାବଦରେ ବିସ୍ଥାପିତ ଓ ସାଧାରଣ ଲୋକଙ୍କଠାରୁ ୧୨୦୦ରୁ ୨୦୦୦ ଟଙ୍କା ପର୍ଯ୍ୟନ୍ତ ନିଆଯାଉଛି। ଏହାବାଦ ଅନ୍ୟାନ୍ୟ ପରୀକ୍ଷା ଓ ଚିକିତ୍ସା ବାବଦରେ ମାତ୍ରାଧିକ ଅର୍ଥ ନିଆଯାଉଥିବା ଅଭିଯୋଗ ହୋଇଛି। ପୂର୍ବରୁ ସୁକିନ୍ଦା ଅଞ୍ଚଳର ଜଣେ ଆଦିବାସୀ ନାବାଳିକାଙ୍କୁ ଅର୍ଥ ପାଇଁ ଚିକିତ୍ସା ନ କରି ଫେରାଇ ଦେବା ପରେ ଆନ୍ଦୋଳନ ଭଳି ପରିସ୍ଥିତି ଉପୁଜିଥିଲା। ସେହିପରି ୨୩ା୧ା୨୦୧୮ରେ ଦାନଗଦି ବ୍ଲକ ତ୍ରିଜଙ୍ଗା ଗ୍ରାମର ଜଣେ ଗରିବ ଲୋକଙ୍କ ମୃତ୍ୟୁ ପରେ ଟଙ୍କା ପାଇଁ ଟାଟା ଷ୍ଟିଲ୍‌ ମେଡିକା ହସ୍ପିଟାଲ କର୍ତ୍ତୃପକ୍ଷ ଶବକୁ ବନ୍ଧା ପକାଇବା ଭଳି ଘଟଣା ଘଟିଛି।
ବିଡ଼ମ୍ବନା ଯେ, ଏହି ଟାଟା ହସ୍ପିଟାଲରେ ରାଷ୍ଟ୍ରୀୟ ସ୍ବାସ୍ଥ୍ୟ ବୀମା ଯୋଜନା ଏବଂ ବିଜୁ କୃଷକ କଲ୍ୟାଣ ଯୋଜନା କାର୍ଡ ସହାୟତାରେ ଚିକିତ୍ସା ହେଉ ନ ଥିବା ଅଭିଯୋଗ ହୋଇଛି। ପୂର୍ବରୁ ସରକାରଙ୍କ ତରଫରୁ ପ୍ରଦାନ କରାଯାଇଥିବା ଉପରୋକ୍ତ ଯୋଜନା ସହାୟତାରେ ସ୍ବାସ୍ଥ୍ୟସେବା ଯୋଗାଇଦେବାକୁ କଳିଙ୍ଗନଗରର ଅତିରିକ୍ତ ଜିଲାପାଳ ସନ୍ତୋଷ କୁମାର ମିଶ୍ର ନିର୍ଦ୍ଦେଶ ଦେଇଥିଲେ ହେଁ ତାହା କାର୍ଯ୍ୟକାରୀ ହେଉନାହିଁ।
ବାଲିଗୋଠ ଗ୍ରାମର ବିସ୍ଥାପିତ ସାଧୁରାମ କାଲୁଣ୍ଡିଆ କୁହନ୍ତି, ଟାଟା ଷ୍ଟିଲ୍‌ ପ୍ରଦୂଷଣରେ ଶତାଧିକ ଲୋକ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି। ଟାଟା ଷ୍ଟିଲ୍‌ ମେଡିକା ହସ୍ପିଟାଲକୁ ଚିକିତ୍ସା ପାଇଁ ଗଲେ ବିଭିନ୍ନ ପରୀକ୍ଷା ବାବଦରେ ବିପୁଳ ଟଙ୍କା ଲୁଟି ନେଉଛନ୍ତି। ସେହି ପରୀକ୍ଷା ବାବଦରେ ବିଲ୍‌ ଜମା କରିବା ପରେ କମ୍ପାନୀରୁ ଟଙ୍କା ମିଳିବ ବୋଲି କହୁଛନ୍ତି। କିନ୍ତୁ ବିଲ୍‌ ଜମା କରିବା ପରେ କିଛି ମିଳୁନାହିଁ। ବିସ୍ଥାପିତ ବାବଦକୁ ବାର୍ଷିକ ପାଉଣା ମଧ୍ୟ ବୃଦ୍ଧି ହେଉନାହିଁ ବୋଲି ସେ କହିଛନ୍ତି। ବିସ୍ଥାପିତ ନେତ୍ରୀ ସିନି ସଏ କୁହନ୍ତି, ଗୁଳିକାଣ୍ଡରେ ଶହୀଦ ହୋଇଥିବା କେତେକ ପରିବାରଙ୍କୁ ଏ ଯାଏ ଠିକ୍‌ ଭାବେ ଥଇଥାନ କରାଯାଇନାହିଁ। ଟାଟା ମେଡିକା ହସ୍ପିଟାଲକୁ ଚିକିତ୍ସା ପାଇଁ ଗଲା ମାତ୍ରେ ସାଧାରଣ ରୋଗକୁ ମଧ୍ୟ କିଡ୍‌ନୀ ରୋଗ ବୋଲି କହି ଡାଏଲିସିସ ବାହାନାରେ ଟଙ୍କା ଆଦାୟ କରାଯାଉଛି।
ଏ ସଂକ୍ରାନ୍ତରେ ଟାଟା ମେଡିକାର ଇନ୍‌ଚାର୍ଜ ସୁଧାଂଶୁ ଶେଖର ସୂତାରଙ୍କୁ ପଚାରିବାରୁ ସେ କହିଛନ୍ତି, ଡାଏଲିସିସ ପାଇଁ ୧୫୦୦ ଟଙ୍କା ଏବଂ ବିପିଏଲ୍‌ ପରିବାରଙ୍କଠାରୁ ୧୨୦୦ ଟଙ୍କା ନିଆଯାଉଛି। ରାଷ୍ଟ୍ରୀୟ ସ୍ବାସ୍ଥ୍ୟ ବୀମା ଯୋଜନା ଏବଂ ବିଜୁ କୃଷକ କଲ୍ୟାଣ ଯୋଜନାର ପରିଚାଳନା ପାଇଁ ସରକାରଙ୍କ ପକ୍ଷରୁ ଜଣେ ସ୍ବତନ୍ତ୍ର ଡାକ୍ତରଙ୍କୁ ନିଯୁକ୍ତି ଦିଆଯାଇଛି। ଆଇନ ଅନୁଯାୟୀ ଏହି କାର୍ଡଧାରୀଙ୍କୁ ସୁବିଧା ଦିଆଯାଉଛି। ଏହାସହ ଟାଟା ଷ୍ଟିଲ୍‌ ଓ ହସ୍ପିଟାଲ ମଧ୍ୟରେ ହୋଇଥିବା ଚୁକ୍ତି ଅନୁଯାୟୀ ରୋଗୀଙ୍କଠାରୁ ଅର୍ଥ ନିଆଯାଉଛି।


Enter your email to get our daily news in your inbox.

All Right Reserved By Dharitri.Com

ମୋଟୁର ସିଲେରୁ ନଦୀରେ ସେତୁ ନିର୍ମାଣ ପରେ ୩୩୨ ମିଟର ଆପ୍ରୋଚ ରୋଡ୍‌ ନିର୍ମାଣରେ ପ୍ରଶାସନର ବିଳମ୍ବ: ଗ୍ରାମବାସୀ ନିର୍ମାଣ କଲେ ରାସ୍ତା

ମାଲକାନଗିରି,୧୯।୭(ଡି.ଏନ୍‌.ଏ): ଗୁରୁପ୍ରିୟା ସେତୁ ପରେ ମାଲକାନଗିରି ଜିଲାବାସୀଙ୍କ ବହୁ ପ୍ରତୀକ୍ଷିତ ଅନ୍ୟ ଏକ ସ୍ବପ୍ନ ମୋଟୁର ସିଲେରୁ ନଦୀ ଉପରେ ପୋଲ ନିର୍ମାଣ ପରେ ମଧ୍ୟ...

ଦାରିଙ୍ଗବାଡ଼ିରେ ଶୀତ ଅନୁଭୂତ: ସର୍ବନିମ୍ନ ତାପମାତ୍ରା ୧୦ ଡିଗ୍ରୀ

ଦାରିଙ୍ଗବାଡ଼ି,୧୩।୧୧(ଡି.ଏନ.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଅଞ୍ଚଳରେ ଶୀତ ଅନୁଭୂତ ହୋଇଛି। ମଙ୍ଗଳବାର ଅପରାହ୍ନରେ ଦାରିଙ୍ଗବାଡ଼ିରେ ସର୍ବନିମ୍ନ ତାପମାତ୍ରା ୧୧ ଡିଗ୍ରୀ ରହିଥିବାବେଳେ ବୁଧବାର ସକାଳ ୮ଟା...

ଗୋଷ୍ଠୀସ୍ତରୀୟ ଛାତ୍ରୀଛାତ୍ରଙ୍କ ଚକ୍ଷୁ ପରୀକ୍ଷା

କେସିଙ୍ଗା,୧୮।୯(ଡି.ଏନ.ଏ.)-କଳାହାଣ୍ଡି ଜିଲା କେସିଙ୍ଗାସ୍ଥିତ ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ପରିସରରେ ଗୋଷ୍ଠୀସ୍ତରୀୟ ଛାତ୍ରୀଛାତ୍ରଙ୍କ ଚକ୍ଷୁ ପରୀକ୍ଷା ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି । ଏହି ଚକ୍ଷୁ...

ଚିକିତ୍ସା ଅଭାବରୁ ଚାଲିଗଲା ମା’ -ଶିଶୁଙ୍କ ଜୀବନ

ଝାରସୁଗୁଡ଼ା ଅଫିସ,୨୧ା୯: ଝାରସୁଗୁଡ଼ା ଜିଲା ମୁଖ୍ୟ ଚିକିତ୍ସାଳୟରେ ମଙ୍ଗଳବାର ପ୍ରସବ ପରେ ଜଣେ ପ୍ରସୂତି ଓ ନବଜାତ ଶିଶୁର ମୃତ୍ୟୁ ହୋଇଛି। ମୃତକଙ୍କ ପରିବାର ଲୋକେ...

ଭିଜିଲାନ୍ସ ଚଢାଉ: ତହସିଲ କିରାଣୀ ସମେତ ୨ ଗିରଫ

ବଲାଙ୍ଗୀର ଅଫିସ/ଲୋଇସିଂହା, ୪ା୬(ଡି.ଏନ୍‌.ଏ.)-ଆରଓଆର(ରାଇଟ୍‌ ଅଫ୍‌ ରେକର୍ଡସ) କରିଦେବା ବାବଦରେ ଜଣେ ବ୍ୟକ୍ତିିଙ୍କଠାରୁ ୬ ହଜାର ଟଙ୍କା ଲାଞ୍ଚ ନେବାବେଳେ ଆଗଲପୁର ତହସିଲ ଅଫିସର ଭାରପ୍ରାପ୍ତ ହେଡକ୍ଳର୍କ...

ସୀମା ଟପିଲା ପୁଅ-ବୋହୂଙ୍କ ନିର୍ଯାତନା: ସବୁ ସମ୍ପତ୍ତି ଦାନ କରିବେ ଜାନକୀ

ପାରଳାଖେମୁଣ୍ଡି,୨୦ା୯(ସ୍ବ.ପ୍ର.)-ଏକମାତ୍ର ପୁଅ-ବୋହୂଙ୍କ ନିର୍ଯାତନା ଆଇ ସହ୍ୟ ହୋଇନାହିଁ। ବାଧ୍ୟହୋଇ ଜଣେ ୭୫ବର୍ଷୀୟ ବୃଦ୍ଧା ପୁଅକୁ ନିଜ ସମ୍ପତ୍ତିରୁ ବେଦଖଲ କରିବା ପାଇଁ ମନସ୍ଥ କରିଛନ୍ତି। ଏହି...

ହୀରାକୁଦ ଡ୍ୟାମ୍‌ରେ ୧୪ଟି ଗେଟ୍‌ ଦେଇ ଜଳ ନିଷ୍କାସନ

ସମ୍ବଲପୁର, ୧୯ା୮ (ବ୍ୟୁରୋ): ସମ୍ବଲପୁର ହୀରାକୁଦ ଡ୍ୟାମ୍‌ରୁ ସୋମବାର ୧୪ଟି ଗେଟ ଦେଇ ବନ୍ୟାଜଳ ନିଷ୍କାସିତ ହେଉଛି। ୧୪ଟି ଗେଟ୍‌ରେ ପ୍ରତି ସେକେଣ୍ଟରେ ୧ଲକ୍ଷ ୭୫...

ଜଙ୍ଗଲରୁ ବୃଦ୍ଧାଙ୍କ ମୃତଦେହ ଉଦ୍ଧାର: ହାତୀ ଆକ୍ରମଣରେ ମୃତ୍ୟୁ ଅଭିଯୋଗ, ଘଟଣାସ୍ଥଳରେ ଉତ୍ତେଜନା

ପରଜଙ୍ଗ,୧୫।୧୨(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧୀନ ଏକ ଗ୍ରାମର ବେରଣା ବଡକଟା ଜଙ୍ଗଲରୁ ରବିବାର ଜଣେ ବୃଦ୍ଧାଙ୍କ ମୃତଦେହ ଉଦ୍ଧାର...

Advertisement


Archives

Model This Week