ପ୍ରିୟଜନଙ୍କୁ ହରାଇବା ପରେ ସମ୍ପତ୍ତି,EPF,FD,MFରେ ଜମା ଟଙ୍କାକୁ କେମିତି କରିବେ କ୍ଲେମ୍‌? ଜାଣନ୍ତୁ ସମ୍ପୂର୍ଣ୍ଣ ପ୍ରକ୍ରିୟା…
1:08 pmNovember 9, 2025 / 06

ନୂଆଦିଲ୍ଲୀ,୯।୧୧: କୌଣସି ପ୍ରିୟଜନଙ୍କୁ ହରାଇବା ପରେ ତାଙ୍କ ଅଭାବ ସବୁଦିନ ରହିଥାଏ। ହେଲେ ଯଦି ଆପଣ ତାଙ୍କର ଉତ୍ତରାଧିକାରୀ ଏବଂ ଆପଣଙ୍କ ନିକଟରେ ସଠିକ ସୂଚନା ରହିଛି ତେବେ ସେ ଉପାର୍ଜନ କରିଥିବା ସମ୍ପତ୍ତି, ଇପିଏଫ୍‌, ଏଫ୍‌ଡି, ଏବଂ ନିବେଶ ଉପରେ ଦାବି କରିବାରେ ଅସୁବିଧା ହେବ ନାହିଁ। ଭାରତରେ ପ୍ରତ୍ୟେକଟିକୁ କ୍ଲେମ କରିବାର ପ୍ରକ୍ରିୟା ଏବଂ ଦସ୍ତାବିଜ ଭିନ୍ନ। ଆସନ୍ତୁ ସେ ବିଷୟରେ ବିଶେଷ ଭାବେ ଜାଣିବା।

ବ୍ୟାଙ୍କ୍ ଆକାଉଣ୍ଟ୍ ଓ ଏଫ୍‌ଡିର ଟଙ୍କା ଦାବି କରନ୍ତୁ

ଯଦି ନୋମିନି କିମ୍ବା ଜଏଣ୍ଟ୍ ଆକାଉଣ୍ଟ୍ ଅଛି: ପ୍ରକ୍ରିୟା ସହଜ। ନମିନି କିମ୍ବା ଜଏଣ୍ଟ୍ ହୋଲ୍ଡର୍ ମୃତ୍ୟୁ ପ୍ରମାଣପତ୍ର + ନିଜ KYC ବ୍ୟାଙ୍କ୍‌ରେ ଦାଖଲ କରି ଟଙ୍କା ପାଇପାରିବେ।
ଯଦି କିଛି ନାହିଁ: ବ୍ୟାଙ୍କ୍ ଉତ୍ତରାଧିକାର ପ୍ରମାଣପତ୍ର (Succession Certificate) କିମ୍ବା ଲିଗାଲ୍ ହିୟର୍ ସର୍ଟିଫିକେଟ୍ ଦାବି କରିବ। ଏହା ପ୍ରଦାନ କଲେ ଟଙ୍କା ଛଡ଼ାଯିବ।

ସମ୍ପତ୍ତିର ଟ୍ରାନ୍ସଫର୍ ଓ ମ୍ୟୁଟେସନ୍ଉତ୍ତରାଧିକାରୀମାନେ ମ୍ୟୁଟେସନ୍ ପାଇଁ ଆବେଦନ କରିବେ। ସ୍ଥାନୀୟ ଭୂମି/ପୌର ରେକର୍ଡରେ ମାଲିକାନା ହସ୍ତାନ୍ତର।

ଜରୁରୀ ଦସ୍ତାବିଜ୍: ମୃତ୍ୟୁ ପ୍ରମାଣପତ୍ର, KYC, ମୂଳ ଦଲିଲ୍, ଉତ୍ତରାଧିକାର ପ୍ରମାଣ।
ମ୍ୟୁଟେସନ୍ ପରେ: ସମ୍ପତ୍ତି ବେଚିବା କିମ୍ବା ହସ୍ତାନ୍ତର କାନୁନୀ ହେବ।

ବ୍ୟାଙ୍କ୍ ଲକର୍ ଦାବିଲକର୍ ଖୋଲିବା ଜଟିଳ।

ଦସ୍ତାବିଜ୍: ମୃତ୍ୟୁ ପ୍ରମାଣପତ୍ର, KYC, ଦାବି ଫର୍ମ।
ଯଦି ଉଇଲ୍ ଅଛି: କୋର୍ଟ ନିର୍ଦ୍ଦେଶ ଅନୁସାରେ ବ୍ୟାଙ୍କ୍ କାର୍ଯ୍ୟ କରିବ।
ଉଇଲ୍ ନାହିଁ: ଉତ୍ତରାଧିକାର ପ୍ରମାଣପତ୍ର ଦରକାର।
ଚାବି ହଜିଗଲେ: ସାକ୍ଷୀ ସାମ୍ନାରେ ଲକର୍ ଭାଙ୍ଗି, ଜିନିଷର ରେକର୍ଡ ରଖି, ବକେୟା ଶୁଳ୍କ କାଟି ସଠିକ୍ ଦାବିଦାରଙ୍କୁ ଦିଆଯିବ।

ଇପିଏଫ୍ (EPF)ର ଟଙ୍କା ଦାବିସଦସ୍ୟଙ୍କ ମୃତ୍ୟୁ ପରେ:

ଦାବି ପ୍ରକ୍ରିୟା: UMANG ଆପ୍ କିମ୍ବା ଇପିଏଫ୍ ଅଫିସ୍‌ରେ ଦାଖଲ।
କିଏ ଦାବି କରିପାରିବ: ନୋମିନି କିମ୍ବା କାନୁନୀ ଉତ୍ତରାଧିକାରୀ।
ଲାଭ: ପିଏଫ୍ ବାକି, ପେନସନ୍, EDLI ବୀମା।
ଚ୍ୟାଲେଞ୍ଜ: ପୁରୁଣା ଆକାଉଣ୍ଟ୍ (UAN ପୂର୍ବରୁ) ଖୋଜିବା କଷ୍ଟକର। ରୋଜଗାର ରେକର୍ଡ ଓ UAN ସୁରକ୍ଷିତ ରଖନ୍ତୁ।

ମ୍ୟୁଚୁଆଲ୍ ଫଣ୍ଡ୍ ଦାବି

ନୋମିନି ଥିଲେ: ଦାବି ଫର୍ମ + ମୃତ୍ୟୁ ପ୍ରମାଣପତ୍ର ଫଣ୍ଡ୍ ହାଉସ୍‌କୁ ଦେଇ ୟୁନିଟ୍ ବିକ୍ରି କିମ୍ବା ଟ୍ରାନ୍ସଫର୍ କରିପାରିବେ।
ନୋମିନି ନ ଥିଲେ: ଅତିରିକ୍ତ ଦସ୍ତାବିଜ୍। ଉଇଲ୍ ନଥିଲେ ହିନ୍ଦୁ ଉତ୍ତରାଧିକାର ଆଇନ୍ କିମ୍ବା ଭାରତୀୟ ଉତ୍ତରାଧିକାର ଆଇନ୍ ଅନୁସାରେ ବଣ୍ଟନ।

ଦାବି ଆରମ୍ଭ ପୂର୍ବରୁ ଏହା କରନ୍ତୁ