ଭୁବନେଶ୍ୱର, ୨୧।୧୦(ସୁନିତ୍ ମିଶ୍ର): ରାଜ୍ୟ ସରକାର ଓଏଏସ୍ ଅଫିସର ସ୍ତରରେ ଏକ ଅଦଳବଦଳ କରିଛନ୍ତି। ସାଧାରଣ ପ୍ରଶାସନ ବିଭାଗ ପକ୍ଷରୁ ଶୁକ୍ରବାର ଜାରି ହୋଇଥିବା ବିଜ୍ଞପ୍ତି ଅନୁସାରେ, କାଜୁ ଉନ୍ନୟନ ନିଗମ ଏମ୍ଡି ଦିପ୍ତୀ ମହାପାତ୍ରଙ୍କୁ ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା ବିଭାଗର ଯୁଗ୍ମ ସଚିବ ଭାବେ ନିଯୁକ୍ତି ମିଳିଛି। ନବକୃଷ୍ଣ ଜେନାଙ୍କୁ ଯାଜପୁର ଏଡିଏମ୍ ଭାବେ ବଦଳି କରାଯାଇଛି। ଫୁଲବାଣୀ ଆଇଟିଡିଏ ପିଏ ନରେଶ ଚନ୍ଦ୍ର ସବରଙ୍କୁ ଗଜପତି ଛେଳିଗଡ଼ ଜଳସେଚନ ପ୍ରକଳ୍ପର ସ୍ବତନ୍ତ୍ର ଏଲ୍ଏଓ ଭାବେ ନିଯକ୍ତି ମିଳିଛି। ଯାଜପୁର ଏଡିଏମ୍ ଦୁଖବନ୍ଧୁ ନାୟକଙ୍କୁ ସୁକିନ୍ଦା ସ୍ବତନ୍ତ୍ର ଏଲ୍ଏଓ ଏବଂ ଆରଆର ଭାବେ ଅବସ୍ଥାପିତ କରାଯାଇଛି। ସରକାରୀ ଉପ ମୁଖ୍ୟ ସଚେତକଙ୍କ ବ୍ୟକ୍ତିଗତ ସଚିବ ଚିନ୍ମୟ କୁମାର ଆଚାର୍ଯ୍ୟଙ୍କୁ ଭୁବନେଶ୍ବର ସବ୍କଲେକ୍ଟର ଭାବେ ନିଯୁକ୍ତି ଦିଆଯାଇଛି। କୁଚିଣ୍ଡା ଆଇଟିଡିଏ ପିଏ ହେମସାଗର ଭୋଇଙ୍କୁ କୁଚିଣ୍ଡାର ଅତିରିକ୍ତ ସବକଲେକ୍ଟର ନିଯୁକ୍ତି ମିଳିଛି।
