ଦାରିଙ୍ଗବାଡ଼ି,୨୦ା୨(ଅରୁଣ ସାହୁ): ଯେଉଁ ଭଳି ଭାବରେ ଦିନକୁ ଦିନ ଖରାର ପ୍ରଭାବ ବୃଦ୍ଧି ପାଉଛି ସେହି ପରିମାଣଠାରୁ ଆହୁରି ଦ୍ରୁତଗତିରେ ଜଳସ୍ତର କମିବାରେ ଲାଗିଛି। ପିଇବା ପାଣିର ଅଭାବ ବୃଦ୍ଧି ପାଉଥିବା ଚିନ୍ତାଜନକ ପରିସ୍ଥିତି ହୋଇଥିବାବେଳେ ପର୍ଯ୍ୟଟକଙ୍କୁ ନିରାଶ କରୁଛି ପର୍ଯ୍ୟଟନକ୍ଷେତ୍ରରେ ରହିଥିବା ଏକାଧିକ ଜଳପ୍ରପାତ। ଉକ୍ତ ବ୍ଲକର କିରିକୁଟି ପଞ୍ଚାୟତରେ ଥିବା ଲଭର୍ସପଏଣ୍ଟ ଜଳପ୍ରପାତ ସମେତ ମିଡିୟୁବାନ୍ଦା ଜଳପ୍ରପାତ, ପାଟାବାନ୍ଧା ଜଳପ୍ରପାତ ରେନବୋ ଜଳପ୍ରପାତ, ଯୋଗୀ ମଠ ଆଦିରେ ଜଳସ୍ତର କମିବାରେ ଲାଗିଛି। ଉକ୍ତ ପ୍ରପାତଗୁଡିକର ଅବସ୍ଥା ଶୋଚନୀୟ ଦିଶୁଥିବାରୁ ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ପର୍ଯ୍ୟଟକ ଜଳପ୍ରପାତର ବିପର୍ଯ୍ୟୟ ଅବସ୍ଥା ଦେଖି ନିରାଶ ହେଉଛନ୍ତି।
ସୂଚନାଯୋଗ୍ୟ ଯେ, ଦାରିଙ୍ଗବାଡ଼ିକୁ ସେପ୍ଟେମ୍ବରଠାରୁ ମାର୍ଚ୍ଚ ପର୍ଯ୍ୟନ୍ତ ଅଧିକ ସଂଖ୍ୟକ ପର୍ଯ୍ୟଟକ ଆସୁଥିବା ବେଳେ ଚଳିତବର୍ଷ ଫେବୃଆରୀଠାରୁ ହଠାତ୍ ଖରାର ପ୍ରକୋପ ବୃଦ୍ଧି ପାଇଛି ଯାହା ପର୍ଯ୍ୟଟକଙ୍କୁ ନିରାଶ କରୁଛି।
