ବମ୍ବେ: ବଲିଉଡ୍ କିଙ୍ଗ ଖାନ୍ ଶାହାରୁଖଙ୍କ କ୍ରେଜ୍ ଆଜି ବି ରହିଛି। ମହିଳା ପ୍ରଶଂସକମାନେ ତାଙ୍କୁ ଫିଲ୍ମ ପରଦାରେ ଦେଖିବାକୁ ଅପେକ୍ଷା କରି ରହିଥାନ୍ତି। ହେଲେ ଅମ୍ବାନୀଙ୍କ ପ୍ରି-ଓ୍ବେଡିଂରେ ଏକ ଭିନ୍ନ ଘଟଣା ଘଟିଛି। ଭାବି ବୋହୂ ଶାହାରୁଖଙ୍କୁ ‘ଅଙ୍କଲ’ ବୋଲି ଡାକିଥିବା ଦେଖାଯାଇଛି। ଏହାର ଭିଡିଓ ଭାଇରାଲ ହେବା ପରେ ଲୋକେ ତାଙ୍କ ମଜା ଉଡାଉଛନ୍ତି।
ବିଜିନେସ୍ ଟାଇକୁନ୍ ମୁକେଶ ଅମ୍ବାନୀଙ୍କ ପୁଅ ଅନନ୍ତଙ୍କ ପ୍ରି-ଓ୍ବେଡିଂ ଉତ୍ସବରେ ଯୋଗଦେବାକୁ ବଲିଉଡ ତାରକାମାନେ ପହଞ୍ଚିଥିଲେ। ଏଥିରେ ଶାହାରୁଖ-ସଲମାନ-ଆମିର ଗୋଟିଏ ମଞ୍ଚରେ ଏକାଠି ହୋଇ ନାଚିଥିଲେ। ଏହାର ଦୃଶ୍ୟ ପ୍ରଶଂସକଙ୍କ ହୃଦୟ ଜିତିଥିଲା।
ଭାଇରାଲ ଭିଡିଓରେ ଅନନ୍ତ, ରାଧିକା ଏବଂ ଶାହାରୁଖ ଏକାଠି ଛିଡ଼ା ହୋଇଛନ୍ତି। ଏହି ସମୟରେ ରାଧିକା କହୁଛନ୍ତି ‘ଶାହାରୁଖ ଅଙ୍କଲ୍ ଆପଣ ଏଠାରେ ଅଛନ୍ତି ତ ଆମେ ଗୋଟିଏ ଡାଏଲଗ୍ ଶୁଣିବାକୁ ଚାହୁଁଛୁ। ’ ଏହାର ଜବାବରେ ଶାହାରୁଖ କୁହନ୍ତି, ‘ଯଦି ମୋ’ ସ୍ଥାନରେ ଅକ୍ଷୟ କୁମାର ଥାନ୍ତେ ତେବେ ତୁମେ ତାଙ୍କ ଡାଏଲଗ୍ କହିଥାନ୍ତ’।
