ମାଞ୍ଚେଷ୍ଟର,୧୭।୭: ମାଞ୍ଚେଷ୍ଟରର ଓଲ୍ଡ ଟ୍ରାଫର୍ଡରେ ଖେଳାଯାଉଥିବା ତୃତୀୟ ଦିନିକିଆରେ ଇଂଲଣ୍ଡ ଟିମ ଇଣ୍ଡିଆକୁ ୨୬୦ ରନ ଲକ୍ଷ୍ୟ ଦେଇଛି। ଟସ ହାରିବା ପରେ ପ୍ରଥମେ ବ୍ୟାଟିଂ କରି ଇଂଲଣ୍ଡ ଦଳ ୪୫.୫ ଓଭରରେ ୨୫୯ ରନ କରି ଅଲଆଉଟ୍ ହୋଇଯାଇଥିଲା। ଇଂଲଣ୍ଡ ପାଇଁ ଅଧିନାୟକ ଜୋସ ବଟଲର ସର୍ବାଧିକ ୬୦ ରନ ସଂଗ୍ରହ କରିଥିଲେ। ମୋଇନ ଅଲୀ ୩୪, ଜେସନ ରୟ ୪୧, ଲିଆମ ଲିଭିଙ୍ଗଷ୍ଟୋନ ୨୭ ଏବଂ କ୍ରେଗ ଓଭରଟନ ୩୨ ରନ ସ୍କୋର କରିଥିଲେ। ହାର୍ଦ୍ଦିକ ପାଣ୍ଡ୍ୟା ଭାରତ ପାଇଁ ଚମତ୍କାର କରିଥିଲେ। ସେ ୭ ଓଭରରେ ୩ ମେଡେନ ସହ ମାତ୍ର ୨୪ ରନ ଦେଇ ଚାରିଟି ଉଇକେଟ ନେଇଥିଲେ। ଦିନିକିଆ ବୋଲିଂରେ ଏହା ତାଙ୍କର ସର୍ବୋତ୍ତମ ପ୍ରଦର୍ଶନ। ୟୁଜବେନ୍ଦ୍ର ଚହଲ ମଧ୍ୟ ୩ଟି ଉଇକେଟ ନେଇଥିଲେ।
ସୂଚନାଯୋଗ୍ୟ,ଭାରତ ଏବଂ ଇଂଲଣ୍ଡ ମଧ୍ୟରେ ଚାଲିଥିବା ତିନି ମ୍ୟାଚ ବିଶିଷ୍ଟ ଦିନିକିଆ ସିରିଜ ଏବେ ୧-୧ରେ ଅଛି। ଭାରତ ପ୍ରଥମ ଦିନିକିଆକୁ ୧୦ ଉଇକେଟରେ ଜିତିଥିବା ବେଳେ ଇଂଲଣ୍ଡ ଦ୍ୱିତୀୟ ଦିନିକିଆକୁ ୧୦୦ ରନରେ ଜିତିଛି। ଆଜିର ମ୍ୟାଚ ଜିତି ଉଭୟ ଦଳ ଦିନିକିଆ ସିରିଜ ହାତେଇବାକୁ ଚାହୁଁଛନ୍ତି।
