ପାଟଣା,୭ା୮(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ବାଉଁଶୁଳି ପଞ୍ଚାୟତ ଭଅଁରପୁର ଶ୍ରୀଲକ୍ଷ୍ମୀ ଫର୍ଟିଲାଇଜର ବିକ୍ରୟ କେନ୍ଦ୍ରରେ ଗୁରୁବାର ଫର୍ଟିଲାଇଜର ଏନ୍ସଫୋର୍ସମେଣ୍ଟ ଟିମ୍ ଚଢ଼ାଉ କରି ଅନିୟମିତତା ଦେଖିବାକୁ ପାଇ ଦୋକାନ ବନ୍ଦ କରିବାକୁ ନୋଟିସ୍ ଜାରି କରିଛି। ଚଢାଉରେ ଘଟଗାଁ କୃଷି ଜିଲା ଅଧିକାରୀ ତୁଷାରକାନ୍ତ ମହାନ୍ତି,ପାଟଣା କୃଷି ଅଧିକାରୀ ବର୍ଷା ବୈଶାଳୀ, ପାଟଣା ସହକାରୀ କୃଷିର ଅଧିକାରୀ ପରେଶ କୁମାର ଦାଶ, ଘଟଗାଁ ସହକାରୀ କୃଷି ଅଧିକାରୀ ସୁବ୍ରତ କୁମାର ମଲ୍ଲିକ ପ୍ରମୁଖ ସାମିଲ ହୋଇଥିଲେ।