ନୂଆଦିଲ୍ଲୀ,୯।୧: ଦେଶର ପ୍ରମୁଖ ଗୃହୋପକରଣ ନିର୍ମାତା କମ୍ପାନୀ ସୋମାନି ସେରାମିକ୍ସ ଲିମିଟେଡ ପକ୍ଷରୁ ନିକଟରେ ଏକ ରାଜ୍ୟସ୍ତରୀୟ ଡିଲର ମିଟ୍ର ଆୟୋଜନ କରାଯାଇଥିଲା। ବିଶେଷକରି ପୁରୀ ଜଗନ୍ନାଥଧାମରେ ବ୍ରାଣ୍ଡ୍ର ଏକ୍ସକ୍ଲୁସିଭ ସୋମାନି ଇଜି ଫିକ୍ସ ଡିଲର ମିଟ୍ ସମ୍ପର୍କରେ ଘୋଷଣା କରାଯାଇଥିଲା। ଅପରପକ୍ଷରେ ଏହି ଏକ୍ସକ୍ଲୁସିଭ ଡିଲର ମିଟ୍ର ଲକ୍ଷ୍ୟ ହେଉଛି, ଓଡ଼ିଶା ବଜାରରେ ବ୍ରାଣ୍ଡ୍ର ବିସ୍ତାର ଓ ସଫଳତାକୁ ପାଳନ କରିବା ଏବଂ ଉତ୍ପାଦକୁ ଏକ ନୂଆ ଶିଖରକୁ ନେବା ପାଇଁ ମିଳିତ ଭାବେ କାର୍ଯ୍ୟ କରିବା ସହ ଆବଶ୍ୟକ ସହଯୋଗ ଓ ସହମତି ସମ୍ପର୍କରେ ବିସ୍ତୃତ ଆଲୋକପାତ କରାଯାଇ ସେ ସବୁ ସମସ୍ୟାର ସମାଧାନ କରାଯିବ ବୋଲି ଉଭୟ କମ୍ପାନୀ ଓ ଡିଲରମାନେ ସହମତି ପ୍ରକାଶ କରିଥିବା ଜଣାପଡିଛି।
ଏ ସମ୍ପର୍କରେ ସୋମାନି ସେରାମିକ୍ସ ଲିମିଟେଡର ଉପସଭାପତି (ସେଲ୍ସ ଆଣ୍ଡ ମାର୍କେଟିଂ) ସୁଜିତ ମହାନ୍ତି କହିଛନ୍ତି, ଆମର ସୋମାନି ଇଜି ଫିକ୍ସକୁ ଓଡ଼ିଶାର ସ୍ଥାନୀୟ ବଜାରରେ ଉପସ୍ଥାପନ କରି ଆମ ଗ୍ରାହକମାନଙ୍କ ଘର ସଜାଇବା ଆବଶ୍ୟକତା ପୂରଣ କରିପାରିଥିବାରୁ ଆମେ ବେଶ୍ ଆନନ୍ଦିତ, ଆମର ପ୍ରିମିୟମ ଗୁଣବତ୍ତା ଆଢେସିଭ ଶ୍ରେଣୀରେ ସର୍ବୋତମ ଓ ଚଟାଣ ପୃଷ୍ଠରେ ବିଭିନ୍ନ ଟାଇଲ ଯୋଡ଼େଇ ପାଇଁ ଏକ ଉତ୍କୃଷ୍ଟ ସମାଧାନ। ବିଶେଷକରି ଗ୍ରାହକ ଆଧାରିତ ସଂସ୍କୃତିକୁ ନେଇ ଉପତ୍ାଦ ବର୍ଗରେ କ୍ରମାଗତ ବିସ୍ତାର ସହ ନେଟୱର୍କକୁ ବୃଦ୍ଧି କରି ଟାଇଲ ସମାଧାନରେ ଅଗ୍ରଣୀ ହେବାକୁ ଆମେ ଲକ୍ଷ୍ୟ ରଖିଛୁ।
