ନୂଆଦିଲ୍ଲୀ,୧୯।୨: ବର୍ତ୍ତମାନର ଭୌଗୋଳିକ ପରିସ୍ଥିତି ମଧ୍ୟରେ ବିଶ୍ୱ ଅର୍ଥନୀତି ଏକ ପ୍ରକାର ଅସ୍ଥିର ପରିସ୍ଥିତିର ସମ୍ମୁଖୀନ ହେଉଥିବାବେଳେ ଭାରତର ଅର୍ଥନୈତିକ ଅଭିବୃଦ୍ଧି ନିରନ୍ତର ଭାବେ ମଜଭୁତ ଦିଗରେ ଅଗ୍ରସର ହେଉଛି ବୋଲି ଡିଏସ୍ପି ମ୍ୟୁଚୁଆଲ ଫଣ୍ଡ ପକ୍ଷରୁ କୁହାଯାଇଛି। ଏପରିକି ସଂସ୍ଥାର ଅର୍ଥନୈତିକ ଧାରା ଏବଂ ଅନ୍ତର୍ଦୃଷ୍ଟି ଉପରେ ନଜର ରଖୁଥିବା ମାସିକ ରିପୋର୍ଟ ‘ନେତ୍ର’ର ଚଳିତ ସଂସ୍କରଣରେ ଏଭଳି ଉଲ୍ଲେଖ କରାଯାଇଛି। ଉକ୍ତ ରିପୋର୍ଟରେ ଅର୍ଥନୀତିକୁ ନେଇ ଅନେକ କିଛି ସମ୍ଭାବନା ଗୁରୁତ୍ୱର ସହ ପ୍ରକାଶ କରାଯାଇଛି। ସେହିଭଳି ଭାରତର ହାଇ ଫ୍ରିକ୍ୱେନ୍ସି ସଙ୍କେତଗୁଡ଼ିକ ମଜଭୁତ ରହିଛି। ସେଥିମଧ୍ୟରେ ସୁଦୃଢ଼ ଜିଏସ୍ଟି ସଂଗ୍ରହ, ରେକର୍ଡ ପରିମାଣର ପେଟ୍ରୋଲିୟମ ଉପତ୍ାଦ ବିକ୍ରି (ବ୍ୟବହାରର ଏକ ଛାୟା), ଇଲେକ୍ଟ୍ରୋନିକ ଟୋଲ୍ (ଫାସ୍ଟାଗ୍ ସମେତ) ସଂଗ୍ରହ ଆଦି ଦମ୍ଦାର ଅର୍ଥନୈତିକ କାର୍ଯ୍ୟକଳାପ ସହ ବ୍ୟବସାୟିକ କାର୍ଯ୍ୟକଳାପକୁ ଗୁରୁତ୍ୱାରୋପ କରୁଥିବା ଜଣାପଡିଛି। ସେହିପରି ଉକ୍ତ ରିପୋର୍ଟରେ ଉଲ୍ଲେଖ କରାଯାଇଛି, ଏମ୍ଏସ୍ସିଆଇ ଏମର୍ଜିଂ ଇଣ୍ଡେକ୍ସ ମାର୍କେଟରେ ୨୬% ବୃଦ୍ଧି ଘଟିଥିବା ବେଳେ ନିଫ୍ଟି ଇଣ୍ଡେକ୍ସରେ ସମ୍ପ୍ରତି ବିନା ହ୍ରାସ ବୃଦ୍ଧି ପ୍ରଦର୍ଶନ ପରିଣାମରେ ଭାରତ ତା’ର ସମକକ୍ଷ ବିକାଶଶୀଳ ବଜାରଗୁଡ଼ିକ ଅପେକ୍ଷା ଭଲ ପ୍ରଦର୍ଶନ କରିଛି। ଏପରିକି ଯେଉଁ ଉଚ୍ଚ ମୂଲ୍ୟାୟନ ପ୍ରିମିୟମ ହାସଲ କରିଥିଲା, ତାହା ବର୍ତ୍ତମାନ ସମୟରେ ହ୍ରାସ ହୋଇଚାଲିଛି। ଅପରପକ୍ଷରେ ବଣ୍ଡ ମାର୍କେଟରେ ସୁଯୋଗ ଅଧିକ ରହିଛି। ଭାରତୀୟ ରିର୍ଜଭ ବ୍ୟାଙ୍କ (ଆର୍ବିଆଇ) ଯେତେବେଳେ ସୁଧହାର ବୃଦ୍ଧି କରିଛି, ସେତେବେଳେ କର୍ପୋରେଟ ବଣ୍ଡ୍ର ପରିବ୍ୟାପ୍ତି ଊର୍ଦ୍ଧ୍ୱମୁଖୀ ହୋଇଛି। ଏହି ଆର୍ଥିକ ନୀତି ସର୍ବନିମ୍ନ ହାନିକାରକ, ତା’ର କାରଣ ହେଉଛି ସୁଧହାର ପୂର୍ବ ଚକ୍ରଗୁଡ଼ିକ ଭଳି ସେଭଳି ଅଧିକ ନୁହେଁ, ଲିକ୍ୱିଡିଟି ସ୍ଥିତି ଉନ୍ନତ ଏବଂ ପୂର୍ବ ସୁଧ ବୃଦ୍ଧି ପ୍ରକ୍ରିୟା ତୁଳନାରେ ଭଲ ରହିଛି। ଏ ସମ୍ପର୍କରେ ଡିଏସ୍ପି ମ୍ୟୁଚୁଆଲ ଫଣ୍ଡର ମାର୍କେଟ ଷ୍ଟ୍ରାଟେଜିଷ୍ଟ ଏବଂ ହେଡ୍ ଅଫ୍ ପ୍ରଡକ୍ଟସ ସାହିଲ କପୁର କହିଛନ୍ତି, ପ୍ରଯୁକ୍ତି କ୍ଷେତ୍ର ନିମନ୍ତେ ଦୀର୍ଘାବଧି ଉପାର୍ଜନ ଗ୍ରାଫ୍ ନିରନ୍ତର ଆକର୍ଷଣୀୟ ରହିଛି। ପ୍ରତୀକ୍ଷାରତ ନିବେଶକମାନେ ପ୍ରଯୁକ୍ତି କ୍ଷେତ୍ରରେ ଏହି ମୂଲ୍ୟାୟନ ଏବଂ ମୂଲ୍ୟଗତ ସଂଶୋଧନ ଅବସରରେ କ୍ରୟ କରିବାକୁ ଏକ ଉତ୍ତମ ସୁଯୋଗ ପାଇବା ସମ୍ଭାବନା ରହିଛି। ସେହିଭଳି ୨୦୨୩ରେ ଇକ୍ୱିଟି ମାର୍କେଟ ନିମନ୍ତେ ସର୍ବାଧିକ ଗୁରୁତ୍ୱପୂର୍ଣ୍ଣ ରହିଛି ବୋଲି ସାହିଲ ମତପ୍ରକାଶ କରିଛନ୍ତି।
