ଆଗ୍ରୋ କ୍ଷେତ୍ର ବିକାଶକୁ ଗୁରୁତ୍ୱାରୋପ
8:10 amFebruary 6, 2023February 6, 2023 / 01

ଭୁବନେଶ୍ୱର, ୬।୨: ଆଗ୍ରୋକ୍ଷେତ୍ର ମାର୍କଟେକ୍‌ ପ୍ରାଇଭେଟ ଲିମିଟେଡ଼୍‌ ପକ୍ଷରୁ ନିକଟରେ ଏକ ରାଜ୍ୟ ସ୍ତରୀୟ କର୍ମଶାଳା ସ୍ଥାନୀୟ ରେଡ଼କ୍ରସ୍‌ ଭବନରେ ଅନୁଷ୍ଠିତ ହୋଇଥିଲା। ବିଶେଷ କରି କେନ୍ଦ୍ର ସରକାରଙ୍କର କୃଷି ଓ କୃଷକ ସଶକ୍ତିକରଣ ବିଭାଗ ଅଧିୀନସ୍ଥ ସାରାଦେଶରେ ଗଠନ ହେଉଥିବା ୧୦,୦୦୦କୃଷକ ଉପତ୍ାଦକ ସଂଗଠନ କରାଯାଇଛି, ଯାହା ଆମ ରାଜ୍ୟରେ ପ୍ରତି ବ୍ଲକ୍‌ରେ ଗୋଟିଏ ଗୋଟିଏ କୃଷକ ଉପତ୍ାଦକ ସଂଗଠନ ଗଠନ ହେବା ବ୍ୟବସ୍ଥା କରାଯାଇଛି। ଏହି ଅବସରରେଆଗ୍ରୋ କ୍ଷେତ୍ରରେ ବିକାଶକୁ ଗୁରୁତାରୋପ ଦେବାକୁ ସର୍ବ ସମ୍ମତ୍ତି କ୍ରମେ କୁହାଯାଇଥିଲା। ତାହା ହେଉଛି ଆଗ୍ରୋକ୍ଷେତ୍ର ମାର୍କଟେକ୍‌ ପ୍ରାଇଭେଟ ଲିମିଟେଡ଼୍‌, ଯାହା କମ୍ପାନୀ ଅଧିନିୟମରେ ପଞ୍ଜିକୃତ ହୋଇଛି। ଏହି ଆଗ୍ରୋକ୍ଷେତ୍ରର ମୁଖ୍ୟ ଲକ୍ଷ୍ୟ ହେଲା ଏହି ସଂଗଠନ ସମସ୍ତ କୃଷକ ଉପତ୍ାଦକ ସଂଗଠନ ଗୁଡ଼ିକର ଚାଷ ପାଇଁ ଆବଶ୍ୟୀୟ ସାମଗ୍ରୀ ଓ ଚାଷରୁ ଉପତ୍ାଦିତ ସମସ୍ତ ସାମଗ୍ରୀକୁ ଅନ୍ତରାଷ୍ଟ୍ରୀୟ, ରାଷ୍ଟ୍ରୀୟ, ରାଜ୍ୟ ଓ ସ୍ଥାନୀୟ ସ୍ତରରେ ବିକ୍ରୟ କରିବା। ଏହି ଆଗ୍ରୋକ୍ଷେତ୍ର ରେ ୨ ପ୍ରକାର ସଦସ୍ୟତା ରହିବ। ଲାଲ ସଂଗଠନର ସଂପାଦକ କ୍ଷେତ୍ର ମୋହନ ବେହେରାଙ୍କ ଆବାହକରେ ବିପିନ ଦାସ ବିଶିଷ୍ଟ ଅର୍ଥନୀତିଞ୍ଚ ଆଗ୍ରୋ କ୍ଷେତ୍ରର ଚେୟାରମ୍ୟାନ୍‌ ତାଙ୍କ ବକ୍ତବ୍ୟରେ ରଖିଲେ। ଆଗ୍ରୋ କ୍ଷେତ୍ର ହେଉଛି ଏକ ସଂକଳ୍ପ ଏହାକୁ ଆମେ ଆଗେଇ ନେଲେ ଆମ ପାଖରେ ଥିବା ୨୪,୦୦୦ କ୍ଷୁଦ୍ର ଚାଷୀ ଭାଇଙ୍କର ପରିବାରର ଆର୍ଥିକ ଉନ୍ନିତ ହୋଇପାରିବ। ଅନ୍ୟତମ ବକ୍ତା ରୂପେ ଅଶୋକ ଦାଶ ଆଗ୍ରୋକ୍ଷେତ୍ରରେ ସାମଗ୍ରୀ ଗୁଡ଼ିକ ଡିଜିଟାଲ ମାକେଟିଂରେ କିପରି ଭାରତ ବାହାରେ ବିକ୍ରୟ କରିହେବ ସେ ବିଷୟରେ ବକ୍ତବ୍ୟ ରଖିଥିଲେ।