ନୂଆଦିଲ୍ଲୀ,୧୫।୨: ଲୋକସଭା ୨୦୨୪ ନିର୍ବାଚନର କିଛି ମାସ ପୂର୍ବରୁ ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୁଡ଼ଙ୍କ ନେତୃତ୍ୱରେ ଏକ ପାଞ୍ଚ ଜଣିଆ ଖଣ୍ଡପୀଠ ନିର୍ବାଚନ ବଣ୍ଡ ଯୋଜନାକୁ ଅସାମ୍ବିଧାନିକ ଘୋଷଣା କରିଛନ୍ତି। ୨୦୧୬ରୁ ୨୦୨୨ ମଧ୍ୟରେ ଏହି ଯୋଜନା ଅଧୀନରେ ଦିଆଯାଇଥିବା ଅନୁଦାନର ୬୦% ରୁ ଅଧିକ ପାଇଥିବାରୁ ସୁପ୍ରିମକୋର୍ଟ ନିର୍ବାଚନ ବଣ୍ଡ ଯୋଜନାକୁ ବନ୍ଦ କରିବା ପରେ ଭାରତୀୟ ଜନତା ପାର୍ଟି(ଭାଜପା) ସବୁଠାରୁ ଅଧିକ କ୍ଷତି ସହିବାର ସମ୍ଭାବନା ରହିଛି। ଏହି ଯୋଜନା ନାଗରିକଙ୍କ ସୂଚନା ଅଧିକାରକୁ ଉଲ୍ଲଂଘନ କରୁଛି ବୋଲି କୋର୍ଟ କହିଛନ୍ତି।
ନିର୍ବାଚନ ବଣ୍ଡ ହେଉଛି ଏକ ଆର୍ଥିକ ସାଧନ ଯାହା ବ୍ୟକ୍ତି ଏବଂ ବ୍ୟବସାୟକୁ ରାଜନୈତିକ ଦଳମାନଙ୍କୁ ଅଜ୍ଞାତ ସୂତ୍ରରୁ ଦାନ କରିବାକୁ ଅନୁମତି ଦେଇଥାଏ। ସେମାନଙ୍କୁ ନଗଦ ଦାନର ବିକଳ୍ପ ଭାବରେ ୨୦୧୮ ରେ ଭାଜପା ସରକାର ଉପସ୍ଥାପନ କରିଥିଲେ। ରାଜନୈତିକ ପାଣ୍ଠିରେ ସ୍ୱଚ୍ଛତା ଆଣିବା ପାଇଁ ସରକାର ଏକ ପଦକ୍ଷେପ ନେଇଥିଲେ। ନିର୍ବାଚନ ଆୟୋଗର ତଥ୍ୟ ଅନୁଯାୟୀ, ୨୦୧୬ ରୁ ୨୦୨୨ ମଧ୍ୟରେ ୧୬,୪୩୭.୬୩ କୋଟି ମୂଲ୍ୟର ୨୮,୦୩୦ ନିର୍ବାଚନ ବଣ୍ଡ ବିକ୍ରି ହୋଇଛି।
ଏହି ଦାନ ପ୍ରକ୍ରିୟାରେ ଲାଭାନ୍ବିତ ହୋଇଥିବା ଦଳ ମାନଙ୍କ ମଧ୍ୟରେ ଭାଜପା ୧୦,୧୨୨ କୋଟି ସହ ପ୍ରାୟ ୬୦% ଦାନ ନେଇ ପ୍ରଥମ ସ୍ଥାନରେ ରହିଛି। ସେହିଭଳି ମୁଖ୍ୟ ବିରୋଧୀଆ ଦଳ କଂଗ୍ରେସ ୧,୫୪୭ କୋଟି ଟଙ୍କା ପାଇଛି, ଯାହା ମୋଟ ଦାନର ୧୦ ପ୍ରତିଶତ ଅଟେ। ଏହା ପଛକୁ ତୃଣମୂଳ କଂଗ୍ରେସ(ଟିଏମସି) ୮୨୩ କୋଟି ସହିତ ୮% ପାଇଛି।
ସମସ୍ତ ତଥ୍ୟକୁ ଦେଖିଲେ ଜଣାପଡେ ଯେ, ନିର୍ବାଚନୀ ବଣ୍ଡ ମାଧ୍ୟମରେ ଭାଜପାକୁ ଦିଆଯାଇଥିବା ଦାନ ତାଲିକାରେ ଥିବା ଅନ୍ୟ ୩୦ ଟି ଦଳ ତୁଳନାରେ ତିନି ଗୁଣ ଅଧିକ ରହିଛି।
ରିପୋର୍ଟ ଅନୁଯାୟୀ ସାତୋଟି ଜାତୀୟ ଦଳ ଗ୍ରହଣ କରିଥିବା ଦାନ ନିମ୍ନଲିଖିତ ଅଟେ:
ଭାଜପା:, ୧୦,୧୨୨ କୋଟି ଟଙ୍କା।
କଂଗ୍ରେସ: ୧,୫୪୭ କୋଟି ଟଙ୍କା।
ଟିଏମସି: ୮୨୩ କୋଟି ଟଙ୍କା।
ସିପିଆଇ(ଏମ):୩୬୭ କୋଟି ଟଙ୍କା।
ଏନସିପି: ୩୧ କୋଟି ଟଙ୍କା।
ବିଏସପି: ୮୫ କୋଟି ଟଙ୍କା।
ସିପିଆଇ: ୧୩ କୋଟି ଟଙ୍କା।
ନିର୍ବାଚନ ଆୟୋଗ ଅନୁଯାୟୀ ତଥ୍ୟ ଏହା ମଧ୍ୟ ଦର୍ଶାଉଛି ଯେ ୨୦୧୭ ରୁ ୨୦୨୨ ପର୍ଯ୍ୟନ୍ତ କଂଗ୍ରେସ ତୁଳନାରେ ନିର୍ବାଚନ ବଣ୍ଡ ମାଧ୍ୟମରେ ବିଜେପି ପାଞ୍ଚ ଗୁଣ ଅଧିକ ଦାନ ପାଇଛି।
ତେବେ କଳା ଟଙ୍କାକୁ ରୋକିବା ଏବଂ ରାଜନୈତିକ ଦାନରେ ସ୍ୱଚ୍ଛତା ଆଣିବା ପାଇଁ ନିର୍ବାଚନ ବଣ୍ଡ ଅଣାଯାଇଥିବାବେଳେ ସୁପ୍ରିମକୋର୍ଟ ଗୁରୁବାର କହିଛନ୍ତି ଯେ ଏହି ଉଦ୍ଦେଶ୍ୟ ଯୋଜନା ପାଇଁ ଯଥାର୍ଥ ନୁହେଁ।
