ନୂଆଦିଲ୍ଲୀ,୧୯।୧୧: ଗୋଟିଏ ପଟେ ଟିମ ଇଣ୍ଡିଆ ଏବଂ ଅଷ୍ଟ୍ରେଲିଆ ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ବିଶ୍ୱକପର ଅନ୍ତିମ ମ୍ୟାଚ ଖେଳୁଛନ୍ତି। ଅନ୍ୟ ପଟେ ଦେଶର ଏକ ଅଂଶରେ ଭୂକମ୍ପର ଝଟକା ଅନୁଭୂତ ହୋଇଛି। ରବିବାର ସା ପ୍ରାୟ ୬ଟା ୩୦ ସମୟରେ ଆଣ୍ଡାମାନ ସାଗରରେ ଭୂକମ୍ପ ଅନୁଭୂତ ହୋଇଥିଲା। ନ୍ୟାସନାଲ ସେଣ୍ଟର ଫର ସେସମୋଲୋଜି ଏ ବିଷୟରେ ସୂଚନା ଦେଇଛି। ଏହି ଭୂକମ୍ପ ସମ୍ପର୍କରେ ସୂଚନା ଦେଇ ଏନସିଏସ କହିଛି ଯେ ରବିବାର ସାରେ ଆଣ୍ଡାମାନ ସାଗରରେ ଏକ ଭୂକମ୍ପ ଘଟିଛି। ରିକ୍ଟର ସ୍କେଲରେ ଏହି ଭୂକମ୍ପର ତୀବ୍ରତା ୪.୫ ମାପ କରାଯାଇଥିଲା। ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ଅନୁଯାୟୀ, ଆଣ୍ଡାମାନ ସାଗରରେ ସା ୬ଟା ୩୬ରେ ଏହି ଭୂକମ୍ପ ଅନୁଭୂତ ହୋଇଥିଲା।
ସୂଚନାଯୋଗ୍ୟ, ଗତ କିଛି ମାସ ମଧ୍ୟରେ ଭାରତ ସମେତ ବିଶ୍ୱର ଅନେକ ଦେଶରେ ଭୂକମ୍ପ ଅନୁଭୂତ ହେଉଛି। ଗତ ଶୁକ୍ରବାର ଫିଲିପାଇନ୍ସରେ ଏକ ଭୂକମ୍ପ ହୋଇଥିଲା। ଏହି ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୬.୮ ଥିଲା। ରବିବାର ସା ସୁଦ୍ଧା ଏହି ଭୂକମ୍ପରେ ମୃତ୍ୟୁସଂଖ୍ୟା ୮କୁ ବୃଦ୍ଧି ପାଇଛି। ଜାତୀୟ ବିପର୍ଯ୍ୟୟ ବିପଦ ହ୍ରାସ ଏବଂ ପରିଚାଳନା ପରିଷଦ ଅନୁଯାୟୀ, ଏହି ଭୂକମ୍ପ ଯୋଗୁଁ ଆହତଙ୍କ ସଂଖ୍ୟା ଏବଂ କେତେ ଜଣଙ୍କର ମୃତ୍ୟୁ ହୋଇଛି ସେ ବିଷୟରେ ସମ୍ପୂର୍ଣ୍ଣ ଭାବେ କୁହାଯାଇପାରିବ ନାହିଁ। ବର୍ତ୍ତମାନ ପ୍ରାଦେଶିକ ଅଧିକାରୀମାନେ ମୃତକଙ୍କ ସଂଖ୍ୟାକୁ ନିରନ୍ତର ଆକଳନ କରୁଛନ୍ତି।
