ବମ୍ବେ: ପ୍ରଥମ ଥର ପାଇଁ ଓଟିଟି ପ୍ଲାଟଫର୍ମରେ ରିଲିଜ ହୋଇଥିଲା ବିବାଦୀୟ ରିଆଲିଟି ଶୋ’ ବିଗ୍ ବସ୍। ଏହାର ବିଜେତା ହୋଇଥିଲେ ଦିବ୍ୟା ଅଗ୍ରଓ୍ବାଲ। ଶୋ’ରେ ବଲିଉଡ୍ ଅଭିନେତ୍ରୀ ସମିତା ସେଟ୍ଟୀ, ରାକେଶ ବାପତ, ନିଶାନ୍ତ, ପ୍ରତିକ ଶେଜପାଲ ପ୍ରମୁଖ ଥିଲେ ହେଁ ସମସ୍ତଙ୍କୁ ହରାଇ ବାଜିମାତ କରିଥିଲେ ଦିବ୍ୟା। ଏବେ ଏହି ବିଜେତା ଭିନ୍ନ ଲୁକ୍ରେ ନଜର ଆସି ପ୍ରଶଂସକଙ୍କୁ ଚକିତ କରିଛନ୍ତି।
ସୋସିଆଲ ମିଡିଆରେ ଏକ ବୁଢ଼ା ବ୍ୟକ୍ତିଙ୍କ ଫଟୋ ଭାଇରାଲ ହୋଇଥିଲା। ଦିବ୍ୟା ନିଜର ସୋସିଆଲ ମିଡିଆରେ ଫଟୋକୁ ଶେୟାର କରିଥିଲେ। ପ୍ରଥମେ ସେ କିଏ ଜଣାପଡ଼ି ନ ଥିଲେ ହେଁ ପରେ ଫଟୋଟି ଦିବ୍ୟାଙ୍କର ବୋଲି ସ୍ପଷ୍ଟ ହୋଇଥିଲା। ଏଭଳି ଟାନ୍ସଫର୍ମେଶନ୍ ଦେଖି ପ୍ରଶଂସକମାନେ ଆଶ୍ଚର୍ଯ୍ୟ ପ୍ରକାଶ କରିଛନ୍ତି।
ଅଲ୍ଟ ବାଲାଜୀର ଓ୍ବେବ୍ସିରିଜ୍ ‘କାର୍ଟେଲ’ରେ ନଜର ଆସିବେ ଦିବ୍ୟା। ଏଥିରେ ବୃଦ୍ଧ ଚରିତ୍ରରେ ସେ ନଜର ଆସିବେ। ଚରିତ୍ର ପାଇଁ ସେ ଆସ୍ଥେଟିକ୍ ମେକ୍ଅପ୍ କରିଥିବା ଜଣାପଡ଼ିଛି।
