ୱାଶିଂଟନ: ସ୍ବାମୀ-ସ୍ତ୍ରୀଙ୍କ ମଧ୍ୟରେ ଅନେକ ସମୟରେ କଳି ଲାଗି ବିବାହ ବିଚ୍ଛେଦ ହୋଇଥାଏ। ହେଲେ ନିକଟରେ ଘରେ ପାଳିଥିବା ବିଲେଇକୁ ସ୍ବାମୀ ବାହାର କରିଦେବାରୁ ସ୍ତ୍ରୀ ତାଙ୍କୁ ଛାଡପତ୍ର ଦେଇଥିବା ନଜରକୁ ଆସିଛି। ଜଣେ ମହିଳା ତାଙ୍କ ବାପାଙ୍କ ଦେହାନ୍ତ ପରେ ବେନ୍ଜି ନାମକ ଏକ ବିଲେଇ ପାଳିଥିଲେ। ମହିଳା ସେହି ବିଲେଇକୁ ତାଙ୍କ ବାପାଙ୍କ ପୁନର୍ଜନ୍ମ ବୋଲି ଭାବୁଥିଲେ। ଧୀରେ ଧୀରେ ମହିଳା ଉକ୍ତ ବିଲେଇକୁ ଅଧିକ ସ୍ନେହ କରିବାକୁ ଲାଗିଲେ। ଏହା ଦେଖି ତାଙ୍କ ସ୍ବାମୀ ଅତ୍ୟନ୍ତ ବିରକ୍ତି ହେଉଥିଲେ। ଦିନେ ମହିଳା ତାଙ୍କ ମା’ଙ୍କ ଜନ୍ମଦିନ ପାଳନ ବାହାରକୁ ଯାଇଥିଲେ। ଏହାର ସୁଯୋଗ ନେଇ ତାଙ୍କ ସ୍ବାମୀ ପାଳିତ ବିଲେଇକୁ ପ୍ରାଣୀ ରହୁଥିବା ସ୍ଥାନରେ ଛାଡି ଦେଇଥିଲେ। ଏଥିରେ ସ୍ତ୍ରୀ ବ୍ୟସ୍ତ ହୋଇ ଛଡାଯାଇଥିବା ସ୍ଥାନରୁ ବିଲେଇକୁ ସାଙ୍ଗରେ ଆଣିଥିଲେ। ହେଲେ ସ୍ବାମୀଙ୍କ ଏପରି କାର୍ଯ୍ୟ ଯୋଗୁ ସେ ତାଙ୍କୁ ଛାଡପତ୍ର ଦେବାକୁ ନିଷ୍ପତ୍ତି ନେଇଛନ୍ତି।
