ମହାକାଳପଡ଼ା, ୧ା୯(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଖରିନାସି ପଞ୍ଚାୟତ ହରିଆବାଙ୍କ ଗ୍ରାମର ସରକାରୀ ଜମି ଉଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶକ୍ରମେ ଉଚ୍ଛେଦ କରାଯାଇଥିଲା। ଏହି ଜମିରେ ହୋଇଥିବା ଜବରଦଖଲକୁ ନେଇ ତହସିଲ ପ୍ରଶାସନର ଉଦାସୀନତାକୁ ନେଇ ଗ୍ରାମବାସୀଙ୍କ ଖବରଦାତା ସମ୍ମିଳନୀ ରବିବାର ଅନୁଷ୍ଠିତ ହୋଇଯାଇଛି। ଏହି ଗ୍ରାମର ୩ ୱାର୍ଡର ୫ ଶହ ପରିବାରର ୨ ହଜାର ଜନସଂଖ୍ୟା ବସବାସ କରୁଥିବା ଦୃଷ୍ଟିରୁ ପିଲାମାନଙ୍କ ପାଇଁ ଖେଳ ପଡିଆ ନାହିଁ ବୋଲି ଗ୍ରାମବାସୀ କହିଛନ୍ତି।
ମିଳିଥିବା ସୂଚନା ଅନୁସାରେ, ଏହି ଗ୍ରାମର କେତେଜଣ ଲୋକ ସରକାରୀ ଜମିକୁ ଦୀର୍ଘବର୍ଷ ଧରି ଜବରଦଖଲ କରିଛନ୍ତି। ଗ୍ରାମର ପଶୁପତି ଜାନା ଉଚ୍ଚ ନ୍ୟାୟଳୟରେ ରିଟ ପିଟିଶନ ଦାଖଲ କରିଥିଲେ। ଡବ୍ଲ୍ୟୁପିସି ନମ୍ବର ୫୪୧୭/୨୫ ବନାମ ରାଜ୍ୟ ସରକାର ଓ ଅନ୍ୟମାନଙ୍କ ବିରୋଧରେ ମାମଲା ରୁଜୁ କରିଥିଲେ। ପରେ ଏହି ଗ୍ରାମର ସରକାରୀ ଜମି ଜବରଦଖଲ ଉଚ୍ଛେଦ ପାଇଁ ଉଚ୍ଚ ନ୍ୟାୟାଳୟରୁ ମହାକାଳପଡ଼ା ତହସିଲଦାରଙ୍କୁ ନିର୍ଦ୍ଦେଶ ହୋଇଥିଲା। ପରେ ଚଳିତବର୍ଷ ଏପ୍ରିଲ ୭ ରେ ସରକାରୀ ଜମି ଜବରଦଖଲ ଉଚ୍ଛେଦ କରାଯାଇଥିଲା। ଖାତା ନମ୍ବର ୭୦ ପ୍ଲଟ ନମ୍ବର ୩୦୩ ରେ ୨ ଏକର ୧୨ ଡିସିମିଲି କିସମ ରାସ୍ତା, ସେହିପାରି ଖାତା ନମ୍ବର ୭୧ ପ୍ଲଟ ନମ୍ବର ୨୫୨ ଏରିଆ ୫୨ ଡିସିମିଲି ଗୋଚର ଓ ପ୍ଲଟ ନମ୍ବର ୫୬ ରେ ୩ ଏକର ୫୦ ଡିସିମିଲ ଗୋଚର ଜମି ରହିଛି। ଏହି ଜମିରେ ଗ୍ରାମର ପିଲାମାନଙ୍କ ପାଇଁ ଖେଳପଡିଆ ପାଇଁ ଦାବି କରିଛନ୍ତି। ନ୍ୟାୟ ନ ମିଳିଲେ ଆମେ ଗ୍ରାମବାସୀ ପୁଣି ଉଚ୍ଚ ନ୍ୟାୟାଳୟର ଆଶ୍ରୟ ନେଇ ଆଇନଗତ ପଦକ୍ଷେପ ନେବାକୁ ଗ୍ରାମର ପଶୁପତି ଜାନା, ଦୀନବନ୍ଧୁ ମୁର୍ମୁ, ଗୋବିନ୍ଦ ଜାନା, ସନ୍ତୋଷ କୁମାର ଜାନା, ସୁବାସ ମାଇତି, ଜୀବନ ଶାବଳ, ଲକ୍ଷ୍ମୀ ମଣ୍ଡଳ, ମାନ୍ନା ପାଲ, ଯମୁନା ଜାନା, ଲକ୍ଷ୍ମୀ ପାତ୍ର, ରେଣୁବାଳା ଜାନା, ଅଞ୍ଜଳି ଜାନା,ମାନି ମଣ୍ଡଳଙ୍କ ସମେତ ଗ୍ରାମବାସୀ ଖବରଦାତା ସମ୍ମିଳନୀରେ ଦୃଢ଼ୋକ୍ତି ପ୍ରକାଶ କରିଛନ୍ତି।
ଅପର ପକ୍ଷରେ ଏହି ସରକାରୀ ଜମିକୁ ଉଚ୍ଛେଦ ପାଇଁ ଜିଲାପାଳ, ଉପଜିଲାପାଳ, ତହସିଲଦାରଙ୍କ ନିକଟରେ ଲିଖିତ ଅଭିଯୋଗ କରିଥିଲେ ବୋଲି ଗ୍ରାମବାସୀ କହିଛନ୍ତି। ଏମାନଙ୍କ କହିବା କଥା ସରକାରୀ ଜମିକୁ ରାଜ୍ୟ ସରକାର ଗ୍ରାମର ବିଭିନ୍ନ ଉନ୍ନତିମୂଳକ କାର୍ଯ୍ୟ ତଥା ଖେଳ ପଡିଆ ଓ ସାଂସ୍କୃତିକ ଅନୁଷ୍ଠାନରେ ଉପଯୋଗ ହୋଇପାରିବ ବୋଲ ସମ୍ମିଳନୀରେ ପ୍ରକାଶ କରିଛନ୍ତି।
