ପ୍ୟାରିସ,୯ ।୨: ବିଶ୍ୱର ବଡ ବଡ କମ୍ପାନୀ ଏବେ ପର୍ଯ୍ୟନ୍ତ ଆର୍ଥିକ ସଙ୍କଟରୁ ବାହାରି ପାରୁ ନାହାନ୍ତି । ଏଭଳି ସ୍ଥିତିରେ ଖର୍ଚ୍ଚ କାଟ କରିବାକୁ କର୍ମଚାରୀଙ୍କ ଛଟେଇ ପ୍ରକ୍ରିୟା ଜାରି ରହିଛି । ଏବେ ଏହି ତାଲିକାରେ ଡିଜନୀ ବି ସାମିଲ ହୋଇଯାଇଛି । ଏଣ୍ଟରଟେନମେଣ୍ଟ ସେକ୍ଟରର ବଡ କମ୍ପାନୀ ଡିଜନୀ ବୁଧବାର କହିଛି କି ଏବେ କମ୍ପାନୀ ୭୦୦୦ କର୍ମଚାରୀଙ୍କୁ ଛଟେଇ କରିବାକୁ ଯାଉଛି ଛଟେଇ ସମ୍ପର୍କରେ ନିଷ୍ପତ୍ତି କମ୍ପାନୀର ସିଇଓ ବବ ଇଗର ନେଇଛନ୍ତି । ଗତବର୍ଷ ଡିସେମ୍ବରରେ ସେ କମ୍ପାନୀର ଦାୟିତ୍ୱ ନେଇଥିଲେ ।
ଛଟେଇକୁ ନେଇ ବବ ଇଗର କହିଛନ୍ତି, ମୁଁ ଏହି ନିଷ୍ପତ୍ତିକୁ ହାଲୁକା ଭାବେ ନେଇନାହିଁ, ସାରା ବିଶ୍ୱରେ ଥିବା ଆମର କର୍ମଚାରୀଙ୍କ ପ୍ରତିଭା ଓ ସମର୍ପଣକୁ ନେଇ ମୋ ମନରେ ବହୁତ ସମ୍ମାନ ଓ ପ୍ରଶଂସା ରହିଛି । କମ୍ପାନୀ ପକ୍ଷରୁ ଛଟେଇ ସୂଚନା ଦିଆଯିବା ସହ କୁହାଯାଇଛି କି ଏହାର ଷ୍ଟ୍ରିମିଂ ସେବାରେ ଗତ ୩ ମାସରେ ଗ୍ରାହକଙ୍କ ସଂଖ୍ୟା ପ୍ରଥମଥର ଲାଗି ବହୁତ କମ୍ ହୋଇଯାଇଛି । କାରଣ ଉପଭୋକ୍ତା ଖର୍ଚ୍ଚରେ କାଟ କରିଛନ୍ତି, ଗତବର୍ଷ କମ୍ପାନୀର ଗ୍ରାହକଙ୍କ ସଂଖ୍ୟା ବଢିଥିଲା ।
