ନୂଆଦିଲ୍ଲୀ,୩।୧୦:ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଥିବା ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ତାଙ୍କ ଲୁକ୍କୁ ନେଇ ପ୍ରାୟତଃ ଚର୍ଚ୍ଚାରେ ଥାନ୍ତି। ଧୋନୀ କ୍ରିକେଟ୍ କ୍ୟାରିୟର୍ ଆରମ୍ଭରୁ ଲମ୍ବା କେଶ ରଖିଥିଲେ। ବର୍ତ୍ତମାନ ତାଙ୍କ ନୂଆ ଲୁକ୍ର ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଧୋନୀଙ୍କ ଏହି ନୂଆ ଲୁକ ଲୋକମାନଙ୍କୁ ତାଙ୍କର ପୁରୁଣା ଲୁକକୁ ମନେ ପକାଉଛନ୍ତି। ବାସ୍ତବରେ, ନୂଆ ରୂପରେ ଧୋନୀ ଲମ୍ବା କେଶରେ ନଜର ଆସିଛନ୍ତି। ଏହାସହ କଳା ଟି-ଶର୍ଟ ସହିତ କଳା ଚଷମା ପିନ୍ଧି ହ୍ୟାଣ୍ଡସମ୍ ଦେଖାଯାଉଛନ୍ତି। ଧୋନୀଙ୍କ ଏହି ଲୁକ୍କୁ ପ୍ରଶଂସକମାନେ ପସନ୍ଦ କରିଛନ୍ତି।
ସୂଚନାଯୋଗ୍ୟ ଯେ, ଧୋନୀ ହଠାତ୍ ଅଗଷ୍ଟ ୧୫, ୨୦୨୦ରେ ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଥିଲେ। ସେ ୨୦୧୯ ବିଶ୍ୱକପର ସେମିଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ ଖେଳିଥିଲେ। ଯଦିଓ ବର୍ତ୍ତମାନ ସେ ଆଇପିଏଲରେ ସମ୍ପୂର୍ଣ୍ଣ ସକ୍ରିୟ ଅଛନ୍ତି। ୨୦୨୩ର ଆଇପିଏଲ ୧୬ରେ ଧୋନୀଙ୍କ ଅଧିନାୟକତ୍ୱରେ ଚେନ୍ନାଇ ସୁପର କିଙ୍ଗ୍ସ ଟାଇଟଲ ଜିତିଥିଲା।
