କେନ୍ଦୁଝର,୧୯।୫(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ସଦର ରେଞ୍ଜ ଅନ୍ତର୍ଗତ
ହରିଚନ୍ଦନପୁର ବ୍ଲକ ବକ୍ସିବାରିଗାଁ ଗ୍ରାମ ପଞ୍ଚାୟତ ଅଧିନସ୍ଥ ଓସ୍ତପଙ୍ଗା ଗ୍ରାମରେ ହାତୀ ଆକ୍ରମଣରେ ଜଣେ ବ୍ୟକ୍ତିର ମୃତ୍ୟୁ ହୋଇଛି। ଫଳରେ ଏହାକୁ ନେଇ ସ୍ଥାନୀୟ ଅଞ୍ଚଳରେ ଭୟ ସୃଷ୍ଟି ହୋଇଛି। ଆଜି ଭୋର ସକାଳ ସମୟରେ ନିଜ ଆମ୍ବ ଓ କାଜୁ ବଗିଚାକୁ ଫଳ ତୋଳିବାକୁ ନିକଟସ୍ଥ ଜାମୁଡିହି ବଗିଚାକୁ ଯାଇଥିବାବେଳେ ଗୋଟିକିଆ ଦନ୍ତା ହାତୀ ଆକ୍ରମଣ କରିଥିଲା। ଫଳରେ ଗୁରୁତର ଅବସ୍ଥାରେ ପଡ଼ିରହିଥିଲା। ଖବର ପାଇ ଗ୍ରାମବାସୀମାନେ ପହଞ୍ଚି ତାଙ୍କୁ ଉଦ୍ଧାର କରି ଧରଣୀଧର ମେଡିକାଲ କଲେଜକୁ ଚିକିତ୍ସା ପାଇଁ ନେଇଥିଲେ। ସେଠାରେ ତାର ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଥିଲେ। ପରେ ସୂଚନା ପାଇ ବନବିଭାଗ କର୍ମଚାରୀ ଡାକ୍ତରଖାନାରେ ପହଞ୍ଚି ଆର୍ଥିକ ସହାୟତା ସହ ପୋଷ୍ଟମର୍ଟମ କରିବା ପକ୍ରିୟା ଆରମ୍ଭ କରିଛନ୍ତି।
Dharitri – Odisha’s No.1 Odia Daily
