ଗାଲେ, ୧୬ା୮: ଶ୍ରୀଲଙ୍କା ବିପକ୍ଷରେ ଚାଲିଥିବା ପ୍ରଥମ ଟେଷ୍ଟ କ୍ରିକେଟ ମ୍ୟାଚ୍ରେ ଭାରତୀୟ ବ୍ୟାଟର ଦମ୍ଦାର ପ୍ରଦର୍ଶନ କରିଛନ୍ତି। ବ୍ୟାଟର ଦେବଦତ୍ତ ପଡିକଲଙ୍କ ଶତକ ବଳରେ ଭାରତ ତା’ର ପ୍ରଥମ ଇନିଂସରେ ଦ୍ୱିତୀୟ ଦିନ ଶେଷ ସୁଦ୍ଧା ୯ ଉଇକେଟ ହରାଇ ୪୬୦ ରନ କରିଛି।
ଦ୍ୱିତୀୟ ଦିନର ପ୍ରଥମ ସେସନ ସମ୍ପୂର୍ଣ୍ଣ ରୂପେ ବର୍ଷା କାରଣରୁ ଧୋଇ ହୋଇଯାଇଥିଲା। ଭାରତ ତା’ର ଅସମାପ୍ତ ପ୍ରଥମ ଇନିଂସ ସ୍କୋର ୨୮୮/୨ରୁ ବ୍ୟାଟିଂ ଆରମ୍ଭ କରିଥିଲା। ପୂର୍ବଦିନ ଅପରାଜିତ ଥିବା ପଡିକଲ ୧୬୭ (୧୫ ଚୌକା ଓ ୧ ଛକା) ରନ କରି ପ୍ରବଥ ଜୟସୁରିୟାଙ୍କ ବଲରେ ଷ୍ଟମ୍ପିଂ ହୋଇଥିଲେ।
ପ୍ରଥମ ଦିନ ଇଞ୍ଜୁରି କାରଣରୁ ରିଟାୟର୍ଡ ହର୍ଟ ହୋଇଥିବା ଲୋକେଶ ରାହୁଲ (୮୨ ରନ, ୧୦ ଚୌକା ଓ ୧ ଛକା) କ୍ରିଜ୍କୁ ଫେରି ପୂର୍ବ ସ୍କୋରରେ ୫ ରନ ଯୋଡ଼ିଥିଲେ। ଅନ୍ୟମାନଙ୍କ ମଧ୍ୟରେ ରିଷଭ ପନ୍ତ ୩୯, ଧ୍ରୁବ ଜୁରେଲ ୫୧ (୪ ଚୌକା ଓ ୧ ଛକା) ଓ ମାନବ ସୁଥର ୨୪ ରନ କରିଥିଲେ। ଷ୍ଟମ୍ପ ଅପସାରଣ ବେଳକୁ କୁଲଦୀପ ଯାଦବ ୧୨ ଓ ପ୍ରସିଦ୍ଧ କ୍ରିଷ୍ଣା ୧ ରନରେ ଅପରାଜିତ ରହିଛନ୍ତି। ଶ୍ରୀଲଙ୍କା ପାଇଁ ପ୍ରବଥ ଜୟସୁରିୟା ୪ ଓ କେଶରା ନୁଓ୍ବାନ୍ଥା ୩ ଉଇକେଟ ନେଇଛନ୍ତି।
