ଭୁବନେଶ୍ୱର,୨୫ା୭: ପଶ୍ଚିମବଙ୍ଗ ଓ ବାଂଲାଦେଶ ଉପକୂଳ ଅଞ୍ଚଳରେ ଏକ ଅବପାତ ସୃଷ୍ଟି ହୋଇଛି, ଯାହାକୁ ନେଇ ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର (IMD) ଗୁରୁତ୍ୱପୂର୍ଣ୍ଣ ସତର୍କ ସୂଚନା ଜାରି କରିଛି। ଏହି ଅବପାତ ପ୍ରଭାବରେ ଓଡ଼ିଶାରେ ୨୮ ଜୁଲାଇ ୨୦୨୫ ପର୍ଯ୍ୟନ୍ତ ପ୍ରବଳରୁ ଅତି ପ୍ରବଳ ବର୍ଷାର ସମ୍ଭାବନା ରହିଛି।
ଆଞ୍ଚଳିକ ପାଣିପାଗ କେନ୍ଦ୍ରର ସୂଚନାନୁସାରେ, ଉତ୍ତର ବଙ୍ଗୋପସାଗରରେ ସୃଷ୍ଟି ହୋଇଥିବା ଏହି ଅବପାତ ଆଗାମୀ ୨୪ ଘଣ୍ଟା ଭିତରେ ପ୍ରବଳ ହୋଇ ଓଡ଼ିଶା ଓ ପଶ୍ଚିମବଙ୍ଗ ଉପକୂଳ ଦିଗରେ ବଢିବାର ସମ୍ଭାବନା ରହିଛି। ଏହା ଫଳରେ ରାଜ୍ୟର ବିଭିନ୍ନ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ। ସେହିପରି, ସମୁଦ୍ର ଅଶାନ୍ତ ରହିବାରୁ ମତ୍ସ୍ୟଜୀବୀଙ୍କୁ ସତର୍କ ରହିବାକୁ କୁହାଯାଇଛି।
ସୂଚନା ଅନୁଯାୟୀ ଏହି ଅବପାତ ଟ୍ରପିକାଲ୍ ସାଇକ୍ଲୋନ ଉଇଫା (WIPHA)ର ଅବଶିଷ୍ଟାଂଶରୁ ସୃଷ୍ଟି ହୋଇଥିବା ଏକ ଘୁର୍ଣ୍ଣିଝଡ଼ରୁ ପ୍ରଭାବରୁ ଉତ୍ପନ୍ନ ହୋଇଛି, ଯାହା ଉତ୍ତର ବଙ୍ଗୋପସାଗରରେ ପ୍ରବଲ ହୋଇ ଉଠିବାର ସମ୍ଭାବନା ରହିଛି। ଏହା ପ୍ରଭାବରେ ଓଡ଼ିଶାର ଦକ୍ଷିଣ ଓ ଉତ୍ତର ଅଞ୍ଚଳ ସମେତ ପଶ୍ଚିମବଙ୍ଗର କେତେକ ଜିଲାରେ ଭାରୀ ବର୍ଷା ଓ ପବନର ଆଶଙ୍କା କରାଯାଇଛି।