ଥୁଆମୂଳ ରାମପୁର,୧୪।୪-(ଦୁର୍ଗା କୀର୍ତ୍ତି):- କଳାହାଣ୍ଡି ଜିଲା ଥୁଆମୁଳ ରାମପୁର ବ୍ଳକ ଅନ୍ତର୍ଗତ ପାଡେପଦର ଗ୍ରାମପଞ୍ଚାୟତର ପୂର୍ବତନ ସରପଞ୍ଚ ସମ୍ବାରୀ ମାଝୀ ଅନାସ୍ଥା ଭୋଟରେ ହାରି ଯାଇଥିବା ଯୋଗୁ ତାଙ୍କୁ ଗାଦଚ୍ୟୁତ କରାଯାଇଥିଲେ ମଧ୍ୟ ସେ ଆସନ ଛାଡ଼ିବା ପାଇଁ ଇଚ୍ଛା ପ୍ରକାଶ କରୁ ନ ଥିବା ଜଣାପଡିଛି। ମିଳିଥିବା ସୂଚନା ଅନୁସାରେ ଗତ ୭/୪/୨୦୨୫ରିଖ ଦିନ ବ୍ଲକ କାର୍ଯ୍ୟାଳୟରେ ଡିଏସସି ହସ୍ତାନ୍ତର କରିବା ପାଇଁ ବ୍ଲକ କାର୍ଯ୍ୟାଳୟ ଚିଠି ନଂ ୯୩୦/୨୫ ଜରିଆରେ ଅବଗତ ନିମନ୍ତେ ଜଣାଇ ଦିଆଯାଇଥିଲା। ତେବେ ପୂର୍ବତନ ସରପଞ୍ଚ ସମ୍ବାରି ବିଡ଼ିଓଙ୍କ ଚିଠିକୁ ବେଖାତିର କରୁଥିବା ଜଣାପଡିଛି। ଘଟଣାକୁ ନେଇ GPOଙ୍କ ହସ୍ତକ୍ଷେପରେ ଏକ ଡୁପ୍ଲିକେଟ ଡିଏସସି ଯାହାକି ଅବଧି ସମାପ୍ତ ହୋଇଥିବା ଡିଏସସି ହସ୍ତାନ୍ତର କରିଛନ୍ତି l ଜଣେ ଲୋକ ପ୍ରତିନିଧି ପଦ ହରାଇଲା ପରେ ମଧ୍ୟ ନୂଆ ଡିଏସସି ବଦଳରେ ପୁରୁଣା ଡିଏସସି ଦାଖଲ କରି ନୂଆଁ ଡିଏସସିକୁ ଲୁଚାଇ ରଖିଥିବା ଘଟଣାକୁ ନେଇ ବ୍ଲକରେ ଏକପ୍ରକାର ଆଲୋଚନାର ବିଷୟ ପାଲଟିଥିଛନ୍ତି।
ଜଣେ ଆସନ ହରାଇ ଥିବା ସରପଞ୍ଚ ସରକାରୀ ଡିଏସସିକୁ ଲୁଚାଇ ରଖି କିଛି ଟଙ୍କା ପୁଣି ହଡ଼ପ କରିବା ଉଦ୍ୟମ କରୁଥିବା ରାଜନୀତିଜ୍ଞଙ୍କ ମହଲରେ ଚର୍ଚ୍ଚା ଜୋର ଧରିଛି । ଅନ୍ୟପଟେ ପୋଡାପଦର ଗ୍ରାମପାୟତର ନିର୍ବାଚିତ ଲୋକ ପ୍ରତିନିଧି ଓ ସ୍ଥାନୀୟ ଜନସାଧାରଣ ଏକତ୍ରିତ ହୋଇ ତାଙ୍କୁ ଅନାସ୍ତା ପ୍ରସ୍ତାବ ଆଗତ କରାଯାଇ ତାଙ୍କ ବିରୋଧରେ ଭୋଟର ବ୍ୟବସ୍ଥା କରାଯାଇଥିଲା। ଏଥିରେ ଶ୍ରୀମାଝୀ ବିପୁଳ ଭୋଟ ବ୍ୟବଧାନରେ ପରାଜୟ ହୋଇ ପଦ ହରାଇବା ଫଳରେ କାମଚଳା ଭାବରେ ନାଏବ ସରପଞ୍ଚଙ୍କୁ ଆଗାମୀ ନିର୍ବାଚନ ପର୍ଯ୍ୟନ୍ତ ସରପଞ୍ଚ ଭାବରେ ଉପଜିଲାପାଳଙ୍କ କାର୍ଯ୍ୟାଳୟରୁ ନିର୍ଦ୍ଦେଶ ଦେଇଛନ୍ତି । ହେଲେ ପରାଜିତ ସରପଞ୍ଚ ଡିଏସସି ଫେରାଇବା ନାଁ ଧରୁନାହାନ୍ତି। ଏହାଯୋଗୁ ଏପଟେ ପଞ୍ଚାୟତର ଉନ୍ନୟନମୂଳକ କାର୍ଯ୍ୟରେ ବ୍ୟାପକ ଭାବରେ ବାଧାସୃଷ୍ଟି ହେଉଛି। ଉକ୍ତ ଘଟଣାକୁ କେନ୍ଦ୍ର କରି ମହୁଲ ପାଟଣା ଫାଣ୍ଡିରେ ଏକ ରିପୋର୍ଟ ଦାଖଲ ହୋଇଥିବା ଜଣାପଡିଛି।
ଏନେଇ ପାଡେପଦର ପଞ୍ଚାୟତ ନିର୍ବାହୀ ଅଧିକାରୀ ତଥା ଜିପିଓ ତ୍ରିଲୋଚନ ନାଏକଙ୍କୁ ପଚାରିବାରୁ ଶ୍ରୀମତୀ ମାଝୀଙ୍କ ପାଖରେ ଯେଉଁ ସବୁ ଡିଏସସି ଥିଲା ସେ ଦେଇ ଦେଇଛନ୍ତି। ଏକଥା ସତ ଯେ, ସେ ପୁରୁଣା ଡିଏସସି ଦେଇଛନ୍ତି ହେଲେ କୌଣସି ଅସୁବିଧା ନାହିଁ ଆମେ ତାହା ଅଚଳ କରିଦେବୁ। ସେ ଆଗାମୀ ଦିନରେ କୌଣସି ମଧ୍ୟ ଭୁଲ କାମ ପାଇଁ ବ୍ୟବହାର କରିପାରିବେ ନାହିଁ l ଆମେ ଆଇଡି ଏବଂ ପାଶୱାର୍ଡ ପରିବର୍ତ୍ତନ କରିସାରିଛୁ ବୋଲି ଧରିତ୍ରୀକୁ ପ୍ରତିକ୍ରିୟା ଦେଇଛନ୍ତି l
