ରସୁଲପୁର,୧୪।୧: ଯାଜପୁର ଜିଲା ରସୁଲପୁର ବ୍ଲକ ଅଧୀନ ୧୬ ନମ୍ବର ଜାତୀୟ ରାଜପଥ ଗୋପାଳପୁର ଛକ ନିକଟରେ ଶନିବାର ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୫ଜଣ ଆହତ ହୋଇଛନ୍ତି। ମୃତକ ହେଲେ ଦୀପ୍ତପ୍ରଭା ପଣ୍ଡା (୩୦) ଏବଂ ବିଶ୍ୱଜିତ ମାଇତି (୩୦)।
ମିଳିଥିବା ସୂଚନା ମୁତାବକ, ଜଗତ୍ସିଂହପୁର ଜିଲା ଏରସମା ବ୍ଲକର ୭ଜଣ ଲୋକ ଘଟଗାଁ ତାରିଣୀ ଦର୍ଶନ ପାଇଁ ଏକ କାର ଯୋଗେ ଯାଉଥିବା ବେଳେ ଗୋପାଳପୁର ଛକ ନିକଟରେ ଏକ ଟ୍ରେଲର ଗାଡିକୁ ପଛପଟୁ ଧକା ଦେଇଥିଲା। ଘଟଣାସ୍ଥଳରେ ଦୀପ୍ତ ଏବଂ ବିଶ୍ୱଜିତଙ୍କ ମୃତ୍ୟୁ ଘଟିଥିଲା। ୫ଜଣ ଗୁରୁତର ଆହତ ହୋଇଥିଲେ। ଘନକୁହୁଡ଼ି ଯୋଗୁ ଏହି ଦୁର୍ଘଟଣା ଘଟିଥିବା ଜଣାପଡିଛି। ଖବର ପାଇ କୁଆଖିଆ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏପରିକି ଆହତମାନଙ୍କୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଉଛି।
