କୋଟପାଡ଼,୧୯ା୯(ରାଜଶେଖର): କୋରାପୁଟ ଜିଲା କୋଟପାଡ଼ ବ୍ଲକ ଭାରତୀୟ କମ୍ୟୁନିଷ୍ଟ ପାର୍ଟି ତରଫରୁ ବତାଶନା ପଞ୍ଚାୟତର ଶତାଧିକ ମହିଳା ପୁରୁଷ, କର୍ମୀ ଶୁକ୍ରବାର କେନ୍ଦୁଗୁଡ଼ା ଛକରେ ଏକତ୍ରିତ ହେଇ ରାଲି ବାହାରି ଜାତୀୟ ରାଜପଥ ପରିକ୍ରମା କରି ସ୍ଥାନୀୟ ତହସିଲଦାର ଏବଂ ବିଡିଓଙ୍କୁ ୫ ଦଫା ଦାବିପତ୍ର ଦେଇଥିଲେ। ଏଥିରେ ପଞ୍ଚୟତର ସମସ୍ତ ରାସ୍ତା ପକ୍କା କରିବା, ପ୍ରଧାନମନ୍ତ୍ରୀ ଆବାସ ଯୋଜନାରେ ପ୍ରକୃତ ହିତାଧିକାରୀଙ୍କୁ ଯୋଗାଇବା, ବୃଦ୍ଧାବୃଦ୍ଧମାନଙ୍କ ସହ ବିଧବା ଓ ଭିନ୍ନକ୍ଷମ ହିତାଧିକାରୀକାରୀଙ୍କୁ ୫୦୦୦/- ଭତ୍ତା ପ୍ରଦାନ, ପାନୀୟ ଜଳ, ସ୍ବାସ୍ଥ୍ୟ, ଶିକ୍ଷା, କଶମଗୁଡ଼ାକୁ ରାଜସ୍ବ ଗ୍ରାମ ଭାବେ ଘୋଷଣା ଇତ୍ୟାଦିକୁ ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଥିଲେ।
