କର୍ଲାମୁଣ୍ଡା/ ରିଷିଡା ୧୧।୧୧:(ପ୍ରଦୀପ କୁମାର ସାହୁ/ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡା ପଞ୍ଚାୟତରେ ଥିବା ସରକାରୀ ଜମି ଏବେ ଜବରଦଖଲରେ ରହିଛି। ସରକାରୀ ଗୋଚର ଜମି, ଗ୍ରାମ୍ୟଜଙ୍ଗଲ ଜମିକୁ କିଛି ପ୍ରଭାବଶାଳୀ ବ୍ୟକ୍ତି ନିଜ ଅକ୍ତିଆରରେ ରଖିଥିବା ଦେଖିବାକୁ ମିଳିଛି। ଗ୍ରାମବାସୀ ଓ ପଞ୍ଚାୟତ ପକ୍ଷରୁ ବାରମ୍ବାର ଲିଖିତ ଆବେଦନ କଲେ ମଧ୍ୟ ଜବରଦଖଲ ମୁକ୍ତ ହୋଇପାରୁ ନାହିଁ।
ଏନେଇ ରିଷିଡା ଗ୍ରାମ ଉନ୍ନୟନ କମିଟି ପକ୍ଷରୁ ଏକ ପ୍ରତିନିଧି ଦଳ ତହସିଲଦାର ଅରୁଣ ବର୍ଗେଙ୍କୁ ଭେଟି ଏକ ଦାବିପତ୍ର ପ୍ରଦାନ କରାଯାଇଛି। ଏପରିକି ତୁରନ୍ତ ସରକାରୀ ଜମିକୁ ଜବରଦଖଲ ମୁକ୍ତ କରିବାକୁ ଦାବି କରାଯାଇଛି।
ପ୍ରତିନିଧି ଦଳରେ ସରପଞ୍ଚ ସେବତୀ ରଣା, ଉନ୍ନୟନ କମିଟି ସମ୍ପାଦକ ପ୍ରେମାନନ୍ଦ ପାତ୍ର, କମିଟି ସଦସ୍ୟ ତଥା ପୂର୍ବତନ ସମ୍ପାଦକ ନରୋତ୍ତମ ସେଲମା, ସତ୍ୟନାରାୟଣ କୁମାର, ଭାଜପା ନେତା ସଞ୍ଜୟ କୁମାର ଜୈନ ପ୍ରମୁଖ ସାମିଲ ଥିଲେ। ପ୍ରକାଶଥାଉକି ଗତ କିଛିଦିନ ତଳେ ଗ୍ରାମଉନ୍ନୟନ କମିଟି ପକ୍ଷରୁ ଭବାନୀପାଟଣା ଉପଜିଲାପାଳଙ୍କୁ ମଧ୍ୟ ଘଟଣା ସଂକ୍ରାନ୍ତରେ ଏକ ସ୍ମାରକ ପତ୍ର ପ୍ରଦାନ କରାଯାଇଥିଲ।
