ଭୁବନେଶ୍ୱର,୧୪ା୨: ଆମେରିକା ସମେତ ସାରା ବିଶ୍ୱରେ ମୁଦ୍ରାସ୍ଫୀତି ହାର ବଢିବା ପରେ ସୁନାର ଦାମ୍ ମଧ୍ୟ କ୍ରମାଗତ ଭାବେ ବଢ଼ିବାରେ ଲାଗିଛି। ମଲ୍ଟି କମୋଡିଟି ଏକ୍ସଚେଞ୍ଜ (ଏମସିଏକ୍ସ)ରେ ସୁନାର ଦାମ୍ ପ୍ରାୟ ୫୦ ହଜାର ହୋଇଛି। ତେବେ ଆଗକୁ ବିବାହ ଋତୁ ଥିବାରୁ ଏହା ଆହୁରି ଅଧିକ ବଢ଼ିପାରେ ବୋଲି ଆକଳନ ମଧ୍ୟ କରାଯାଉଛି। କମୋଡିଟି ଏକ୍ସପର୍ଟ ଏବଂ କେଡିଆ ଆଡ୍ଭାଇଜରି ନିର୍ଦ୍ଦେଶକଙ୍କ କହିବା ମୁତାବକ ଦରଦାମ୍ ଯେତେ ମହଙ୍ଗା ହେବ ସେତେ ପରିମାଣରେ ସୁନାର ଦାମ୍ ବଢିବ। ଅନ୍ତଃରାଷ୍ଟ୍ରୀୟ ବଜାରରେ ସୁନାର ଦାମ୍ ୧,୮୫୨ ଡଲାର ରହିଛି; ଯାହା କି ଏବେ ସୁଦ୍ଧା ସବୁଠାରୁ ଅଧିକ, ଖୁବ୍ଶୀଘ୍ର ଏହା ୧,୮୬୫ ଡଲାର ଛୁଇଁବ ବୋଲି ଆଶଙ୍କା କରାଯାଉଛି। ସୁନା ମୂଲ୍ୟ ଉପରେ ମୁଦ୍ରାସ୍ଫୀତିର ସିଧାସଳଖ ପ୍ରଭାବ ପଡ଼ିଥାଏ। ଏହି ଧାରା ଯଦି ଆଗାମୀ ବିବାହ ଋତୁରେ ରୁହେ ତା’ହେଲେ ସବୁ ବର୍ଗର ଲୋକ ପ୍ରଭାବିତ ସାଙ୍ଗକୁ ଅତିରିକ୍ତ ଆର୍ଥିକ ବୋଝ ବହନ କରିବେ ବୋଲି କୁହାଯାଇଛି।
