ନୂଆଦିଲ୍ଲୀ,୩।୨: ଦିଲ୍ଲୀରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ପୂର୍ବ ଦିଲ୍ଲୀର ପାଣ୍ଡବ ନଗର ଅଞ୍ଚଳରେ ନାବାଳକମାନେ ଝଗଡ଼ା ପରେ ଜଣେ ଡେଲିଭରୀ ବୟଙ୍କୁ ଛୁରି ଭୁସି ହତ୍ୟା କରିଛନ୍ତି। ପୋଲିସ ତିନି ଜଣଙ୍କୁ ଗିରଫ କରିଛି।
ଦିଲ୍ଲୀ ପୋଲିସର ସୂଚନା ଅନୁଯାୟୀ, ଫେବୃଆରୀ ୨ତାରିଖ ରାତି ୮ଟା ସମୟରେ, ପାଣ୍ଡବ ନଗରର ଆଚାର୍ଯ୍ୟ ନିକେତନରେ ଏକ ଛୁରି ମାଡ଼ ଘଟଣା ବିଷୟରେ ଏକ PCR କଲ ଆସିଥିଲା। ଘଟଣାସ୍ଥଳରେ ପହଞ୍ଚି ଡେଲିଭରୀ ଏକଜିକ୍ୟୁଟିଭ ଅରୁଣ ରାଜ ଆହତ ଅବସ୍ଥାରେ ପାଇଥିଲେ। ଅରୁଣଙ୍କ ବୟସ ୨୨ ବର୍ଷ। ଅରୁଣଙ୍କୁ ଆହତ ଅବସ୍ଥାରେ LBS ହସ୍ପିଟାଲକୁ ନିଆଯାଇଥିଲା। ଅରୁଣଙ୍କ ବେକ ଏବଂ ଛାତିରେ ଅନେକ ଛୁରି କ୍ଷତ ଚିହ୍ନ ମିଳିଥିଲା। ଡାକ୍ତରମାନେ ହସ୍ପିଟାଲରେ ଅରୁଣଙ୍କୁ ମୃତ ଘୋଷଣା କରିଥିଲେ।
ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ତିନି ଜଣ ନାବାଳକ ଏକ ମୋଟରସାଇକେଲରେ ଆସିଥିଲେ। କିଛି ସମୟ ଝଗଡ଼ା ପରେ ସେମାନେ ଅରୁଣଙ୍କୁ ଏକ ଧାରୁଆ ଅସ୍ତ୍ରରେ ଆକ୍ରମଣ କରି ଘଟଣାସ୍ଥଳରୁ ପଳାଇ ଯାଇଥିଲେ। ପୋଲିସ ଘଟଣାସ୍ଥଳ ଯାଞ୍ଚ କରିଛି। ପୋଲିସ କହିଛି ଯେ ଘଟଣାସ୍ଥଳ ଏବଂ ଆଖପାଖ ରାସ୍ତାର ସିସିଟିଭି ଫୁଟେଜ ଯାଞ୍ଚ କରାଯାଇଛି। ଆକ୍ରମଣରେ ସମ୍ପୃକ୍ତ ସମସ୍ତ ତିନି ଜଣ ନାବାଳକଙ୍କୁ ଗିରଫ କରାଯାଇଛି। ଅଧିକ ତଦନ୍ତ ଜାରି ରହିଛି।
