ନୂଆଦିଲ୍ଲୀ,୧୧।୧୨: ଦିଲ୍ଲୀର ଏକ କୋର୍ଟ ସୋମବାର ମଦ ଦୁର୍ନୀତି ମାମଲାରେ ଆମ ଆଦମୀ ପାର୍ଟି ନେତା ମନୀଷ ସିସୋଡିଆଙ୍କ ନ୍ୟାୟିକ ହେପାଜତକୁ ଜାନୁୟାରୀ ୧୦ ପର୍ଯ୍ୟନ୍ତ ବୃଦ୍ଧି କରିଛନ୍ତି। ସ୍ବତନ୍ତ୍ର ବିଚାରପତି ଏମ୍ ନାଗପାଲ ଏହି ମାମଲାରେ ଅତିରିକ୍ତ ଦଲିଲ ଦାଖଲ କରିବାକୁ ଅନୁମତି ମାଗିବା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା ଦାଖଲ ହୋଇଥିବା ଏକ ଆବେଦନ ଉପରେ ସିସୋଡିଆ ଏବଂ ଅନ୍ୟ ଅଭିଯୁକ୍ତଙ୍କଠାରୁ ପ୍ରତିକ୍ରିୟା ମାଗିଛନ୍ତି। ଜଜ୍ ଅଭିଯୁକ୍ତମାନଙ୍କୁ ଜାନୟାରୀ ୧୦ସୁଦ୍ଧା ଆବେଦନ ଉପରେ ନିଜର ପ୍ରତିକ୍ରିୟା ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ଜାନୁଆରୀ ୧୦ରେ ପରବର୍ତ୍ତୀ ଶୁଣାଣି ପୂର୍ବରୁ ଅଭିଯୁକ୍ତମାନଙ୍କୁ ୫୪୦ପୃଷ୍ଠାର ଅତିରିକ୍ତ ଦଲିଲର ନକଲ ପ୍ରଦାନ କରିବାକୁ କୋର୍ଟ ମଧ୍ୟ ନିର୍ଦ୍ଦେଶ ଦେଇଛନ୍ତି।
