ନୂଆଦିଲ୍ଲୀ,୧୯।୯: ଦେଶର ପ୍ରତିରକ୍ଷା କ୍ଷେତ୍ର ଲାଗି ଅଟୋମେଟିକ୍ ରୁଟ୍ରେ ବିଦେଶୀ ପ୍ରତ୍ୟକ୍ଷ ପୁଞ୍ଜି ନିବେଶ (ଏଫ୍ଡିଆଇ) ୪୯%ରୁ ୭୪%କୁ ବଢ଼ାଯାଇଛି। ସେହିଭଳି ୭୪%ରୁ ଊର୍ଦ୍ଧ୍ୱ ଏଫ୍ଡିଆଇ ଲାଗି ସରକାରଙ୍କ ଅନୁମତି ଆବଶ୍ୟକ ହେବ ବୋଲି ଜଣାପଡିଛି। ସରକାରଙ୍କ ଏଭଳି ପଦକ୍ଷେପ ଦ୍ୱାରା ଦେଶରେ ଇଜ୍ ଅଫ୍ ଡୁଇଁ ବିଜ୍ନେସ ତ୍ୱରାନ୍ବିତ ହେବ ବୋଲି କେନ୍ଦ୍ର ବାଣିଜ୍ୟ ଏବଂ ଉଦ୍ୟୋଗ ମନ୍ତ୍ରୀ ପୀୟୂଷ ଗୋୟଲ ଟୁଇଟ ଯୋଗେ ସୂଚନା ଦେଇଛନ୍ତି। ଜାତୀୟ ସୁରକ୍ଷା ଦୃଷ୍ଟିରୁ ପ୍ରତିରକ୍ଷା ଏଫ୍ଡିଆଇକୁ ତର୍ଜମା କରାଯିବାର ଆବଶ୍ୟକତା ରହିଥିବା ସେ ମତ ପ୍ରକାଶ କରିଛନ୍ତି। ଆତ୍ମନିର୍ଭର ଭାରତ ଯୋଜନାରେ ପ୍ରତିରକ୍ଷା ଉତ୍ପାଦନକୁ ବଢାଇବା ଦିଗରେ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଥିବା ଗୋୟଲ ମତ ପ୍ରକାଶ କରିଛନ୍ତି। ଏହା ସହ ସରକାର ଜାତୀୟ ସ୍ବାର୍ଥ ଏବଂ ସଂହତିକୁ ମଧ୍ୟ ଧ୍ୟାନରେ ରଖିଛନ୍ତି। ଏହି କ୍ଷେତ୍ରର ୭୪% ଏଫ୍ଡିଆଇ ଉପରେ କମ୍ପାନୀଗୁଡିକୁ ନୂଆ ଇଣ୍ଡଷ୍ଟ୍ରିଆଲ ଲାଇସେନ୍ସ ହାସଲ କରିବାକୁ ପଡିବ ବୋଲି ଜଣାପଡିଛି।
