ସବୁ ପ୍ରାଣୀଙ୍କଠାରୁ ବାଘକୁ ଭୟଙ୍କର ବୋଲି କୁହାଯାଏ। ଯଦି ବାଘ ଜଙ୍ଗଲରେ ଥାଏ ତେବେ ଅନ୍ୟ ପ୍ରାଣୀମାନେ ସେହି ଅଞ୍ଚଳକୁ ଯିବାକୁ ଭୟ କରନ୍ତି। କାରଣ ସେମାନେ ଜାଣିଥାନ୍ତି କି ବାଘର ଆକ୍ରମଣର ନିଶ୍ଚିତ ଶିକାର ହେବେ। ବାଘ ଏତେ ଶୀଘ୍ର ଆକ୍ରମଣ କରେ ଯେ, ସାମ୍ନାରେ ଥିବା ବ୍ୟକ୍ତି ଭାବିବା ଏବଂ ବୁଝିବାକୁ ବି ସମୟ ପାଆନ୍ତି ନାହିଁ। ଆଜିକାଲି ଟୁଇଟରରେ ସେମିତି ଏକ ଭିଡିଓ ଭାଇରାଲ ହେଉଛି। ଏଥିରେ ଏକ ବାଘ ଜଙ୍ଗଲରେ ବୁଲୁଥିବା ହରିଣ ଉପରେ ଆକ୍ରମଣ କରୁଛି। ତା’ପରେ ଯାହା ଘଟୁଛି ଭିଡିଓ ଦେଖିଲେ ଜାଣିପାରିବେ।
#Life is unexpected, death too.
Pure Wilderness pic.twitter.com/mxnkqHtpxO— WildLense® Eco Foundation 🇮🇳 (@WildLense_India) March 12, 2023
@WildLense_India ନାମକ ଏକ ଟୁଇଟର ପେଜ୍ରେ ଭିଡିଓଟି ଶେୟାର କରାଯାଇଛି। ଏଥିରେ ଆପଣ ଦେଖିପାରିବେ ହରିଣ ଜଙ୍ଗଲରେ ଚରୁଛି। ଏହି ସମୟରେ ହଠାତ୍ ଏକ ବାଘ ଗଛ ଉପରୁ ହରିଣ ଉପରକୁ କୁଦିପଡୁଛି। ବାଘଟି ଗଛରୁ ଡେଇଁ ସିଧା ହରିଣର ବେକକୁ ଧରୁଛି। ବାଘଟି ହରିଣର ବେକକୁ ଏପରି ଧରିଛି ଯେ, ଯେପରି ହରିଣଟି ରକ୍ଷା ପାଇପାରିବ ନାହିଁ। ହରିଣ ବାଘ ମୁହଁରୁ ବାହାରିବା ପାଇଁ ବାରମ୍ବାର ଚେଷ୍ଟା କରୁଛି, ତଥାପି ବିଫଳ ହେଉଛି। ବାଘ ତାକୁ ଦାନ୍ତରେ ଭିଡ଼ିଧରିଛି।
ମାତ୍ର ୧୬ ସେକେଣ୍ଡର ଏହି ଭିଡିଓକୁ ବର୍ତ୍ତମାନ ସୁଦ୍ଧା ୩୭ ହଜାରରୁ ଅଧିକ ଥର ଦେଖାସରିଲାଣି। ୫୦୦ ଲାଇକ୍ ମିଳିଛି।
